الزواج والوظيفه؟!!

[يارب توفيقك#]

سلام بنات......

عندي موضوع وحابه اخذ رايكم فيه........
اذا زوجج قال لج انج تتركين وظيفتج وتقعدين بالبيت؟؟

توافقييييييين ولا لأ...........
​

​

 

[solbi]

طبعا اوافق وعسى الله يجيبلي اللي يفكني من غثا الوظيفه ولوعتها
ترا مافيها شي بالعكس والله ليطير من الوناسه لانج مقدره رغبته

 

[mo0on2013]

لا طبعا
اذا انا قادره اني اوفق بين حياتي العمليه وحياتي الزوجيه ليش اتركها
بعدين الوظيفه في هالزمن امان للمرأه

 

[نُوف~]

لا مستحيل إذا انا تعبانه عشان أوصل للوظيفة مستحيل لازم يرضى فيني و بوظيفتي
إلا إذا انا مو قادرة أوفق بين الوظيفة والبيت
ف انا أقرر وقتها اترك الوظيفة .. أما هو يقرر عني لا مستحيل

 

[solbi]

العمر يفرض نفسه بالقرار والظروف بعد
فكل وحده وظروفها وتجاربها وعمرها ..

 

[M!ss CoLoRz]

لا ... الا اذا في مشروع بيلهيني + يعطيني قد معاشي اذا مو أكثر

غير جذي لا

 

[M!SS.LOBY]

حبيبتي الوظيفة امان للمرأة ومن نظرتي انها ما تخرب الحياة الزوجية لان بحزتها ريلج اهو بالدوام بخصوص فترة الصباح

 

[M!SS.LOBY]

الله يكتب لج اللي فيه الخير

 

[حرم آلشيخ]

لا ماراح اوافق ، عالاقل اتداومين احسن من انج تقعدين بالبيت كل يوم صبح بروحج وريلج بالدوام ، ف احسن شي الوظيفة تكسر الروتين ، ومعاشج يساعدج وماراح يخليج تحتاجين واايد من اي احد ثاني ، لكن اذا انتي مو قادرة توفقين بين الوظيفة والبيت ، ف الاولوية تكون للبيت

والقرار الاول والاخير لج انتي

 

[<miss botamba>]

حسب

شوفي اطلع من الوظيفه مني والطريج لااا

اذا طلعت من الوظيفه لازم يكون عندي مشروع اشتغل فيه عشان ما اقعد عاله عالمجتمع ووجودي نفس عدمه

الوظيفه مو شرط عشان الماده


ثاني شي ليش يبيني اطلع

ثالث شي اذا يبيني بس جذي اقعد بالبيت لا شغله ولا مشغله لازم يكون في مدخول اقدر اعتمد عليه مو يخليني بس جذي قاعده واطر البيزه منه


اذا بيمنع من صوب لازم يدلل من صوب

 

[خلطات المزيونة]

انا شخصيا ما ارضي لاني احب يكون لي عمل خاص فيني


بس بشرط مايتعارض مع عائلتي ولايأثر عليهم بشئ سلبي


وكل وحده حسب ظروفها

 

[ماعاد بدري}~]

اهم شيء طاعة الزوج ... اكيد طعتيه و سمعتي شورة .. بيوم من الايام بيقولج ارجعي لوظيفتج .. وطيعيه لاتطلعين بصورة مو حلوة جدامه ولاترفضين اوامره اهما الريايل جذي يحبون يتحكموون وبالاخير يهدوون .. واهو يبيلج الراحة ومن ناحية المعاش و الحالة المادية اهوو مايقصر ..

 

[مـهـــابــــه]

ع حسب ظروفه الماليه اذا كان رجل مقتدر وشايف ان وظيفتي مالها لزمه بطلع و بكمل دراستي و اواصل تعليمي لي الدكتوراه او بسوي لي مشروع
اما وضعه عادي وما راح يوفر لي اللي الوظيفه توفره لي .. لا طبعا الحياة بوجود اطفال و اسره ومتطلبات جدا صعبه وماهي سهله

 

[كلي انوثه]

لا طبعاً

 

[memate]

انا لو موظفه وقالي اقعدي بالبيت وكانت حالتنا الماديه زينه طبعا اقعد مايبيلها كلام واسويلي مشروع صغير بالبيت واريح راسي من الغثا واهتم بتربية عيالي

 

[فوزيه الراسي]

طبعا اقعد اسمع كلام زوجي ماراح يقصر معاي

 

[مـآلي شبيه~]

على حسب , ليش و هل يقدر يعطيني قد راتبي ؟
اذا بس جذي يبيج تطلعين و حالته المادية موذاك الزود اكيد مستحيييل ارضى , الله يوفقج .

 

[Miss McDonald]

.



يعطيني مبلغ يساوي معاشي وزياده متعه

ذيج الحزة افكر اوافق xD

 

[{ غصن البآن }]

اطيعه بكل شي الا هذي

الوظيفه وجود وكيان لي بالمجتمع

بعدين انا اعتمد علئ نفسي بالمصروف

باجر اقعد اطرطر منه نوب يعطي ونوب يمن

 

[Dwesho]

على حسب اذا ريلي مقتدر وحالته زينه
ويقدر يصرف علي وعلى متطلباتي الكماليه اقصد الاشياء اللي انتي تشترينها ريلج مايعترف فيها من ضمن الضروريات
اوافق
بسسسس اذا ع الحديده او حالته بين البينين لا طبعا
وهم اذا تعبت ع هل الوظيفه وطلع دم قلبي عششششانها لا
بس بالنهايه والاخير اذا يستاهل اتركها اتركها