الرضاع والحمل ..... ابي تجاربكم وتساعدوني

[miss-jmjm]

حبايبي
الحمدالله انا ارضع ولدي واهو عمره سنه ماشاءلله وودي الصراحه احمل:eh_s(17):

قاعده تييلي الدوره واحاول اني اضبط اني احمل بعد ماتخلص الدوره بس مادري ماكو شي يصير (كل شي باذن الله ان شاءلله)

الي احتاجه منكم ماعليكم امر اذا في وحده مثلي ترضع وتييلها الدوره يصير حمال ولا لازم اقطع الرضاعه تماما عشان الحمل يصير:bbbiu:

وشلون طريقه العد لما تييلي الدوره عشان اعرف فتره التبويض (اسفه عالسؤال امحرج):eh_s(22):

الله يوفقكم ويخليلكم ذرياتكم ويعطيهم طولت العمر والصحه :eh_s(7):والعافيه :eh_s(7):​

 

[أميرة 22]

يعني اللي ترضع ما تحمل ... ؟؟
الا اذا وقفت ترضيع طفل ؟؟

 

[Emanii]

الناس يقولون انه الوحده ماتحمل واهي ترضع
بس مااله شغل
خالتي حملت و اهي ترضع و كانت بنتها بالاشهر

 

[أميره بلا قصور]

ماله شغل

انا حملت وانا ارضع

وكانت اتيني الدوره

حملت وعمره ٦ شهور حبيبي ولمن الحين ارضعه بيكمل السنه

 

[أميره بلا قصور]

والله ماعرف شلون الطريقه جان فدتج بس انا جذي صار من الله

 

[ام الحلوااات]

ماله شغل

انا حملت وانا ارضع

وكانت اتيني الدوره

حملت وعمره ٦ شهور حبيبي ولمن الحين ارضعه بيكمل السنه

مـــن صـــجــح تــرضــعــيــنــه وانـتــي حــامــــل !!!
مـــايــجـــوز حــببـيـبـتــي لااااازم تـــفـطــمــيــن ولـــدج​

 

[Behtar2]

الي ترضع ماتييها الدوره واذا يت الدوره يعني مو معتمد على صدرج
والتبويض من يوم ال 14
وماسمعت وحده ترضع وهي حامل ممكن يضر ! ﻻزم يفطم

 

[نور دنياه]

افطمي ولدج لانه بعض الحريم مايحملون الا اذا وقفت رضاعه لانه يمكن هرمون الحليب مرتفع.

 

[miss-jmjm]

حبايبي ماقصرتوا والله شكلي راح اسوي تحاليل واشوف هرموناتي شلون حق الحمل

 

[miss-jmjm]

ماله شغل

انا حملت وانا ارضع

وكانت اتيني الدوره

حملت وعمره ٦ شهور حبيبي ولمن الحين ارضعه بيكمل السنه

ماشاءلله صج الي تحمل لازم ماترضع ولدها من بعده ؟؟؟ يضره يعني ولا شنو ؟؟

 

[أميره بلا قصور]

[/color][/size]

مـــن صـــجــح تــرضــعــيــنــه وانـتــي حــامــــل !!!
مـــايــجـــوز حــببـيـبـتــي لااااازم تـــفـطــمــيــن ولـــدج​

ليش من قال مايجوز عادي ماضر امهاتنا شي يابو ورا بعض ورضعوهم مع بعض وكاهم رياييل وحريم

 

[أميره بلا قصور]

ماشاءلله صج الي تحمل لازم ماترضع ولدها من بعده ؟؟؟ يضره يعني ولا شنو ؟؟

ماله شغل الدكتوره نفسها قالت لي عادي رضعيه بس اكلي فيتاميناتج لاتخلينهم لان راح تتعبين اكثر

وانا مو وايد ارضعه من بدا ياكل صار بس يبي يرضع وقت النوم

 

[نجمة فجر]

انا حملت وبنتي عمرها ٨ شهور وكنت ارصعها عدل وماتجيني الدوره جاتني شهر وبعدها حملت


اذا انتي ملتزمه عدل عدل بالرضاعه ماتجيج الدوره

وممكن تفطمين الياهل بس هرمون الحليب مرتفع عندج وماتحملين بسببه لازوم تراجعي دكتور بيفيدج اكثر
لان وحده عن وحده تفدق

عن الرضاع والحمل انا سالت الدكتور قال لي عادي رضعي لين تكونين بالشهر الخامس الياهل بروحه بيكره الحليب لان بيصير مر

وامهاتنا قبل مايرضعون ادا حملو كلششش ومايرضون حد ايرضع بنتي رضعتها شهر واحد وهذا هي الطيحات بالدقيقه باليوم اميو مره تطيح يقوولون لانها شاربه مهل اللي اهو حليب الحامل


انهاتنا اخبر من الدكاتره

 

[خوخه.22]

الله يرزقج ويرزقني ويرزق اللي يتمنون بالذرية الصالحة .. اميين

 

[t.o.o.ot]

الله يرزقك يارب