الزوج ليه متى ؟؟؟؟؟؟؟؟؟؟؟؟

[مذهلة2013]

السلام عليكم :eh_s(7):

بنات موضوعي اليوم عن الزوج موضوع عاااااااام وللمناقشه :eh_s(15):

كل انسان يغلط ماكو احد معصموم من الغلط حلو ؟

بس اذا الزوجه شكت بزوجها و شافت عنده بلاوي رسايل وصور

الناس يلومونها ليش فتشتي ليش دورتي من وراه ليش وليش

انزين واذا الزوجه اغلطت ؟ والزوجه شك وشافها سيده طلاق :eh_s(10):

ليش الزوجه تمثل دور الطيبه وتسامح و تعيش معاه واهو خاينها تدرون شنو الخيانه

يعني مايحبني يعني ماحاطلي حشيمه ولا مقدار ولا معزه انا مو مقصره وياه بشيء

الزوجه الي ماتقصر ويه زوجها بشيء مو مال تقعد وياه دقيقه وحده

ولاتقولون مسجات وصور عااااااااااااااادي لاموعادي :rgewrg:

الصور و المسجات تتحول الى <<< فراش مكالمات طلعات والشيطان مامات :eh_s(4):

انا انام يم واحد يخوني ؟ واحد معطيته ماي عيني واهو مومعبرني بشيء حرام والف حرام

انا وياه ويسوي جذي لو من وراي شيسوي ؟؟؟؟؟؟؟؟؟؟؟؟

انا هالموضوع ماابي احرض الزوجات على الخيانه او اخرب بيوتهم لا والف لا

بس لاتسكتين ناقشي زعلي قلبي الدنيا عليه وعلى راسه

الزوجه مو خادمه تغسل وتكوي الزوجه لها مقدار المفروض غصبن عليه يعرفه ويحطله اعتبار

ربي يسخر لنا ازواجنا ويبعد عنهم بنات الحرام :eh_s(7):

 

[tooooma]

كلامج سليم وماعليه أي غباااار لكن المشكله في الناس اللي قاموا يحطون الزمااان شماعه حق اخطائهم

نعم في رجال يخونون وايضا في متزوجاااات يخونون وطبعا هذا الشي يصير اثناء فترة الدوامات لأني كل شخص بعيد عن الثاني

لكن جدااام بعض شيء ثاني لكن انا اقوولج رب العالمين موجود وراح ينفضح او تنفضح وكل انسان وتربيته والتزامه مع ربه

 

[مذهلة2013]

كلامج سليم وماعليه أي غباااار لكن المشكله في الناس اللي قاموا يحطون الزمااان شماعه حق اخطائهم

نعم في رجال يخونون وايضا في متزوجاااات يخونون وطبعا هذا الشي يصير اثناء فترة الدوامات لأني كل شخص بعيد عن الثاني

لكن جدااام بعض شيء ثاني لكن انا اقوولج رب العالمين موجود وراح ينفضح او تنفضح وكل انسان وتربيته والتزامه مع ربه

صح كلامج

بس انا الي اقصده لما الزوجه تدري انه ريلها خاينها والناس يقولون لها ماعليه تحملي ريلج هذا
اوكي ريلي اتحمل كل شيء فيه عصبيته غيرته طبعه كل شيء بس مااتحمل خيانته :eh_s(14):


مشكورة حبيبتي عالرد

 

[~أغلى الغاليات~]

