الرضاعة الطبيعية والغازات

[om.mohamed]

السلام عليكم ورحمة الله وبركاته

بنات انا وقفت ارضع طبيعي من حوالي 3 اسابيع من سمعت ان الطبيعي يسوي غازات مثل الصناعي
انا كنت اعطيه حوالي 3 رضعات طبيعي بس وقفت
والحين مفكره ارجع للطبيعي شرايك؟
لان ولدي تييله فصله بالليل من الغازات حوالي ساعتين بجي
اهلي يقولولي ولو الطبيعي مو جذي غازاته لو تعطينه احسن من هالصناعي

وفي قريت موضوع كاتبين حسب تغذية الأم

شرايكم ؟؟
فيدوني الله يوفقك

 

[om.mohamed]

الله يوفقكم*

اي صج نسيت اقول ولدي الله يحفظه عمره شهر ونص تقريبا

 

[نور دنياه]

احس مايفرق انا كنت ارضع وفطمتها والحين صناعي ونفس الشي احس ! كله غازات

عطي ولدج دوا الغازات قبل الرضعه اسمه Disflatyولا عندج خيار ثاني انج تعطينه ينسون مع سكر نبات بيرتاح عليه ، بتلاقين الغازات تطلع وبيرتاح ان شالله

 

[om.mohamed]

شكرا نور دنياه

 

[فـراوله]

مادري والله بس أتوقع حسب تغذية الام


​

 

[PinkLulu]

الغازات شي طبيعي بالياهل

صحيح إن حليب الأم ممكن يسبب غازات...بس ما يبب اسهال ولا امساك

ومو سبب إنج تقطعين الرضاعة الطبيعية لأن فيها فوايد اكثر

تقدرين تخففين الغازات بإنج تهتمين بأكلج وتبتعدين عن الأكل اللي يسبب الغازات

وتعطين الياهل دوا حق الغازات عشان يرتاح

 

[شـوق@]

بس انا سمعت موزين تقطين عنه وتردين ترضعين

انا ارضع بنتي بس مايطلع حليب واجد شوي شوي

بس بسالج انتي تكلين حبوب مانع الحمل

 

[شـوق@]

ونسيت شي طبيعي حليب الام مفيد حليب ويسااعد الطفل واايد

والغازات فيه في شربي ينسوون وماي وسكر

والحليب الافضل تعطينه طول اليوم

وبالليل تعطينه صناعي ينام ويرتاح

 

[noha33]

شربيه أعشاب أو في وايد أنواع نقط بالصيدلية للغازات
بس أهم شي راقبي أكلج
لأن أي أكل يسببلج غازات مثل البقول مثلا ينتقل بالحليب

 

[M!SS.LOBY]

حبيبتي كل هذا يعتمد على تغذية الام

 

[~Diva~]

لا تقطعين الطبيعي تحمللللي
خلج على الطبيعي خل تقوى مناعه ولدج
وشوفي إذا ما عنده حساسيه من اللاكتوز