الزواج وحب الشباب... شنو الحل :( ؟؟!!

[pinky flower]

السلام عليكم. حبيباتي كويتيات انا راح ادخل بمشكلتي على طوول...بصراحه حبيت اسألكم اذا وحده تزوجت واهيه تعاني من حب الشباب يعني بالويه والصدر والظهر؟؟؟!! واذا كنتي متزوجه هل هالشغله اثرت على زواجج او نظره زوجج لج ؟؟!!وبس ومشكوورات

 

[المـــــها]

حبيبتي
أنا كنت أعاني منه بشكل خفيف بس الحمدلله قضيت عليه قبل لا أملج

نصيحتي لج لا تيأسين و عالجي ليما تقضين عليه

 

[حرم النقيب]

up.....up

 

[saja_al-laiyl]

لا تياسين عالجيهم

 

[Ro7ii T7bk!]

حبيبتي
أنا كنت أعاني منه بشكل خفيف بس الحمدلله قضيت عليه قبل لا أملج

نصيحتي لج لا تيأسين و عالجي ليما تقضين عليه

شلون عالجتيهم رحتي حق الجلديه ؟

 

[كويتية _ بكل فخر]

رد : الزواج وحب الشباب... شنو الحل ؟؟!!

بنات نبي حلوووووووووول تنفع


وهل الزوج يتضايق اذا كان الظهر مو صافي بليز ردووو علي ؟؟

 

[زهره الجلنار]

والله مادري حتى انا اعاني من الحبوب بظهري وابي لهم اعلاج ان شاء الله البنات يفيدونا

 

[snowfoshya]

بنات جربووا [ رتن أ + دكوين فورت ]

يصصفي ويقضي ع الحبوب بششكل رهيب

لانه يقشر البشره

استخدميه ع ظهرج وويهج وصدرج عادي

واي مكان خشن مثل الكوع والركب

بس لازم تحطيينه قبل النووم لانه الدكوين فورت يسسمر لو حاشه ضوو

فنصييحه حطيه قبل النوم


بنت خالتي قبل زواجها تستخدمه وحبوبها بشكل كبير مغطيه ويها وبارزه واستخدمت الرتن أ ودكوين فورت

واصلا لوتروحين جلديه بيوصفولج هالكريمات

والطريقه تكون تغسلين ويهج بأي غسسول [ تحطين الرتن أ + دكوين فورت ] بعلبه وتستخدمينه قبل النوم

وتنامين تقومين تغسلين وتحطين كريم أفالون للافضل لانه يبيض

واي استفسار كلميني خاص لانه انسى المواضيع اللي ارد عليها

وربي يوفقج وع فكره انا استخدم رتن أ ودكوين فورت الحين

شكرا

 

[ناتشوو]

ليش تنطرين تجارب غيرج
كل زوج يفرق عن الثاني
بس بشكل عام كل وحدة تحب بشرتها صافية
يعني انت لماتشوفين وحدة مطلعة ظهرها وكله حبوب
هل نفس لماتشوفين وحدة ظهرها صافي
حتى الموديل على منو بيكون احلى؟
وطبعا قبل الظهر والصدر بشرة الوجه
راجعي الطبيب
حتى الحكومي يمدحون علاجات الجلدية
والتقشير على حسب نوع بشرتج عندهم
بس انت راجعي ولا توقفين علاج
التقشير وآثار االحبوب يبيلها جم شهر علشان تختفي نهائيا
ولا تستخدمين الادوية بدون وصفات طبية ولا تنطرين نتائج الاعشاب والشغلات الطبيعية
راجعي الطبيب وطولي بالج
وبالتوفيق
الله يجعل قبولك قبولا حسنا

 

[جوري الكويت]

رد : الزواج وحب الشباب... شنو الحل ؟؟!!

