الزواج وتقدم العمر

[ياقوته (^_^)]

مرحباً خواتي ..... انا بدخل في الموضوع على طول وبتكلم عن نفسي اول 

انا وحده اللي مثل عمري عيالهم على طولهم وأطول منهم ، بس انا ما جاني نصيب وانا ازغيره بالعمر انا تزوجت وعمري 26 سنه ، وبطيت بالحمال وما حملت الا عقب ثلاث سنوات ، بس ساعات احس نفسي احسن من غيري اللي ما تزوجت الا فوق الثلاثين سنه وبجرها توه ياهل ازغير بالروضه وهي تلاقينها فوق 35 .

اللحين السالفه مو جذي ، السالفه ان بعض الحريم تنتقد بسخريه حق اللي تزوجت كبيره بالعمر وتقول : هذه اشكبرها يوم تتزوج اللحين هذه جان المفروض عيالها على طولها شوفوا اللي من عمرها اللحين صاروا جدات ، وهذه توه عيالها أزغار .

بس انا اقول ليش بعض الحريم يتمسخرون حق اللي ما ياها نصيب الا يوم اكبرت ؟؟

وهل اللي نظيراتها بالعمر بس عيالهم كبار افضل منها ؟؟


انا ناطره نقاشكم يا بنات 

 

[الحسن الرقيق]

الناس ما يعجبها العجـب ...
اااانااا هالنوعيـه من الناس افضل اني ما ارد علييها ..

 

[Al7ub me]

مساء الخير التوقيييييييييييييييييييييييييييييع روووووووووعه فديت بابا صباح الله يعطيع الصحة والعافيه
ثانيا اصلا حلاة الزواج بالثلاثينات لذة الزواج ومعتى الطعم بين الزوج والزوجه خاصه مابين 29 50

 

[alo2 cute]

مثل وجهة نظر امي تقول البنت ترفض تقول انا صغيره صغيره صغيره بعدين يوقف نصيبها
لان ياها ورفضت على بنه صغيره وبتكمل دراستها الجامعيه
بس هالشي ماينحكم على كل الي تزوجوا واهم كبار بالسن
بالعكس سنج انسب سن وانضج سن حق الزواج
بس الحين الزواج المبجر وايد منتشر عشان جذي عندهم 26 وايد كبيره

 

[ياقوته (^_^)]

انزين في بنات تزوجوا وهم ازغار بالعمر بس ما عيلوا الا على كبر ، ان جان يابت لها ياهل بعد عشر سنوات زين ، في منهم ما يحملون الا عقب ١٥ او ٢٠ سنه .... هذيله ما اعتقد ان اسلموا من الحجي .*

 

[ياقوته (^_^)]

مساء الخير التوقيييييييييييييييييييييييييييييع روووووووووعه فديت بابا صباح الله يعطيع الصحة والعافيه
ثانيا اصلا حلاة الزواج بالثلاثينات لذة الزواج ومعتى الطعم بين الزوج والزوجه خاصه مابين 29 50

مشكوره بعد عمري كلج ذوق 

 

[a7la-elbanat]

شدعوه شدخل العمر بالموضوع
اعرف ناس اعمارهم 35 و36 وتوها تتزوج وتعيل بعد وعااادي

بالعكس حتى 26 تعتبر صغيره يعني موعوده عالزواج وياما ناس تأخرو بالحمل واحملو على كبر واهم متزوجين صغار

صراحه اللي يتمسخر انسان متخلف وماعنده اي اهتمامات

 

[kuwait_queen82]

كلام الناس لا يقدم و لا يااخر سمعي كلامهم و قطي ورا ظهرج

 

[][ sarah ][]

لا حبيبتي عادي هذا نصيب وكتبه ربج

انا وامي وجم وحده يصيرونلها بعمرها تزوجوا بنفس الوقت اللي تزوجت فيه وشوفيني انا بنتها ماشاءالله عمري فوق ال20
واللي معاها وحده عيالها بالروضه والثانيه بالمتوسط والثالثه ثانويه
كلششش مو مقياس العمر بعد هذا نصيب والحمدلله تزوجتي وصار عندج عيالج الواحد شنو يبي اكثر

 

[أم توتو]

شعلينا من الناس وشعلى الناس منا

 