هذا اكبر غلط ..احنا الحريم نزرع في بعض ان الرجل لو غلط غلطاته مغفوره والمجتمع يأيد الرجل بكل عيوبه ويروج لمقوله الرجال ما يعيبه الا جيبه وتالي بكل بساطه يقولون من مرته لو مرته سنعه ما خان..ليش المراه تحمل اختها المراه فوق طاقتها لين متى ثقافه الانكسار للمراه وهي اللي لازم تنجح الزواج عيل ليش القوامه عندهم يعطونها ايانا دام بنصبر صبر ايوب عليهم !! ..كم رجال ستر على زوجته وهي خاينه !! ولا ما طلقها ينعدون على الاصابع ..وكم مره صادت زوجها وسترت عليه وامسكت ارضها لان عارفه بكل بساطه هي الملامه ليش فتشتي وليش تشكين والغلط منج روحي تعدلي وسوي نيو لوك يعني ابي اعرف شنو المسج اللي يوصل له بخونها وهي بتسويني يا دهينه لا تنكتين وبتكشخ وبتتعدل !! عيل ابشري بالخيانات اللي بعدها دام راضيه على نفسج ..هالشي احنا زرعناه وهالشي غلط ..ولازم المراه تعرف قدرها وقيمتها عشان زوجها يعرف قدرها ويحترمها ويحشمها ..

 

[tooooma]

في ناس اذا واجهته سهل انه يتعذر بأي شي فأغلب اللي يخونون تلاقينه عاااااديه عنده السالفه اقلها يقولج غلطه

وفي نوع ثاني من الرجال اذا طحتي عليه يقولج انتي السبب مقصره بحقي مع العلم انج مومقصره بس صااار عند الناس شي عادي

الجذب والخيانه واقلها اذا شافج عصبتي قالج هذا انا تبين ولا طلبي الطلاق

ونفس الشي حق الزوجه اللي اتخون تقعد تتعذر باعذار بايخه انه الزوج مايقولي كلام حب ولا مايشبعني بالفراش

مهما كان الموضوع وحساسيته لا بد الانسان مايفقد الامل بربه لانه رب العالمين اهو اللي يهدي البشر

لا انا ولا انتي نقدر انغير هالبشر آآآآآآآخ يابشر الله يشهد اني مريت بظرووف لكن اشكي همي لربي والله يهدي الجميع

 

[لوولوو_88]

اي والله يا مذهله وربي كتبتي الي أفكر فيه ..

البنات يشكون و تييج وحده عادي كل الرياييل جذي طنشي !!!


سلاماااات حبيبتي شللي الرياييل كلهم نفس الشي .. يعني اطالع و تسكت !!!

انا أشوف العلاقة الزوجية نفس البيت يا أما الرجل يصون مرته و يبنيه أو يخربط و يهدم البيت ..

عشان جذي اشوف المرا ما تسكت تناقش بينها و بينه مره و اثنين و ثلاث ما تاب أدخل أحد ثقا .. لأنه من حقهاااا تعيش عند رجل محترمها و مقدرها ..

رب العالمين قال ( فإمساك بمعروف أو تسريح بإحسان )) صدق الله العظيم

هذا كلام ربي شللي يخلي المرا تسكت على ظلمه و عدم مخافة الله فيها !!! ولاااااااا شيييييي ..

بتقولون عيال و هدام بيت !! .. ابشركم في دراسة تبين أنه نفسيه الأطفال الي عايشين مع أم مطلقة بس سعيدة ينجزوون في حياتهم و دراستهم أكثر من المرا اليائسة المحبطه من زوجها و معاه لأنها بنفسيتها ما تحتوي عيالها ولا تركز عكس الأولى ..

كلامي مو تحريض كلامي حق الي مشاكلهم كبيرة فيها تقليل من قدر المرا و عدم مخافة الله فيها .. و حق الي سامحت مليون مرة و دخلت أهل ولا حشم بنت الناس ..

و عسى ربي يسخر لنا ازواجنا و يبعدهم عنهم الشر و يسخرهم لنا و لجميع البنات

 

[laplacekwt]

الي يخون ما يخون لانه بهالزمن يسمحله يخون. . . الخيانه خيانه سواء في هالزمن او غيره و الزوج الي يخون مو معذور ولا مجبوره البنت تسامحه انا مادري ليش جنه البنت لازم تسكت و تتحمل اخطاء زوجها و العكس غير صحيح مادري شنو هالعقليه يعني ممكن عند الزوج سبب يخون بس مو معذور مهما كان السبب

مادري بس هذا رايي

 

