الروضه ودوام العشر الاواخر

[ام فهووودي]

السلام عليكم

حبيباتي بغيت اسألكم راح اتخلون اعيالكم اللي بالروضه يداومون بالعشر الاواخر والا اتغيبونهم لاني سألت مدرسه ولدي قالتلي يمكن اكثر اليهال يغيبون
وانتوا شنو رايكم ؟ اخلي ولدي يداوم والا اغيبه ؟

 

[Mis$ LeO]

اكيد الابلات راح يغيبون قبل التلاميذ

 

[ام فهووودي]

مايبليه كلام

 

[المهـــــــــــا]

لا طبعااا ما كو دواام ...

 

[زلابيا]

اكو دوام ليش مافي دوام!!؟

احنا الابلات موجودين ونداوم دوام كامل

 

[nice-girl]

واي ليش تغيبونهم؟؟؟
يعني يهال لا يصومون ولا شي!!!
يتعلمولهم شي فيد احسن من القعده بالبيت

 

[شوفواشموخي]

مرحبا حبوبات وحشتوني كثير اختي ام فهودي نصيحه غيبي ولدج وخليه يشبع نوم انا ولدي ما خليته يداوم من اول رمضان\
عقب العيد انشا الله ماتسوى يهالنا يتعبون وكله لعب

 

[سبائك]

والله انا من بدا الدوام وديته الروضه مرتين بسسسسس<<<نصيرة الابلات:ggdw:

وموناويه اوديه الا عقب العيد ان شاءالله

 

[الحراير]

غيبه وخليه يداوم بعد العيد لانه المدرسات مالهم خلق لهم لو ولدي بالروضه غيبته

 

[سنفورة]

انا اقووول غيبوهم كلها روضة خل يرتاحوون وعقب العيد يصير خيير


بعدين الابلات الحين ما يدرسون شحقة العبالة

 

[nice-girl]

بالعكس انا اشوف الابلات حليوييين مو مالهم خلق
ولدي اسم الله عليه هالاليام متعلم انه لي دخل يقولي السلام عليكم يا اطفال لووول
وقل هو الله احد هم حافظها اسم الله عليييه قبل كان ناسيها

 

[Om-Bashaar]

انا وحده وديت بنتي بس اول يومين وبعدين غيبتها وبوديها عقب العيد ان شاالله احسن لان اولى روضه ماكو شي الا اللعب

 

[ام فهووودي]

وي بس نايس جيرل وزلابيا اللي امشجعيني

والباجي صدتكم ليش امغيبين اعيالكم

والله ضاق خلقي لما رحت حفله القرقيعان وشفت الامهات شويه واكثر الصفوف مومكتمله كلهم غايبين حتى الابلات ضاق خلقهم من المنظر

ونايس جيرل ولدج مثل ولدي اسم الله عليهم ياخذون اللي يتعلمونه ويطبقونه علينا هههههههههه الله يخليه لج

 

[عالي مستواها]

انا مدرسة روضة واقولج نسبة الغياب دايم كبيرة بالرمضان وخاصة بالعشر الاواخر حتى مرات فيه صفوف ما يحضر منها إلا طفلين أو ثلاثة ولا فيه تدريس ولا شي

ليش تخلينه يداوم دام ماكو تدريس وبعدين حنا بفترة تهيئة مابدت الخبرات ليلحين

والله حرام يكسرون خاطري الأطفال اللي يداومون غذا نسبة الغياب كبيرة مرات يدمجون المراحل ويخلونهم طول اليوم احتياط يضيق خلقهم

 

[شمس]

شوفي كلام عالي مستواها صح

اليهال خف عددهم من بعد حفلة القرقيعان ومو بيد الأبلات والله

ترا الابلات ودهم الاطفال كلهم يداومون بس الامهات يسهرون للصبح هالايام وانتي عارفه صلاه القيام

فانتي روحي وشوفي ان لقيتي الصف كله مداوم خليه يداوم

وان لقيتي الصف واحد او اثنين حرام ما يستاهل حتي الياهل بيضيق خلقه بالصف !

 

[علويا الحلوة]

انا انصحج انج اتغيبييينه و عطوو فرصة للأبلات يتعبدوون في العشر الأواخر احسن من الغناوي الرقص

 

[Q.8.h]

غبيبوهم خوفكم تتأخرون عليهم يودونهم المخفرررر بعدين

 

[nice-girl]

اللهم امييين ام فهودددي والله يخليلج ولدج ان شاء الله
ودي ولدجججججج خل يتعلمله شي مفيييييد احسن والله عشان يتعوود على الدوام

 

[كويتيه متفائله]

أنا معاكم راح أودي ولدي
خل يغير جو وخل يتعلمله شي مفيد
إلآ إذا الإداره بنفسها قالت لايداومووون فهذا شي ثاني

 

[No0oNh]

أصلا أنا باجر بنتي اول يوم دوام توني مسجلتها