الزوااج بهذي الطريقه ؟؟

[نواااري]

السلام عليكم ورحمه الله وبركاته


شلوونكم بنات


بدخل بالموضوع ع طوول



أنا رفيجتي كانت اتكلم وواحد وعلاقتها معاه زينه ماصار بينهم اي مشكله ولا زعل ولا شي وبعدين خلته وتابت وتركت هالسوالف وقبل فتره اتصل فيها وقال انه يبي يتزوجها ؟؟



بنات اشراايكم بالزواج بهالطريقه؟؟

ولو انتي مكانها شنو اتسوووين ؟؟



شكرااااا

 

[الرماسيه]

رد : الزوااج بهذي الطريقه ؟؟

والله يا اختى

اى زووواج فى قبول من الطرفين وحب حقيقى والكل مرتاااح حق الثانى ليش لاء

بس هاااا

لازم يكون رجل واعى وفاهم ويتصرف فى عقل مو مجرد لعب وضحك ووناسه لالا

وطبعا

الاخلاق

الدين

الشهاده

السيره مالت الشخص نفسه تكون جيده ماعنده سوابق

ويكون مقتدر

وعااااد

لاتفاررررقين الاستخااااره حبيبتى اوكى

 

[BiiShOoO]

اي في زواج يكون بهالطريقة و ما ننسى الاشياء الاساسية الي يطالعونها الاهل لما تنخطب بنتهم و هي الاخلاق و السمعة و العايلة و النسب و هل الريال مقتدر و لا لا و اذا كل شي اوكي يكون بيد البنت شي واحد و اهوا الاستخارة و الله يوفقها بس دام انه يبيها يخطبها على طوول

 

[متجولة *]

الصراحه راح يشك فيها واي هوشه بعايرها بانها تكلم لانه البنت الخطا يطبعها فخليها تبتعد عن الشر وتغني له وتتزوج زوج مايعرف ماضيها

 

[توليب بنفسجي]

رد : الزوااج بهذي الطريقه ؟؟

والله اهو اللي صاج خل يتقدم لها
و ساعتها الاهل بيشوفونه و بسألون عنه و اذا طلع يصلي و يخاف ربه و اخلاقه زينه
الله يكتب اللي فيه النصيب
يعني مافيها اي مشكله
الموضوع عادي وايد مادري ليش كاتبته

 

[ريان]

رد : الزوااج بهذي الطريقه ؟؟

الله يوفجها وخل تصلي صلاه استخاره وعسى ربي يكتبلها الخير وين مايكون وخل تدعي ربها وقت الصجيه يبين اذا فعلا شاريها او لا اذا تقدملها رسمي اهلها بيسئلون عنه واذا يصلحلها ليش لا عاد بشرينا وطمنينا حبيبتي

 

[bride collection]

رد: رد : الزوااج بهذي الطريقه ؟؟

والله ماادري احس
بيكون شكاك
!!!!!!!!!

 

[احـ رومانسيـــه ـلا]

رد : الزوااج بهذي الطريقه ؟؟

اهيه تابت الحمدلله

واهوه تأكد من هالشي والدليل انه خطبها ونيته زينه

خل تستخير وتشوف !

واذا مرتاحتله خل توافق

والله يوفقها انشالله

 

[noo7a]

خل تقولك حياك الله بيتنا

 

[بولندية]

اللي يقولج را يشك ما يشك

اذا اهو اساسا ما يشك خلاص ان شاءالله ما راح يشك فيها الشك مرض يعمتد على شخصية و اخلاق الواحد انا رفيجتي تزوجت زواج تقليدي بس شكااااااااااااك لانه يخربط الحمدالله و الشكر و كذا وحدة تزوجت زواج حب بالعكس احلى عيشة عايشينها و صارلهم سنين مع بعض جنهم توهم متزوجين

اذا مرتاحة له الله يوفقهم

 

[bent_ayawed]

انا من رايي تستخير الله سبحانه وتصلي لين ترتاح .. اذا في قبول من الطرفين وكل شي متوافق بينهم من اصل او شهاده والاهم من هذا يعرف طريج ربه ليش لأ ؟ الوقت تغير الحين والناس صارت تجدم على الزواج اللي مايكون تقليدي .. خلها تفكر على راحتها وتاخذ وقتها , الله يوفقها ان شاءالله ويسخرهم لبعض

 

[*سحآبة*]

رد : الزوااج بهذي الطريقه ؟؟



ليش لآ .. واتركي عنج سالفة الشك ..!

لأن الشك .. يعتمد على شخصية الرجال ..



واول واخير ..تستخير ربها افضل شي..

وتتكل ع الله ..

 

[Tom ♥ Jerry]

.


اي عادي الولد شآريها شفيكمـ !
لأنه يدري أنهآ تآبت و مآ حب يلعب عليها
فآتحهآ بمووضوع الزوآج على طول ..

خل تصلي استخآره و تتوكل على الله
و عسى الله يوفقها يارب =9

 

[لوازم العائلة]

رد : الزوااج بهذي الطريقه ؟؟

خل يتقدم وتستخير وربج يكتب الي فيه الخير

 

[نواااري]

يعطيكم العافيه بنات على الردود الطيبه

والله يكتب الي فيه الخير

أنا بصرااحه خاايفه عليها

الله يسهل الامور

مشكووورات كلكم

 

[pяiήcєşš]

خل تستخير

وتقوله يروح بيت اهلها يكلمهم اذا اهوا جاد مو بسس كلمه وقطها عشان ترد تكلمه ولا تفتح معاه سوالف ثانيه عقب ما يتقدم لها رسمي ذيج الساعه يفلونها

 

[زهراء الركابي]

رد : الزوااج بهذي الطريقه ؟؟

الله يقدم لها اللي فيه خيرررررررر

 

[سيدة الذوق]

الله يقدم اللي فيه الخير يارب

بس مادري اخاف يسوي هالحركه يقص عليها

 

[cup-cacke]

ليش لا

اذا يحبون بعض ليش لا

 

[((الجوري))]

الله يقدم اللي فيه الخير يارب