الرضاعه الطبيعية

[كويتية مينونة]

امهات وصاحبات الخبره
انا صارلي 10 ايام والده وارضع بنتي طبيعي وللحين ماشربتها صناعي بس حيل اعاني من تحسس الحلمات واحس بعوار وقت الرضاعه ،، سمعت انه هالشي مؤقت بس انا صارلي 10 ايام وللحين صدري يعورني وقاعده افكر لي بعد النفاس اذا تم العوار خلاص راح افطمها واعطيها صناعي بس اذا فيه حيل ياريت تفيدوني
وبعد احس بصدري اليمين نقطه بيضه طلعتلي عقب الرضاعه ماادري شمنه!!!!!

 

[أسري إليك]

عادي حبيبتي .. اول اسبوعين عوار
بس في كريم يقلل التشققات ..
بعدها عادي ويصير شي ممتع

لا تفكرين تفطمينها .. حرام تحرمينها وتحرمين نفسج فوايد الرضاعه

 

[c a t w o m a n]

عادي حبيبتي أنا صدري تشقق و دم تكرمين ينزل

استخدمي كريمات للحلمة ينباعون بالصيدلية و هالعوار راح يروح انشالله

 

[mayesalreem]

بنات اانا اشفط الحليب و اعطيه البيبي ما ارضع طبيعي

جذيه البيبي يستفيد من اللي اعطيه ؟؟ بس باليوم كله ٤٠ مل... اشفط ٢٠ مل الصبح و ٢٠ مل بليل

و انا استفيد من فوايد الرضاعه الطبيعيه؟؟؟ لان سمعت الرضاعه الطبيعيه ترد كل شي مكانه و زينه للرحم

 

[ميس:)]

انل بعد طلعتلي هالنقطة وطاحت مادري شمنه وانا ارضع نص طبيعي ونص صناعي ودي ارضع كله طبيعي بش بنتي تنام وماتكمل

 

[نونو توتو]

انا جاني هالجفاف وكنت استخدم كريم من الصيدليه بس هم كنت اعطي بنتي رضعه في اليوم صناعي علشان تنام وتطول شوي وارتاح انا غير كذا يرتاح الصدر وبعد اشفط لها واعطيها واستخدم كمادات دافيه على الصدر علشان ينزل بدون الم صبري شوي وان شاء الله تروح التشققات وكثري سوائل وعصيرات بشكل كبير

 

[FJ style]

انا صار لي والدة من 3 اسابيع ماراح العوار الى عقب اسبوعين دم وتشققات وعذااااب والحين الحمدلله ولا كأنه في شي تحملي شويانا اللي سويته وصفت لي الدكتورة كريم purelan-100عجييييب اول ما تخلصين رضاعه اخذي نتفه من حليب صدرج دهني حلمتج وعقب حطي هالكريم طبعا لا تخافين لان هذا الكريم عادي اذا رضع البيبي واهو على حلمتج بين وقت والثاني غسلي صدرج بماي دافي ونشفيه عدل وخليه يتهوى شوي وعقب حطي الكريم اذا صدرج متفوخ زيادة ويعورج حاولي تفرغينه بالايد او بالمضخه وخزني الحليب بالثلاجة ليومين او بالفريزر مدة 3 اشهر عادي لا تخلين البيبي يرضع منج واهو يبجي يعني يكون قاعد يصرخ فترة واييج عالحلمة ملهوف فيرضع حيييل ويعور لج الحلمةمن تحسين انه يوعان رضعيه واهو مرتاح شوفي وضعيتج بالرضاعه اذا صح او لايعني حاولي تحطين الحلمة وشوي من الهالة بحلج البيبي وبعدين جربي هالوضعيةحطي مخاد ورا ظهرج وانتي قاعده عالكرسي وحطي كوشية بحضنج ونومي البيبي عليها ع جنب يعني ما يكون منسدح ع ظهره لايكون جسمه لازق بجسمج وخلي مستواه سيدة ورضعيه واذا ما فهمتي علي دشي يوتيوب وكتبي breastfeeding positionsوحاولي وانتي ترضعين تدلكين صدرج بدوائر عشان يطلع الحليب من كل مكان داخله ويفضى صدرج عدل وتريحين اتمنى اني افدتج لاني قاعدة اعاني بنفاسي ودورت علومات من مواقع اجنبية وطبقتها وارتحت

 

[amera bklmty]

اب اب موفقه