الزوج الكذاب!!

[قمااشة]

السلام عليكم ورحمة الله

مشكلتي باختصار أخواتي مع زوجي إنه كثير الكذب مع إنه كم مرة يوعد إنه مايكذب لكن أكتشف أنه مستمر ويعتذر بعدين!! فترة الملكة اكتشفت إن كلامه غالبه كذب والآن صار لنا شهرين متزوجين وش الحل مع هذي المشكلة كيف أساعده يترك الكذب​

 

[كاميليا1]

اولا الف مبروك والله يوفقك ويسعدك ويجعل حياتك كلها افراح ويسخر لك زوجك
حبيبتي صارحيه خليه يعرف انك داريه بكذبه

 

[برياني لحم]

رد : الزوج الكذاب!!

الله يهديه ويسعدج ويوفقج بحياتج الجديده

 

[هنـــــد]

رد : الزوج الكذاب!!




ومنووو ما يجذب ف هالوقت الغبررر !!!؟
كل الرجاجيل يجذبوون .. بس الظاهر هرمون الجذب مرتفع عنده
الله يكووون في عونج ..

 

[الأميرة جوري]

رد : الزوج الكذاب!!

الله يكون بعونج ,....,

 

[سوسن1980]

رد : الزوج الكذاب!!

واحد من اخواني نفس حالته ماراح يتغير بس انتي مع الوقت راح تعرفين متى يكذب ومتى يصدق والله يوفقك

 

[قمااشة]

آمين مشكورين على الردود

عزيزتي كاميليا1 أنا من أول ماعرفت بكذبه صارحته ماتركته وكل مرة يوعد إنها آخر كذبة بس يرجع له لأنه متعود عليه ​

 

[.،:"$الـعـوبــــة$":،.]

رد : الزوج الكذاب!!

اذا كذبه هياط عادي خليه يكذب ويتشيحط على راحته ،
اذا كذبه قوي ومأثر على حياتك لأ ،
كلميه وناقشيه وقوليله مع الوقت راح اتعود تكذب علي واكذب عليك ونصير كأن كل واحد فينا عايش بحياة منفصلة عن الثاني !!!
واساليه ليش مايصارحك !
خايف من شنو بالضبط ؟​

 

[الغاليه ام احمد]

ما عليه هذا كذب اول الزواج

قاعد يتفيخر

بعدين يطخ

 

[أم@الحلوين]

واااااااي الله يعينج

 

[قمااشة]

لو أتركه يستمر على الكذب وبصراحة أسوأ شي تتعاملين مع واحد يكذب عليك يعني مثلا يغيب ساعتين وماياخذ جواله أسأله وين كنت يقولي في المسجد أقوله المسجد يسكر بعد الصلاة يقول كنت عند أهلي أقوله أمك متصله تسأل عنك بعدين يعترف إنه رايح في استراحة!!​

 

[دمعه ندم]

الله يعينج ياقلبي العن شي الجذب الله يهديه يارب

 

[ام جودي الحلوه]

رد : الزوج الكذاب!!

حبيبتي شكل زوجك يكذب لانه قاعد يسوي شي غلط ومايبيك تكشفينه .................لا تبوق لا تخاف