[صعب اكتم احساسي]

انا اعتبرها البنت تهين نفسها وكرامتها اسامحه هو بيسامحني والعياذ بالله لا طبعا
بعدين البنات هالايام نادر اللي محترمه نفسها اللي تغازل واللي تطلع مع متزوج والطامه اللي متزوجه وتخون ماتخاف ربها ماتحترم الانسان اللي على ذمته ولا ام على اي اساس تربي اطفال قصص نسمعها تشيب الراس اطفال يشوفوا امهم مع واحد في وسط البيت
عشان مااطلع عن الموضوع الله لايحطني ولا يحط اي زوجه في هالوضع لكن من وجهة نظري الرجال اللي يخون الخياه وياه مستحيله وحتى لو ظلت المراه بتظل غصبا عنها وعشان عيالها حياه سيئه مافي حب وعمرها مابتنسى
يقهروني اللي متزوجه وتنصح متزوجه وزوجها خانها لا سامحي وكل الرجال يكلمون ويخونون اوك كل الناس يخونون هذا مايخليني ادفن نفسي مع واحد مايحبني
الله يبعد الجميع عن الحرام ويرزقنا حياة سعيده يارب ويسخر كل زوج لزوجته

 

[ضــمــاد]

١: انا ضد انه الزوجه تفتش لمجرد أنها تحس انه زوجها قاعد يلعب بذيله ، وأنا مؤمنه بأنه الله اذا يبي يفضح الزوج ، راح يفضحه بدون لاتفتش الزوجه

وهالشي انا شفته ، لكن لما الزوجه تتأكد ويكون عندها دليل قوي ، بالنسبه لي افضل أغير معاملتي معاه وأكون اكثر غموض

و ايننه اخليه يشك حتى بنفسه عشان يعرف انه الله حق ، يعني اخليه ينشغل فيني و ف تصرفاتي ، والريال ما يقدر يركز على ٢

يا يركز مع اللي يكلمها ويطنش الزوجه او العكس ، المهم اني ما راح أحط ايدي على خدي واسويه يدهينه لاتنكتين ، بس بنفس الوقت

ماراح اواجه ، عشان يحتار ، يعني بتعامل معاه بطريقتهم بطريقة الرجال

لو تلاحظين :

١: المره لما تحس انه زوجها يلعب بذيله ، تلمح له او بعضهم يقطونها بالوي ، وهالشي يخلي الريال حذر ، عشان زوجته ما تكشف امره


٢: الريال اذا حس انه زوجته مو مضبوطه ، يحسسها بالأمان والثقه ، ويراقبها عن بعد ، ولما يشوف شي يأكد شكه بزوجته

وقتها يواجها

 

[مذهلة2013]

حياكم الله

 

[om 7amoodi]

عشان ينجح الزواج لازم الواحد يغض نظره عن الاخطاء من بس الزوجة حتى الزوج واذا تكرر الغلط يواجه و يناقش مو من اول غلطه اسوي سالفه
بس مسألة الخيانة غلط ما ينسكت عنه اذا ما انحط لها حد من البداية الطلاق أحسن حل الوحده مو مجبوره تضيع وقتها مع واحد ما عندها ثقة فيه والخيانة ما تدرين شنو توابعها يمكن امراض او يمكن العيال يكتشفون و يطيح ابوهم من عينهم و يفقدون احترامه

 

[مذهلة2013]

صح ام حمودي

حياج الله

 

[yam_yam]

في عيوب و اخطاء تتطوف و فيه لا
عن نفسي مستحيل اسامح الخيانة

 

[مذهلة2013]

كلامج سليم وماعليه أي غباااار لكن المشكله في الناس اللي قاموا يحطون الزمااان شماعه حق اخطائهم

نعم في رجال يخونون وايضا في متزوجاااات يخونون وطبعا هذا الشي يصير اثناء فترة الدوامات لأني كل شخص بعيد عن الثاني

