الرهبه والخوف من دخول القاعه =( شو سويتي حزتها ؟

[❞ Cleoραtrα ❝]

السلام عليكم والرحمه

شحآلكم عرايسنا ؟ . .


امبيه بنات انا ملجت وخصت وحفله ملجتي بعد كم شهر وبسويها ف فندق والقاعه كبيره حيل ونحن اهلنا وآيد :eh_s(2):

وانا انسانه جدا خججوله واخاف من هاذي المواقف .. :eh_s(11):

من الحين احاتي شلون بدخل القاعه والناس كلهم يطالعوني ؟

مابي اخرب على نفسي ولا كشختي ماابي يبين علي التوتر شسوي ؟ انصحوني

،

والحين السؤال لج شسويتي حزتها وكيف كان شعورج ؟

 

[^لغموضي معاني^]

عليييكم السلام والرحمه


مبرووك ياقلبي


مي تو خاااااااااااااايفه حدي

 

[لمى الهاجري]

قصدج حفلة تلبيس الشبكة صح عادي لا توترين اختي قبل لا تدخلين اقري العوذات والحمد واية الكرسي ومافي اخوف اعتبري ان القاعة فاضية تخلي نفسج انج بروحج داشة بحديقة وابتتسمي للمصورة ولا تخربين فرحتج

 

[اميره^_^بحلآها]

ماعليج سهالات و ربج يسهل الامور ان شاللهـ

 

[magnolia]

هههههههههههههههههه
رجعتوني لاجمل لحظة بحياتي
التوتر تقدرين توقفينه و انتي بالطريج اقري المعذات و استغفري

لما تدشين عيشي الجو
اي عيشي جوج الناس كلها ياية تشوف عروستهم

استانسي صوري

بس انا من الثقة زايدة صرخت على خواتي باول دخلتي و كان حيل واضح بالتصوير

 

[ابدا يالغالي مانساك]

الله يعينكك بهالمووقف
قرئ المعوذاات وحااولي تكووني ريلاكس كل وقتكك ولاتتوترين
وحااولي لادشيتي مايبين علييك الخووف والتووتر

 

[أم*سلمان]

بالعكس بيكون احلا يوم بحياتج تمتعي فيه

 

[❞ Cleoραtrα ❝]

مشكورين حبيبآتي ع الردود

والله يسهل =)

 

[هواجيس الفجر]

وااااي أَنٌـ«❤»ـآإ نفسسسسج



انزييين عندي سؤال


أَنٌـ«❤»ـآإ اذا استحيت و توترت ابتسسسسم و اظل طول الوقت مبتسمة بدون شعور لوووول


اخاف يقولون عني شي عاد تعرفون الناس و تعليقاتهم و نياتهم الشينه

 

[.. روحي تحبه ..]

..

أقري بيوم العرس سورة البقرة والأذكار والرقية الشرعية وإذا خايفة مايمديج عالأقل قبلها بيوم ..

وترى أنا من النوع إلي أستحي وحيييل كنت أحاتي دخلتي وعاادي حزة الخوف اتحوشني رجفية هههههه بس الحمدلله عدت على خير ،، دخلت وأنا مرتاحة خفت اشوي بس كنت مبتسمة ،، سبحان الله ربي يمسح على قلبج حزتها لا اتحاتين

وترى حلاة العروس مبتسمه عالخفيف مو ضحكة لا إبتسامة فيها حيا جذيه شكلها يطلع روووعة ..

..

 

[om.saud]

إي حبيبتي عادي إتوترين بس أنا أقولج روحي المستوصف أو مستشفى هادي وشرحي حق الدكتور قوليلهم تبين حبة اتخفف التوتر ماني فاكرة شنو اسمها بس يعطونها عشان اتخفف دقات القلب اخذيها قبل لا إتدشين اب نص ساعة وراح إتحسين اب راحة

 

[Laidy n3ooma]

لاتاخذين حبوب ماتدرين شيصير يمكن ياثر عليج سلبي ويصيدج هبوط

 

[ارقى عروسه]

حبوووب لاااا

كل العرايس دشو ماضرهم

بس ابتسمي و اقري لج جم ايه و معوذات

و خلج واثقه

موفقه

 

[أجمل إنسـآنـه ~]

عجبتني فكره لمى اتخيل نفسي بحديقه وبرؤحي ههه،~’>

 

[دروب البنفسج]

واااي امبيه انتي نفسسي وانا زوود ام دميعه حدي - عرسي ان شاءالله بعد شهرين

من الحين بس افكر انه قرب ابجي !! الله يعييين ويتمم على خير




شوفي حبيبتي كل عروس اتخب عمرها واتجهز وحاله تبي تطلع زووغه بس الاغلب ينسون


انهم ما يجهزون نفسسهم - من رايي - وان شاءالله بسوي هالشغله قبل العرس باسبوع احاول


كل يوم او يومين اختم سوره البقره وان شاءالله قبل العرس بيوم بقراها كامله مع الاذكار


وانتي رايحه الصالون طبعاا وبعد اقري سور الشرح ٣ مرات اذا حسيتي انج مضايقه او خايفه


ودايما ادعي ربي يتمم لج على خير ان شاءالله ويسهل عليج ويباركلج والاهممم تفااائلي بهالليله


انها بتكوون غير واحلى ليله وانتي قمرهاا وانج بتستانسين - تدرين انا كله اقول انا احلى عروس


وعرسي ان شاءالله بيكون احلى عرس والكل بيستانسس فيه > حلوو تزرعين هالافكار بعقلج الباطن لانه


بيوم العرس بتشوفين نفسسج صج احلى عروس ومستانسه بعععد












والله يتمم عالكل بخير ويعدي هالليله بسلااام

 

[الخالديّـة]

على الجرح < و إلا شرآيكم حزب الطماشة :eh_s(1): ..
أهو خل يشرف و الله وكيلج لنرفع النفنوف و نركض بالقاعة :eh_s(22): ..

الله يتمم عليكم حبايبي / للرفــــع ..​

 

[الأمل_5]

^^^^^^
كااااااااااااااااك أي و الله خل يشرف



نصيحتي لا تفكرين بالدخلة كلش و أنج بتوترين لان حتى لو كنتي من النوع اللي مايتوتر و قعدتي تقولين بتتوترين لا تفكرين بهالشي أنسيه و القرآن و في بعض الأكلات تزيد التوتر أبتعدي عنها فترة مثل القهوة و المشروبات الغازية

و الله يتمم عليج :*

 

[❞ Cleoραtrα ❝]

مشكورين حبيباتي . . =)

في ناس زادو توتري وفي ناس هدوني ههههه ^_^

وعسى الله يرزق العزابيات الزوج الصآلح *:

 

[نوفاتي]

الله يتمم علي خيييير


انا بعد حدي خااايفه

 

[بريانكا تشوبرا]

الف مبروك

>>> حتى انا خااايفه