السعوديات المتزوجات كويتيين وبنات الجهراء ممكن ؟

[الآنسة الشحرورة]

السلام عليكم
خواتي انا سعودية متقدم لي كويتي وحابة اسال السعوديات المتزوجات كويتييت كيف تجاربهم
وهو ساكن بالجهراء خواتي الكويتيات الجهراء وشي ؟
بحثت عنها بقوقل طلعت لي حادثة الجهراء
الله يسعدكم ساعدوني تعبت من التفكير

 

[shadows]

اختي مافهمت المطلب!!

يعني انتي بسعوديه وتقدملج واحد بالكويت؟؟

انتوا اقارب ولا شلون تقدملج؟؟

وانا اعتقد مافيها شي والزواج قسمه ونصيب

والجهراويين والنعم فيهم بعد لو تقولين لي اسم عائلتهم يمكن افيدج اكثر هههه

الله يوفقج عزيزتي

 

[غلا مبارك]

اسألوا عنه خلي ابوك
واخوانك يسألون عنه واهم شي صلاته
مو مهم من وين اهم شي اخلاقه

 

[دعابة الشـتاء]

الجهراء محافظة من محافظات الكويت
ابحثي في قوقل عن محافظة الجهراء وان شاء الله يفيدج الجواب
تقبلي مروري المداعب

 

[كادى الحب]

انتى تبين تتزوجين الجهراء والا الى متقدم لج شكو الجهراء اسالى عن اخلاقة ودينة وصلاتة والكويت كلها يابخت من سكن فيها فديتها ديرتى ولاهان الخليج كلة اهلنا وعزوتنا

 

[غداً القاك]

^
ههههه
انا سعوديه بس اعرف بنات كثير متزوجات كويتين وبالجهراء ابد عادي
يعني ديره مثل هالديره واهم شي هو واخلاقه وتعامله ومااظن مافيه احد يعرف الجهراء
انتي ماعليك منها اهم شي الرجال زين اهم شي
وتجارب الناس مو الا تفيدك كل اثنين لهم حياتهم الخاصه وظروفهم الخاصه ماراح تستفيدين لو عرفتي تجاربهم

 

[al3sooola]

انتى تبين تتزوجين الجهراء والا الى متقدم لج شكو الجهراء اسالى عن اخلاقة ودينة وصلاتة والكويت كلها يابخت من سكن فيها فديتها ديرتى ولاهان الخليج كلة اهلنا وعزوتنا

صح كلامج :dddds:

 

[moone GRL]

فديت ديرتي والله كل من يتمنى يسكن فيها


الله يوفقج

 

[كوكب الدرر]

إذا الريال زين وخلوق ما يهم المكان اللي عايش فيه

بس حطي في بالج إن الغربة صعبة
صحيح الكويت مو بعيد عن السعودية بس ما راح تقدرين تزورين أهلج في أي وقت
والبنت أول ما تتزوج تحتاج وايد لأهلها وما تقدر تبتعد عنهم بسهولة
فلازم تقوين علاقتج باهله علشان يخففون عنج إحساسج بالغربة

والله الموفق

 

[mediaaaa]

الجهراء كلها بدو و اا سعوديين فراح تستانسين فيها
مناطق الحظر ماراح تتأقلمين فيها
بس حبيت اعطيج نبذه عن الجهراء
موفقه

 

[مريومه النزغه]

شكو الجهرا الجهرا منطقه من مناطق الكويت. اغلب اللي ساكنين فيها بدو هذي تعريف الجهرا وانا وايد ناس من جمعاتنا ساكنين الجهرا

 

[الشمريه]

حبوبه انا سعوديه متزوجه كويتي وساكنه الجهرا تبين رقمي دزي عل خاص

والحمدالله اهم شي الرجاااااااااااااااااااااااال مو المكاااااان

 

[الشمريه]

فديت ديرتي والله كل من يتمنى يسكن فيها


الله يوفقج

فديت بنات ديرتي كل من يتمنى يتزوجهن

ولااااقصور بحبيبااااات قلبي الكويتياااات:eh_s(17):

 

[مارياq8]

اهم شي الريال زين واخلاقه زينه

والجهراء تهبل والكويت اروع بعد

 

[Loutes]

حبيبتي الغربية مو سهله ابببببببببد بتدفعين ثمنها غالي

 

[ياليل مااطولك]

شوفي انا لااعرف الكويت ولم اذهب اليها الامرة واحده وكان جلوسي بها فقط 8 ساعات ولاكن الخليج كله ديره وحده اهم شي التوفيق ودين الزوج

 

[رتو الكيوت]

اذا انتي توج صغيره نصيحه لاتغتربيييييييييين

انتي من اهل اي ديره بالظبط ؟

علشان ابين الفرووق الي بتصير ض1

 

[gala q8]

, الجهــرآ منطقه اغلب اللي يسكنونهـآ بدو او من قبـآيل ,

بس انتي لا تفكرين بالمنطقه ,, بكري بالريال ,, إذا زين وافقي ’’ بس إذا تقدرين عالغررربه ,,

وبس هذا اقدر اللي افيدج ,,

 

[زوجة ضابط طيار]

شكو الجهرا الجهرا منطقه من مناطق الكويت. اغلب اللي ساكنين فيها بدو هذي تعريف الجهرا وانا وايد ناس من جمعاتنا ساكنين الجهرا

اختي مريووومه شد انتبااهي توقيعج

تبين الله يوفقج ويستر عليج امين

بس يااقلبي الصوره الرمزيه مالتج مو حق وحده همها الستر

غيري الصوره الرمزيه واخلصي النيه لله وان شاء الله راح يستر عليج

ويغنيج بحلاله عن حراامه :yaaaaaarb:

 

[الآنسة الشحرورة]

اختي مافهمت المطلب!!

يعني انتي بسعوديه وتقدملج واحد بالكويت؟؟

انتوا اقارب ولا شلون تقدملج؟؟

وانا اعتقد مافيها شي والزواج قسمه ونصيب

والجهراويين والنعم فيهم بعد لو تقولين لي اسم عائلتهم يمكن افيدج اكثر هههه

الله يوفقج عزيزتي

انا بالسعودية وتقدم لي كويتي بالكويت
تقدم لي عن طريق صديقتي اهو طالب سعودية
عايلته صعبه اقولها
واياك يارب