[‏ڝڋٸ ٵڸڪٿہـآڻ]

كلام حريم فاضيات ..... بعض الحريم يحبون التنقيص والحش .... عاادي تزوجت كبيره ولا صغيره ولا ماتزوجت هذا نصيبها

يعطيكـ العاافية

 

[super bo0ory]

كل شي الله كاتبه بيصير


يسسلمووو

 

[منو انت]

الحمدالله والشكر تدرين شنو تردين قولي شبعت عزوبيه واستانست بشبابي والحيين عاد بجرب اصير زوجه وام تدرون لكل مرحله حلاوتهااااااا (( مع ابتسامه )) علشان يمووتون قهر

 

[فوووفووو&]

مادرى هو صح كلامهم يجرح ويأذى وتنصدمين اول ما تسمعينه بسسسس لازم فيه حل :bbbiu::bbbiu:

 

[رحمتك ياالله]

بالنسبه لي اجوف احسن الوحده تتزوج على كبر وتصير قد المسؤوليه لان الولد يبي له وحده عاقل وتفتهم بكل شي بس لو عيلت واهي باول العشرينات احتمال بتكون ماتهتم بالبيبي الي يابته وتلقين دايم مع الخدامه او عند امها وحتى يمكن ماتعرف شلون بتسبحه ؟؟ انا عندي انه بغض النظر عن العمر لاشافت الوحده انها قد مسؤولية الزواج والعيال تتزوج لاجاها نصيبها ولاتتردد. .. ومستحيل بتزوج وانا صغيره عششان كلام الناس وارضيهم
واهم شكو انا الي بعيل والا اهما متى ماتزوجت هذا شي خاص فيني انا .. واذا جا النصيب ماكو شي بيرده واساسا الناس بتتكلم علي ررضاهم غايه لاتدرررك خخخخخخ

وماعليج حبيبتي ربي ماكتب لج تيبين ياهل الا بعد ثلاث سنوات اكيد فيه خيره لج ولاتهتمين لكلام احد المهم الوحده شلون تربي الياهل وتهتم فيه مو متى يابته وباي عمر


.............

 

[ياقوته (^_^)]

من وجهة نظري انا البنت حلاتها تتزوج بعمر صغير عشان عيالها يكبرون معاها ، ولو ان الوحده كل ما كبرت صارت قد المسئوليه اكثر وتتحمل تربية العيال اكثر بس مو حلوه ان الوحده كبيره فوق ٣٥ سنه وبجرها توه ياهل صغير *.، ومثل ما قالت الاخت كيوت بعض البنات هى اللي ترد الزواج عن نفسها بحجة انها صغيره وتبي تكمل دراستها .

انا عندي حماتي وايد كانت ترفض اللي يتقدمون لها لما اكبرت وما تزوجت الا فوق ٣٥ سنه وبجرها ياهل صغير بالعمر .

 

[اماراتية لاتنسى]

انزين في بنات تزوجوا وهم ازغار بالعمر بس ما عيلوا الا على كبر ، ان جان يابت لها ياهل بعد عشر سنوات زين ، في منهم ما يحملون الا عقب ١٥ او ٢٠ سنه .... هذيله ما اعتقد ان اسلموا من الحجي .*

والله الناس تيلس تتكلم لين يوم القيامه لا يعجبهم العجب ولا الصيام في رجب.. ونحن نترفع انرد ع

ناس مريضة...والزواج ماله خص بالعمر وغيره...انا شو اقوول :eh_s(2): الحمدالله..متزوجه وعمري 19

والحين 25 ولا عيلت ولا يبت نص الياهل والحمدالله رب العالمين. بس تدرين عايشه حياتي اطلع

واسافر وريلي جنه معاي الله يحفظه.. وامخليه كلام الناس تحت نعالي ((وانتوا بكرامه)) قبل كنت

اتأثر والحين طاف وحياتج...

