الريجيم و فقر الدم

[nora2011]

مرحبا

بناات انا صارلي 10 اياام متبعة ريجيم قااااسي جدآآآ

بسرعة المهم انا من البداي عندي فقر دم دمي 10

و الحين مع الريجيم احس دمي ناازل وجهي اصفر بالحيييييييييييل

و هذا غير الدوخة الفظيعة :eh_s(16):

بناا ساعدوني انا ما ابي اترك الريجيم بلتزم فييه و مصممه على هذا الشي

ابي شي يساعدني و يقويني شوي و يرفع دمي

يعني مثلآآ فيتامين معين اخذه و يساعدني او نوع اكل صحي

 

[قطوووة]

مايصير تسؤين رجيم عشؤااااائي

 

[nora2011]

لا حبيبتي مو عشواائي اخذت من النت و اللي كاتبه دكتور

 

[طموحي انجلش]

ويييه لاتصيرين مثلي عاندت وماردني طحت وانسدحت بالمستشفى وطلع دمي نازل ماتسوى عليج
وانتي روحي طبيب المستوصف وقولي له انصحني بنوع معين من الفيتامينات اخذه مع الريجيم
وماتشوفين شر

 

[nora2011]

طموحي انجلش

فديتك حبيبتي مشكورة عالنصيحة

ان شالله بسوي مثل ما قلت

 

[قطوووة]

الي في النت مؤ شرط يناسبج

ان راحت صحتج مايفيدج دكتؤر النت

بعدين اخذي فؤلك اسد

 

[nora2011]

وشو حبيتبي فولك اسد ؟؟

 

[al7anona]

http://www.yourhealthfoodstore.co.uk/fimg/450x450/6578/3729028/healthaid-haemovit-plus-capsul.jpg

حبوب haemovit

هالحبوب وايد زينة بفترة حمالي نزلت نسبة الدم وكانت ١٠ ونص وبشهر ونص ارتفعت وصارت ١٣.٣ الحمدالله بالبداية اخذ ٣ حبات بعد كل وجبة بعدين حبتين وبعد ماارتفعت نسبة الحديد بجسمي انا ولدت الحين بس لازم استمر حبة باليوم

الحلو فبها ماتسوي امساك اغلب حبوب الليً ترفع نسبه ااحديد بالدم تسوي مساك
ديريبالج ع صحتج نقص الحديد وفقر الدم يخلي الوحده كله تحس بدوخه و الوي شاحب والشعر يطيح لاتعدلين شي وتخربين شي٢

 

[فجر_الكويت]

انا الي اعرفه الرمان والجبده وااايد زين للي فيهم فقر دم حيااااتي

 

[قطوووة]

فؤلك اسد = حديد

 

[تفاصيل الغرابه]

نفس المشكله

 

[B7rainia]

عشره يعني شوي؟؟

انا آخر مرة طلعلي ١٠,٦ قالي الدكتور نازل شوي ومعظم البنات جذي دمهم

شساااالفه؟!!!

 

[{هتًان}]

ترى أنا نزل دمي وماقامت تنفع وياي الحبوب

عاد اصرفولي دربات شهر كامل يوم ويوم ترك

كل يوم أتعذب حزة تركيبته وشيلته

وهم المفروض اراجع عشان يصرفولي حبوب

خوفا من ان يهبط مره ثانية

وان شاء الله عاد اروح

وماتشوفون شر جميعا

 

[عود ومسك]

تصدقين انا مادري كم نسبة الدم لكن اللي اعرفه ان فيني فقر دم
واذكر كانو قايلين لي انه نازل حيل بس ما اذكر الرقم وعطوني دم

فا لما سويت الرجيم الكيميائي كنت ابجي من الدوخه والله اذا قمت فجأه ادوخ
عاد اروح اكلي تمره وقفشة عسل
وماخذيت للحين فيتامينات والسبه اني خايفه تمتني وانا اسوي رجيم
وبنفس الوقت اعالج واخاف ان الفيتامينات تعطي مناعه لعلاجي
مادري شسوي
اذا لقيتي فيتامينات زينه وما تمتن قوليلي :d

 

[diamond doll]

حبيبتي ليش تضعفين على حساب صحتج ؟

انا مابي اخوفج بس ترا بعدين مو بس ويهج يصير اصفر .. شعرج يبدا يتساقط .. بسرعه تدوخين

سملله عليج بس شكثر ناس يسون رجيم وفجاة يطيحون غشيانين وتصيرلهم مشاكل

وترا الرجيم القاسي يرهل الجسم يعني بسرعه بسرعه تضعفين جسمج راح يترهل

شوفي موضوعي كتبت فيه عن الاشياء الي يحتاجها الجسم وتجربتي

http://www.q8yat.com/t990686.htmlhttp://www.q8yat.com/t990686.html

 

[asoula al-3soul]

سلامات

 

[بـ سـ كـ وتـ ة]

زيدي على ريجيمج كل يوم واحد من هالأشياء ما راح تمتنج ولا تخرب ريجيمج إذا تاكلينها بحدود المعقول

11 إلى 15 حبة لوز

تمر

سبانخ (اكلي كثر ما تبين)

جبدة

كشمش

واخذي من الصيدلية حبوب folicron إذا تحصلينهم فيهم فوليك أسيد + حديد بس لا تشربين حليب أو أي شي فيه كالسيوم إلا قبلهم أو بعدهم بساعتين