لكن جدااام بعض شيء ثاني لكن انا اقوولج رب العالمين موجود وراح ينفضح او تنفضح وكل انسان وتربيته والتزامه مع ربه

صح كلامج :eh_s(17):

نورتي :eh_s(17):

 

[مذهلة2013]

هذا اكبر غلط ..احنا الحريم نزرع في بعض ان الرجل لو غلط غلطاته مغفوره والمجتمع يأيد الرجل بكل عيوبه ويروج لمقوله الرجال ما يعيبه الا جيبه وتالي بكل بساطه يقولون من مرته لو مرته سنعه ما خان..ليش المراه تحمل اختها المراه فوق طاقتها لين متى ثقافه الانكسار للمراه وهي اللي لازم تنجح الزواج عيل ليش القوامه عندهم يعطونها ايانا دام بنصبر صبر ايوب عليهم !! ..كم رجال ستر على زوجته وهي خاينه !! ولا ما طلقها ينعدون على الاصابع ..وكم مره صادت زوجها وسترت عليه وامسكت ارضها لان عارفه بكل بساطه هي الملامه ليش فتشتي وليش تشكين والغلط منج روحي تعدلي وسوي نيو لوك يعني ابي اعرف شنو المسج اللي يوصل له بخونها وهي بتسويني يا دهينه لا تنكتين وبتكشخ وبتتعدل !! عيل ابشري بالخيانات اللي بعدها دام راضيه على نفسج ..هالشي احنا زرعناه وهالشي غلط ..ولازم المراه تعرف قدرها وقيمتها عشان زوجها يعرف قدرها ويحترمها ويحشمها ..

كلامج سليم :eh_s(15):

نورتي :eh_s(17):

 

[مذهلة2013]

في ناس اذا واجهته سهل انه يتعذر بأي شي فأغلب اللي يخونون تلاقينه عاااااديه عنده السالفه اقلها يقولج غلطه

وفي نوع ثاني من الرجال اذا طحتي عليه يقولج انتي السبب مقصره بحقي مع العلم انج مومقصره بس صااار عند الناس شي عادي

الجذب والخيانه واقلها اذا شافج عصبتي قالج هذا انا تبين ولا طلبي الطلاق

ونفس الشي حق الزوجه اللي اتخون تقعد تتعذر باعذار بايخه انه الزوج مايقولي كلام حب ولا مايشبعني بالفراش

مهما كان الموضوع وحساسيته لا بد الانسان مايفقد الامل بربه لانه رب العالمين اهو اللي يهدي البشر

لا انا ولا انتي نقدر انغير هالبشر آآآآآآآخ يابشر الله يشهد اني مريت بظرووف لكن اشكي همي لربي والله يهدي الجميع

حبيبتي ربي يعدي ضروفج على خير
ويفرج همج :eh_s(17):

 

[مذهلة2013]

اي والله يا مذهله وربي كتبتي الي أفكر فيه ..

البنات يشكون و تييج وحده عادي كل الرياييل جذي طنشي !!!


سلاماااات حبيبتي شللي الرياييل كلهم نفس الشي .. يعني اطالع و تسكت !!!

انا أشوف العلاقة الزوجية نفس البيت يا أما الرجل يصون مرته و يبنيه أو يخربط و يهدم البيت ..

عشان جذي اشوف المرا ما تسكت تناقش بينها و بينه مره و اثنين و ثلاث ما تاب أدخل أحد ثقا .. لأنه من حقهاااا تعيش عند رجل محترمها و مقدرها ..

رب العالمين قال ( فإمساك بمعروف أو تسريح بإحسان )) صدق الله العظيم

هذا كلام ربي شللي يخلي المرا تسكت على ظلمه و عدم مخافة الله فيها !!! ولاااااااا شيييييي ..

بتقولون عيال و هدام بيت !! .. ابشركم في دراسة تبين أنه نفسيه الأطفال الي عايشين مع أم مطلقة بس سعيدة ينجزوون في حياتهم و دراستهم أكثر من المرا اليائسة المحبطه من زوجها و معاه لأنها بنفسيتها ما تحتوي عيالها ولا تركز عكس الأولى ..

