السفر بللصيف الجاي خلونا نخطط له

[استعجلت الرحيل]

مرحبا بنات

منو ناوي يسافر بالصيف الجاي :ggdw: بلشتو تجميع وتخطيط :eh_s(22):
انا عن نفسي مستعده ان شاءالله وداخله جمعيات بنص معاشي :eh_s(9): بس المشكله مو عارفه شكثر راح اقعد مخططه على اوروبا ومعاي عيالي وين اطب ومن وين اطير واي مكان يستحق ان نقعد فيه اكثر


قولولي شنو تخطيطكم وعسى الله يكتب لنا سفره للسنه الجايه :yaaaaaarb:

 

[الله يعيني]

استعجلت الرحيل الله يكتب لكم احلى سفره ان شاء الله و اوروبا اختيار موفق انصحج الوصول يكون بمطار ميونخ تمشي بألمانيا و روحي سوق ميونخ و منطقة قارمش و روحي انترلاكن هذي روعه يبيلها اقل شي ٣ ايام و بعد في أماكن حلوه بسويسرا و روحي النمسا اخذي فره شوفي زلمسي و الكابيرون و المناطق اللي حواليها و الله يهنيكم

 

[الله يعيني]

استعجلت الرحيل الله يكتب لكم احلى سفره ان شاء الله و اوروبا اختيار موفق انصحج الوصول يكون بمطار ميونخ تمشي بألمانيا و روحي سوق ميونخ و منطقة قارمش و روحي انترلاكن هذي روعه يبيلها اقل شي 3 ايام و بعد في أماكن حلوه بسويسرا و روحي النمسا اخذي فره شوفي زلمسي و الكابيرون و المناطق اللي حواليها و الله يهنيكم

 

[استعجلت الرحيل]

مشكوووره ياقلبي ��

 

[TINA]

بنات صراحة انا ان شاء الله بروح اوروبا بس ماني عارفة وين ابي مكان في بحر ووناسة سويت سيرش حسيت مناظر شرق اسيا بوكيت و بالي احلى المشكلة سفرتنا بشهر 6 تصلح بوكيت او الجو ما يناسب ؟؟ شنو تقترحون

استعجلت الرحيل وديهم يورو ديزني يستانسون وايد الله يهنيج بسفرتج على فكره انا بعد اسافر من الجمعيات ولا غير جذي ما اقدر اجمع للسفر ههه

 

[مدّهره !]

إن شااء الله ياارب يعططينا الصحة والعمر ونساافر ونعيش أحلى عيشه ههههه

 

[ms_5ajoola]

ان شاءالله ودي اسافر الصين الصيف الياي

 

[д7βk βşķάť]

انا عن نفسي ناويه باذن الله انسافر بالصيف

بس هذا اول مره سفرتنا تكون برا الخليج :$

فامحتاره حيل مدري وين اروح مره اقول بروح تركيا لان حيل احب مسلسلاتهم ههههه مادري عاد تركيا تستاهل الروحه او ولا ومرات اقول بخاطري فرنسا ومره اقول لندن ومره زوجي يقول اسبانيا ومره ايطاليا

عاد مدري وين بروح نصحوني بنات وين اروح بما انها اول سفره لنا

الغاليه استعجلت الرحيل موضوعج جا بوقته وياريت يثبتونه ويكون تجمع للبنات الي ناوين باذن الله بيسافرون

والله يرزقنا ويرزقكم السفره الحلوه

واتمنى من خواتي الي اكثر من مره سافرو ويعرفون ياريت ينصحونا ويعلمونا جم يكلف من مصرف واي وقت حلو انه يسافر فيه لمناطق الي بيذكرونهاا

ونبي نعرف وين الاماكن الحلوه لتقضي الملابس وسوالف الفناتك الي البنات يجبونها من برا

انا باذن الله اذا ربي كتب وسافرت راح اكتب تجربتي بتقرير

​

 

[نـعـومـه]

والله زين تسوين انا اذا بسافر قبلها بسنه اخطط وايمع

انا عن نفسب ماعتقد هالصيف اسافر

انتي شوفي يعتمد وين رحتي لندن حلوه لليهال بس صيف شوي حر يقولون

فرنسا حلوه لليهال عشان ديزني

 

[كنوز78]

خليج على اوروبا احلا من شرق اسيا بواااايد.. رحت ماليزيا حليوه ... اما تايلاند كلش ما عجبتني

بالنسبه لاوروبا

ما انصحج بلندن بالصيف زحمه

روحي المانيا ... ميونخ و قارميش و طلعي النمسا زلمسي روعه و كابرون ...

ايطاليا ما رحت بس يمدحون البندقيه و ميلانو ..

سويسرا غاليه بس كطبيعه روعه ... اننترلاكن و لوغانو و كذا منطقه قمه في الروعه

فرنسا ما حبيتها .. قعدنا بس بباريس يمكن عشان جذي ما حبيتها ... بس الشانز و القعدة فيه ماكو شي ثاني

اسبانيا ودي اروح لها احس ديره حلوة ... نبي راي البنات الي جربوها

هولندا يمدحونها و يمدحون منتجعاتها..

اهم شي التخطيط الناجح للسفره.. شوفي تقارير اوروبا في المسافرون العرب.. و احجزي التذاكر قبلها بفتره ارخص... و حجز الفنادق من موقع بوكينغ مضمون و توفرين عن مكاتب السفريات ... و بالتوفيق للجميع

 

[استعجلت الرحيل]

انا الحمدلله حجزت لميونخ وصدرت التذاكر للصيف بس باقي السياره والفنادق

وماسكه ع نفسي حيل للسفر

بسالكم سمعت ان بريمارك موجود بالمانيا صج

 

[д7βk βşķάť]

الله يوفقنا ويوفقكم بسفره الحلوه

كنوز مشكوره ياقمر على المعلومات الي كتبتيها لنا الله يجزاج خير يالغاليه

 

[lebanon night]

انا عن نفسي حجزت سفرتي مايو 12 يوم في تركيا (تقسيم ) روعة رخيصة و حلوة و مناسبة للعوائل وجوهم تحفة
يعني الماء والخضرة والوجه الحسن
أكلهم طيب و جوهم رائع وطبيعة حلوة و السياحة حلوة


وشهر سبتمبر حاجزة 20 يوم لبنان نازلة عند أهلي و كزورة بـ (بيروت - جبيل - طرابلس وسير الضنية - بعلبك - حريصا - جعيتا - الارز- الشوف - زحلة )

طبعا لبنان جنة الله على الارض
وانت عرفي كلمة جنة .. شوبينغ - طبيعة - سهر ومشواير - أكل طيب - جو رائع - وكل ما تتمنينه

حتى لو بدك تتعالجي أو تعملي تجميل انزلي على لبنان على عبادة د. نادر صعب
أشهر جراح تجميل بالشرق الاوسط كلو

 

[وومنتي]

يأبرني قلبيك ليبانون نايت انا على طول هونيك شهريا اكتر من مره وبعز المشكل ،الله بيعت الخير للبنان ولكل البلاد العربية

 

[ms_5ajoola]

اب

اب

اب