تقبلوا مروري
وكالعادة موضوع جميل يا جميل استانس ع كلامكم والله

 

[**فراولة**]

حبيبتي حطي ببالج قاعدة
الحريم والناس عموما ما يسكتون لو شنو !!..
من تنولدين لما تموتين بيتكلمون فيج!!
انا استغرب في ناس هوايتها تنكد ع غيرها لا شافو الوحدة مستانسة ومتقبلة وضعها وقنوعة يطلعون لج المشاكل غصب ليش!!؟

بالعكس احسن عمر للزواج هو25وفوق تكون البنت ناضجة واستانست بعزوبيتها عدل وماخذة خبرة عن الحياة الزوجية وخلصت دراستها وضمنت وظيفتها..


طااااااااااااف واستمتعي بحياتج..

 

[المرتاحة]

عاد اتصدقين الحريم اللي تتطنز تلاقين عقلها فاضي مافيه علم ولا معرفه ولا ثقافه.. يعني لو تمسكين راسها و تخضينه يصير قرقاشه حق ولدج الصغير

هذيل المفروض الوحده ما اتعب عمرها و ترد عليهم لان عقولهم "طنق" و ما تستوعب و اقص ايدي اذا كانوا دارسين و عندهم شهادات لان الكلام هذا ما يطلع من مخ عاقل

و صدقيني اللي تتطنز و تستحقر غيرها ربنا قال عنهم في القرآن انهم جاهلين:

: {وَإِذْ قَالَ مُوسَىٰ لِقَوْمِهِ إِنَّ اللَّـهَ يَأْمُرُكُمْ أَن تَذْبَحُوا بَقَرَةً ۖ قَالُوا أَتَتَّخِذُنَا هُزُوًا ۖ قَالَ أَعُوذُ بِاللَّـهِ أَنْ أَكُونَ مِنَ الْجَاهِلِينَ} [سورة البقرة: 67].

المشكلة يتكلمون جنهم ضامنين القدر و ان عيالهم لهم طول العمر ما تدري ان ممكن الله ياخذ منها عيالها كلهم بلمح البصر و تقعد بروحها و يصير حالها من اتعس الاحوال لا ولد ولا تلد عقب العمر هذا كله.. او ممكن اذا كبروا عيالها يفنقرونها بدار العجزه.. اهني وين تنفعها شطارتها و تفاخرها انها يابت عيال و هي صغيره بالعكس تتمنى انها ما يابت عيال بالمره

سبحان الله يتكلمون و جنه الوحده بيدها نصيبها و تمشيه على كيفها ما يدرون ان كل امورنا بيد الله

اما اللي يابت عيال و هي كبيرة سبحان الله يمكن يطلعون يسوون عيال اللي تتطنز مليون مره

العبره مو بجم ولد يابتهم و هي صغيره او بكثرة عيالها.. العبره في البركه اللي ربنا يطرحها فيهم

نبي الله ابراهيم عليه السلام ما ياب عيال الا و اهو كبير بالعمر اسماعيل عليه السلام من زوجته هاجر.. وزوجته ساره كانت وايد كبيره بالعمر وربنا رزقها نبينا اسحق عليه السلام.. عياله انبياء

و نبي الله زكريا ما ياب ولده يحي عليه السلام الا بعد كبر و ربنا مدح سيدنا يحي عليه السلام بالقرآن و بره لوالدينه

ما اقول غير ربي لك الحمد على نعمة العقل و البصيرة

 

[اماراتية لاتنسى]

من وجهة نظري انا البنت حلاتها تتزوج بعمر صغير عشان عيالها يكبرون معاها ، ولو ان الوحده كل ما كبرت صارت قد المسئوليه اكثر وتتحمل تربية العيال اكثر بس مو حلوه ان الوحده كبيره فوق ٣٥ سنه وبجرها توه ياهل صغير *.، ومثل ما قالت الاخت كيوت بعض البنات هى اللي ترد الزواج عن نفسها بحجة انها صغيره وتبي تكمل دراستها .

انا عندي حماتي وايد كانت ترفض اللي يتقدمون لها لما اكبرت وما تزوجت الا فوق ٣٥ سنه وبجرها ياهل صغير بالعمر .

تدرين انا جي كان تفكيري وكنت ابي احمل من اول شهر...بس قدرة الله فوق كل شي.. وهاي

ارزاق ياختي....والحين اقول لو في الثلاثين وعندها بيبي صغير ما بتكبر بتم صغيره ,,,,, تقنع

عمرها الاخت خخخخخخخ.

دعواتكم لي بالذرية الصالحة:yaaaaaarb: