الركبتين

[ازهار الربيع]

سلام عليكم يابنوتات انا عندي سؤال ان شاء الاقي الجواب عندكم انا عندي مشكلة الي اهي صدور صوت في الركبتين بس بدون الم منو فيكم كانت تعاني منهل المشكلة وتعالجت منها والله يبعد عنكم كل شر

 

[رقية وسبيجة]

بعد عمري مايهون علي اشوف موضوعج ومارد
انا الله يسلمج عكسج عندي عوار بسيط بالركبة لما اثنيها بدون صوت

ياني من اللعب على جهاز اوربت تراك بس مومهتمه

واختي نفس حالتج هم من الجهاز بس هم قالها الدكتور هذي خشونة

عاد مادي شنو الحل

وماتشوفين شر

 

[ازهار الربيع]

الشر مايج ومشكووووووووووورة وما قصرتي وهم بعد انا اقولج ولاختج ما تشوفون شر

 

[كلبوزه لزلز]

آنا عندي خشونه ودايما تطلع اصوات من الركب لما اقعد واقوم كل شوي تشكشك ذبحتني

وحاليا تعورني احس انها نشفت مافيها مرونه نفس قبل .. مافي حل لهالمشكله؟؟

 

[sanyoreta]

ماتشوفين شر ياقلبي
انا جذي عندي ركبتي الشمال
ورايد تعورني
لي درجه اذا بتربع بس مدة دقيقه اكثر من دقيقه مااقدر
بس ماشفت ليش الركب تعورني

 

[monera]

.هلا والله


انا عندى نفس المشكلةبالركبة الشمال صوت مع عوار يدبح ما اقدر اثنيهاولا اتربع والم متواصل واكثر شى عند النوم وبالسيارة


رحت للدكتور..من عشر ايام ...........اول شى اخدت ابر للالتهاب المفاصل وفوار قبل الاكل وحبوب لتنشيط الدورة الدوية ووصول الدم للركبة ووكريم جل

ثانية نصحنى بتخفيف الوزن شى اساسى قبل العلاج بالادوية


التدفئة ....وعمل كمادات ماء حار للركبة بفوطة حارة .واحط كريم للركبة ثلاث مرات باليوم

وعدم التعرض للبرد بالشتاء ولا للهواء الشديد بالصيف


وحمام حار سباحة او بالبانيو لمدة عشر دقايق

ممنوع نهائى الجلوس بالارض او على شى منخفض لازم على كرسى وتكون الركبة بزاوية 90 دراجة .عاد ماقدر اوصفه

لكن الجلوس بالشكل الصحيح ويكون على كرسى وممنوع ثنى الركبة او الجلوس وورجولك فوق بعض


النوم على الظهرلاتنامى نص نومة.....اكثر شى مريح للظهر


عند النوم على الجنب حطى بين ارجولك مخدة بحيث تسندى الركبة عليها .والصراحة مريحة جدا فكرة المخدة


المهم سويت كل هدا وبعد اسبوع الحمدلله تبارك الرحمن خف العوار ,,,,

ولا الاول ما اقدر لا انام ولا اركب السيارةفترة طويلة عوار متواصل واصوات بالركبة ....


وكنت عنده من يومين مراجعة قالى بداية خشونة واللتهاب من البرد والارهاق فلازم تتبعى التعليمات للتفادى مشكلة اكبر

بالركبة.واخدت العلاج لاسبوع اخر بس دون ابر


الله يبعد عنكم الشر وادعولى .........ولاتنسون البرد لازم تدفئة الركبة .........

 

[ii DareeN ii]

ماتشوفين شر الي اعرفه انها اعرا خشونه اول شي


تخففين وزن اذا فيج زياده وزن

تمشين عشان الركب تتحرك وهم الاخت الي قبلي شرحت بصراحه مشكوه شنو قالها طبيبها

 

[منوله كويتيه]

في حبوب بكل الصيدليات لهالحاله وهي تعتبر مكمل غذائي استعملتهم ومن ثاني اسبوع تتحسنين ويصير عندج نشاط ملحوظ لانهم يحتوون على عدة اشياء من ضمنهم المادة السايله اللي موجوده اصلا بمفاصلنا واللي تمنع احتكاكهم وبالتالي مايمون في صوت وعموما هالحبوب مفيده لكل مفاصل الجسم ومن ضمنهم مفاصل الركبه

روحوا لاي صيدليه وقولوا نبي حبوب حماية المفاصل اللي فيها جلوكوسامين وسائل المفاصل هايالورونك اسيد وراح تلاقون منه التركيبه المتطورة advanced

وبالشفاء مقدما ولاتنسوني بالدعاء ياحلوات

 

[slk]

وانا بعد تعورنى ركبى من زمان وزاد مع انى صغيره ويقولون مالها حل بس خل اضعف اول بعدين اراجع اكيد المتن زادها

 

[miss_math]

الله يشافيكم
والله ما عندي فكرة
راجعي الطبيب احسن

 

[Blue Dreems]

كلكم يا بنات ماتشوفون شر ان شاء الله
شوفي يا اختي احسن حل انج تروحين للطبيب ويسويلج شوية تحاليل وان شاء الله ما يطلع معاج شي
لان سالفة الصوت اللي يطلع من المفاصل بدون الم ممكن يكون له عدة اسباب واحسن وسيله انج تعرفين سبب هالصوت اهو انج تروحين الطبيب
ولا تستهينين بالامر علبو مافي عوار
مو خسرانه شي اذا رحتي جيكتي على الاقل ترتاحين نفسيا وتتطكنين

 

[موت الحمر]

حبيبتي انا صاير معاي نفس الموضوع


رحت الطبيب و بس قلتله انها اطق عالطوووووووووول قالي سوي اشعة مقطعية Mir


سويتها و رجعتله طلع ان الصابونة متحركة !!!!!!!!


قالي لازم اتسوين علاج طبيعي و ترجعينلي