الرضاعه الطبيعيه والتسنين

[arnoba15]

السلام عليكم خواتي حبيت استفسر من البنات اللي يرضعون طبيعي اذا سنن البيبي اشلون ترضعه مايعض لانه بنتي الحين توها بتسنن ومسكينه جم مره اظاهر لثتها تعورها وعضتني واااااخ الله لايوريكم فبعرف اشلون ترضعون والله اني ارضعها وايدي على قلبي لاتعضني مره رحت سنتربوينت وشفت شغله نفس الحلمه تنحط جربتها بس الحلمه اشكبرها والله بنتي غصت منها بعرف من البنات اذا في طريقه غيرها او نوع زين وحه مجربتها يارييت تفيدوني وشكرا

​

*

 

[سوسن1980]

الله يعينك استحملي العض انا ولدي كل ماجا يسنن يسوي كذا ومستحمله

 

[arnoba15]

الله يعينك استحملي العض انا ولدي كل ماجا يسنن يسوي كذا ومستحمله

لووووووول الله يعينا يعني ماكو حل ومشكوره عالرد حبيبتي:eh_s(8):

 

[بـ سـ كـ وتـ ة]

إذا بدت تسنن معناتها بدت تفهم شوي

لما اتعضج قوليلها لأ وبيني لها بتعابير ويهج إنج تعورتي

والله يكون في عونج

بس حبيبتي بغيت أسئلج العوار اللي في بداية الرضاعة اشكثر خذا منج على ما تعودتي عليه

آنا صار لي أسبوعين والدة ووقت الرضاعة عبارة عن فلم رعب بالنسبة لي

وشنو الأشياء اللي ساعدتج؟

آسفة الموضوع موضوعج بس قلت يمكن تقدرين تفيديني

 

[بنات احلى الناس]

نفس كلام بسكوته حسسيها انها تعورج وشيليه عنها كعقاب وقولى عورتينى وانت تتعبرين كلميها ككبيره راح تفهم وتحس واحتسبى الاجر عسى الله يبلغج فيها وتذوقين منفعتها 0

 

[arnoba15]

نفس كلام بسكوته حسسيها انها تعورج وشيليه عنها كعقاب وقولى عورتينى وانت تتعبرين كلميها ككبيره راح تفهم وتحس واحتسبى الاجر عسى الله يبلغج فيها وتذوقين منفعتها 0

إذا بدت تسنن معناتها بدت تفهم شوي

لما اتعضج قوليلها لأ وبيني لها بتعابير ويهج إنج تعورتي

والله يكون في عونج

بس حبيبتي بغيت أسئلج العوار اللي في بداية الرضاعة اشكثر خذا منج على ما تعودتي عليه

آنا صار لي أسبوعين والدة ووقت الرضاعة عبارة عن فلم رعب بالنسبة لي

وشنو الأشياء اللي ساعدتج؟

آسفة الموضوع موضوعج بس قلت يمكن تقدرين تفيديني

السلام عليكم بسكوته ومشكوره عالرد بالنسبه حق العوار انا نفسج تقريبا اسبوعين احس لاني كنت امسكها غلط والدكتوره علمتني انه لازم الحلمه وشوي من السواد اللي حواليها دش ش بحلج البيبي مو يعني بس الحلمه لانه راح يعورج والبيبي يتعب ماينزله حليب وهم قبل الرضاعه حطي كمادات ماي دافيه علي صدرج يساعد انشالله بادرار الحليب ونصيحه اخت لاتسمعين كلام الكبار وتخربطين بالاكل ورهش ومادري شنو عشان يدر الحليب جانج تنفرشين مثلي فلا تعيدين الغلطه من تجربه بس حطي يمج بطل الماي لتر ونص وحطي حيلج فيه لازم كل يوم تخلصينه وشوفي اشلون الحليب يصير معاج وهم اذا تحبين شربي ثلاث قلاصات ينسون هم يدر الحليب ويهدي البيبي بس الماي عجيب والله له حكمه لما قال"وجعلنا من الماء كل شيء حي " والله يسهل عليج ويبلغج فالبيبي:eh_s(17):

 

[arnoba15]

نفس كلام بسكوته حسسيها انها تعورج وشيليه عنها كعقاب وقولى عورتينى وانت تتعبرين كلميها ككبيره راح تفهم وتحس واحتسبى الاجر عسى الله يبلغج فيها وتذوقين منفعتها 0

مشكوره بنات احلى الناس عالرد وتصدقين انا لا اراديا اسوي نفس ماقلتي بس انشالله تفهم الحلوه وعلى قولتج كله اجر عند الله انشالله:eh_s(17):

 

[بـ سـ كـ وتـ ة]

يعطيج العافية حبيبتي مشكورة ما قصرتي


وأشوة أمي وايد open-minded الله يخليها لي مو نفس حريم أول اللي تتفخ بنتها