روحي كل اسبوع سوي حمام مغربي

 

[احلى سماء]

اول شي

روحي طبيب نساء خاص

قوليله بنت (بكر)
وعندي حب شباب فضيع

واعتقد دورتج مو منتظمه
لان الحبوب تطلع من لخبطة الهرمونات ولخبطة الهرمونات تسبب تكيس المبايض اللي من اعراضه
حب الشباب القوي

حبيبتي كلامي مو من فراغ
عن تجربه

روحي قوليلها ابي اشيك على هرموناتي وسبب حب الشباب هل هو تكيس

عشان تعالج لج التكيس


ثاااااااااااااني شي


عندي لج مجموعات شغلات استعملتها ونفعت مع حبوبي

اولا عليج بغسول ريكسول فيتامين سي روووووووووووعه

وجهج ريحيه من المكياج خير شر

في مضاد حيوي يجفف الحبوب اسمه زنريت
مدته اسبوعين بس من استعماله تحطين 3 مرات باليوم
وتحطينه وانتي بالبيت انا اذا طلعتي حطي واقي شمس وخلاص

لا تحطين خلطات على وجهج كلش

هالدوا ظلي مسحي وجهج فيه وباسبوعين يخلص واشتري غيره ينحط بس على الحبوب الحمره المتهيجه مو كريم لا تضغطين راسه على مكان الحبوب

وفي مضادات حيويه بالصيدليه تنشف التهاب الحبوب اسئلي الصيدلي عنها قوليله ابي حبوب تنشف الحبوب يقولج استعمالها هو تقريبا ب3 اايام تحسين ووجهج هدى

واذا عرسج بعيد

روحي طبيب جلديه عالجي احسن

 

[احلى سماء]

صدقوني يا بنات حب الشباب = لخبطة هرمونات = روحوا طبيب نسا شيكوا على هرموناتكم
واي وحده عندها حب شباب قوي = يعني فيها تكيس مبايض
هالحقيقه اكتشفتها بعد الزواج
مع معاناة سنين

 

[pinky flower]

حبيبتي
أنا كنت أعاني منه بشكل خفيف بس الحمدلله قضيت عليه قبل لا أملج

نصيحتي لج لا تيأسين و عالجي ليما تقضين عليه

حبيبتي مشكووره على ردج وانا قام احاول اعالجهم بس جربت كل شي و شكلي بجرب الليزر لانه بصراحه احس الكريمات مامنهم فايده على ويهي ومشكوووووره ياقلبي على مروورج

 

[pinky flower]

up.....up

ثينكس ياقلبي على مروورج ورفعج

 

[pinky flower]

لا تياسين عالجيهم

مشكوووووره ياقلبي علي ردج وانشالله راح اسمع كلامج وماراح ايأس وبحااااااول بكل الطرق عشان اعالجهم. ثيينكس ياعمري على مرووورج *

 

[pinky flower]

شلون عالجتيهم رحتي حق الجلديه ؟

اي صج كلامها وين عالجتيهم ؟؟؟!! ومشكوووه يا عمري على المروور

 

[واحشنى موت]

رد : الزواج وحب الشباب... شنو الحل ؟؟!!

أنــاا عن نفسي تلووع جبدي إذاا وحده مطلعه ظهرهآ أو صدرهآ وفيه حبوب ,,

فمآ بآلج الرجآل ..؟



جربي آلرتن إيه مثل مآ قآلوو البنآت ,,


أذكر قبل لمآ كنت بت 4 متوسطه كنت أعآني من آلحبووب بس أمي آلله يجزآهاا ودتني دكتووره جلديه بـدآر الشفآ وعآلجت آلحبوب على طوول ,,

 

[pinky flower]

رد: رد : الزواج وحب الشباب... شنو الحل ؟؟!!

بنات نبي حلوووووووووول تنفع


وهل الزوج يتضايق اذا كان الظهر مو صافي بليز ردووو علي ؟؟

اي والله حبيبتي بصراحه هالحبوووب تخرب الظهر و الويه والصدر واتمنى البنات يفيدونا. وثينكس ياقلبي على مرووورج *

 

[ناتشوو]

صدقوني يا بنات حب الشباب = لخبطة هرمونات = روحوا طبيب نسا شيكوا على هرموناتكم
واي وحده عندها حب شباب قوي = يعني فيها تكيس مبايض
هالحقيقه اكتشفتها بعد الزواج
مع معاناة سنين

لا مو شرط كل وحدة وحالتها
حب الشباب لا حظت يكون مع البشرة الدهنية حتى لو الهرمونات زينة
علشان جذي ينصحون اصحاب البشرة الدهنية باستخدام الغسول والصابون اكثر من مرة باليوم علشان يجفف البشرة ويقضي على الدهون بعد

 

[pinky flower]

والله مادري حتى انا اعاني من الحبوب بظهري وابي لهم اعلاج ان شاء الله البنات يفيدونا

مشكوووووره يا عمري على المرووور واتمنى البنات يفيدونا