الرقم الدولي .......2217+ يتصل علي 3 مرات بالاسبوع ,,,؟؟؟؟؟

[غير الكل]

موضوعي بين من العنوان ...زبنات يدق علي تقريبا الفجر واول الليل كل جم يوم بس ما ارد عليه,,,, من مر عليها هالرقم من وين يدقووون...؟؟؟؟ منو دق عليها رقم يشبه واشسوت معاه؟؟؟؟؟ :bbbiu:

 

[اميره بكلمتي]

مادري الله يستر بس انتي لاتردين عليه احترسي منه يمكن بينصب عليج بشي

 

[فرفورة2]

الله يستر لايكون هذا الرقم اللي يقولون عنه لي رديتي عليهم يسحرونج على طول يخلونج تقوليلهم كل شي وتحوليلهم رصيد او مبالغ نقدية من البنك ديري بالج لاتردين ذاك اليوم البنات يسولفون عنه بالدوام الله يكفينا شرهم والرقم مجهول يعني مومعروف مصدره من وين ومن اي دولة

 

[ام الدرر]

حبوبة بالجرايد اليوم وزارة الداخلية تحذر من ارقام دولية تدق عشوائي وينصبون على الناس ديري بالج تردين
في موضوع بالقسم العام بهالخصوص​

 

[juice]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

اي والله حتى انا يدقون علي بس مسويه طااااااااااااف

 

[غير الكل]

طول الوقت حسبالي اهل خدامتي كنت اقول ...اوووه هالحزة يدقون بعز النوم ....بس شكيت بالموضوع اليوم ....قلت خل اسال حبايبي الكويتيات

 

[{هتًان}]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

اعتقد فتح خط السنغال او شيء جذي ..!!

من فترة فصل علي حقرته وجيكت بالنت طلع من هالدول المشبوهه .. خليته يولي ..

والأسبوع اللي طاف فصل على امي ورديت مايعرفون يتكلمون عدل ويقولي فزتي بمبلغ وقدره ومبروك يا اختي .. !!
انا لومعطته مجال بيكمل ويقولي رقم حسابج وبحول لج .. بس زفيته وقلت له لاتدق ورد وثاني مره وزفيته عاد يعني بهاوشه قلت اودي رقمك بوليس يكون مخوفته :eh_s(3): شسوي عصبت .. بس عقبها عاد مادق .

وبعضهم ان جحتيه يقولج راح يصير فيج كيت وكيت يعني يخوفج

:eh_s(13):

 

[i'am THE ONE]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

امس دقوا من موبايل بنتي قامت من النوم مخترعه و لما كلمت وحده تقول انا من السعوديه نبرتها فلبينيه او اندونسيه و صكرت بوجهي

خط بنتي فيفا تهقون له علاقه ؟

 

[هايدي الجميله]

ساحر السنغال يتصل على مارينا اف ام
المقطع الأول
http://www.youtube.com/watch?v=w0vKSLEMjQg

المقطع الثاني
http://www.youtube.com/watch?v=_mrQdCoODvk&feature=related

المقطع الثالث برنامج 99
http://www.youtube.com/watch?v=th0Rwazt8DI&feature=related
http://www.youtube.com/watch?v=th0Rwazt8DI&feature=related

 

[راعية الطويلة]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

لا تردين

 

[لورا آشلي]

انا اليوم داقين اليوم بس مارديت عليهم

 

[لؤلؤية]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

انا يدق علي من هالارقام...بنفس المفتاح الدولي
البارحة على ال 1 ونص بالليل ....اخر مكالمة
ومطنشششة
وقبل يومين وزارة الداخلية حاطين تحذير بالجريدة...من الارقام الافريقية

 

[تبارك الرحمن]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

انا اي رقم دولي ما ارد عليه الا اذا طرش مسج وقال انا فلان تالي ارد

 

[الــــراسيـه]

انا اتصل علي وكشت
كنت بضحك عليه بس قالو انه يسحرج بالكلام وتخرين كل شي خفت
ولا اشوف الجرايد تحذر قلت اشوووووووووووه ما فصلت عليه

 

[مشتاقه لك يبا]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

انا بعد دق علي اكثر من مره ولا رديييت طنشي حبوووبه

 

[kly 7ala]

لا تردين حبيبتي هذا واحد يقولج انا حلمت فيج حلم انج مسحوره و ينصب على الناس بهالجذبه او يقولج مسوا لج سحر تحت شجره و ياخذ من الناس فلووس على بو انه بيفك السحر اعووذ بالله منهم هذا مأذي العالم وما يدق الا هالحزه حسبي الله عليه

 

[معكرونه أسبكتى يم يم]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

حقريه لاتردين ومرده بيمل ويذلف !!

 

[مندوبة ام بندر]

حبيبتي حقريه انا يدق على بس حااااقرته هذا اللي من الشنغال

 

[ice mo0oca]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

انا هم دق علي مارديت


ليش محذرين شنو فيه؟؟؟

 

[ReeM ^ Style]

رد : الرقم الدولي .......2217+ يتصل علي 3 مرات بالاسبوع ,,,؟؟؟؟؟

ديربالج تردين وحتى المسجات اللي توصلج فيها جائزه او ربح ديري بالج تتناقشين معاهم

هذيلا عصابات غسيل الاموال