كلامي مو تحريض كلامي حق الي مشاكلهم كبيرة فيها تقليل من قدر المرا و عدم مخافة الله فيها .. و حق الي سامحت مليون مرة و دخلت أهل ولا حشم بنت الناس ..

و عسى ربي يسخر لنا ازواجنا و يبعدهم عنهم الشر و يسخرهم لنا و لجميع البنات

نورتي عروسه :eh_s(17):

 

[مذهلة2013]

الي يخون ما يخون لانه بهالزمن يسمحله يخون. . . الخيانه خيانه سواء في هالزمن او غيره و الزوج الي يخون مو معذور ولا مجبوره البنت تسامحه انا مادري ليش جنه البنت لازم تسكت و تتحمل اخطاء زوجها و العكس غير صحيح مادري شنو هالعقليه يعني ممكن عند الزوج سبب يخون بس مو معذور مهما كان السبب

مادري بس هذا رايي

مهما كان السبب صح كلامج
الخيانه شيء مو سهل :eh_s(4):
نورتي :eh_s(17):

 

[مذهلة2013]

انا اعتبرها البنت تهين نفسها وكرامتها اسامحه هو بيسامحني والعياذ بالله لا طبعا
بعدين البنات هالايام نادر اللي محترمه نفسها اللي تغازل واللي تطلع مع متزوج والطامه اللي متزوجه وتخون ماتخاف ربها ماتحترم الانسان اللي على ذمته ولا ام على اي اساس تربي اطفال قصص نسمعها تشيب الراس اطفال يشوفوا امهم مع واحد في وسط البيت
عشان مااطلع عن الموضوع الله لايحطني ولا يحط اي زوجه في هالوضع لكن من وجهة نظري الرجال اللي يخون الخياه وياه مستحيله وحتى لو ظلت المراه بتظل غصبا عنها وعشان عيالها حياه سيئه مافي حب وعمرها مابتنسى
يقهروني اللي متزوجه وتنصح متزوجه وزوجها خانها لا سامحي وكل الرجال يكلمون ويخونون اوك كل الناس يخونون هذا مايخليني ادفن نفسي مع واحد مايحبني
الله يبعد الجميع عن الحرام ويرزقنا حياة سعيده يارب ويسخر كل زوج لزوجته

تسلمين ماتقصرين :eh_s(17):
نورتي :eh_s(22):

 

[مذهلة2013]

1: انا ضد انه الزوجه تفتش لمجرد أنها تحس انه زوجها قاعد يلعب بذيله ، وأنا مؤمنه بأنه الله اذا يبي يفضح الزوج ، راح يفضحه بدون لاتفتش الزوجه

وهالشي انا شفته ، لكن لما الزوجه تتأكد ويكون عندها دليل قوي ، بالنسبه لي افضل أغير معاملتي معاه وأكون اكثر غموض

و ايننه اخليه يشك حتى بنفسه عشان يعرف انه الله حق ، يعني اخليه ينشغل فيني و ف تصرفاتي ، والريال ما يقدر يركز على 2

يا يركز مع اللي يكلمها ويطنش الزوجه او العكس ، المهم اني ما راح أحط ايدي على خدي واسويه يدهينه لاتنكتين ، بس بنفس الوقت

ماراح اواجه ، عشان يحتار ، يعني بتعامل معاه بطريقتهم بطريقة الرجال

لو تلاحظين :

1: المره لما تحس انه زوجها يلعب بذيله ، تلمح له او بعضهم يقطونها بالوي ، وهالشي يخلي الريال حذر ، عشان زوجته ما تكشف امره


2: الريال اذا حس انه زوجته مو مضبوطه ، يحسسها بالأمان والثقه ، ويراقبها عن بعد ، ولما يشوف شي يأكد شكه بزوجته

وقتها يواجها

رايج واحترمه حبيبتي :eh_s(15):
منوره :eh_s(17):