الرد على موضوع..منو تبي تعرف حامل ولا لا والي فيها بنت ولا ولد طريقه سهله و مجربتها

[شيخه الحلى]

السلام عليكم.. انا توني قريت موضوع وصراحه انا كنت منخدعه فيه وكلنا منخدعين فيه
بس عرفنا الصح من الغلط
وصراحه الغلط شي مو هين لأنه فيها شرك لله سبحانه
وفيها تعامل مع الجن..

وانا والله حاطه الرد على الموضوع للإفاده عشان لا يغلطون البنات ويسوونها على باب الوناسه والتسليه واهما يتعاملون مع جن بدون ما يعرفون..

عموما انا بحط لكم الموضوع اللي كاتبته الأخت العزيزه بحسن نيه.. وبحط تعليقي عليه وبحط الرابط بعد..
والله يعطيكم العافيه..


موضوع الأخت كالتالي::


لا طلين دشــــــــــــــــــــــــــــــــــــــي حياج






















السلام عليكم انا اليوم جايبتلكم طريقه علمتني ياها جدتي والطريقهحلووووووووووووووووه وسهله


الطلبات,,,,,,,,,,,,,,,,,,,,,,,,,,,,,,,,,,,,,,,

1"" قلم رصاص ابو محايه من فوووق عرفتيه ؟؟


2"" خيط عااادي


3"" ابره خياطه


اخذي الخيط ودخله في الابره كأنج بتخيطين واغرسي راس الابره بالقلم يعني بقلب المساااحه
و ساوي طرفين الخيط ولفي اشوي من الخيط بصبعج



عشااان تعرفين انتي حامل ولا لا

""" طبعاً القلم مثبته بالخيط بصبعج مدي ايدج اليمين عند الوريد حطي طرف القلم البوووز وثبتي خيط القلم بصبعج

شوفي حبيبتي اذا القلم صاري يتحرك على داخل الإيد بذن الله حااامل
واذا قعد يتحرك يمين يسار معناته الله يعوضج مو حامل





عشااان تعرفين بنت ولا ولد

بنفس الطريقه بس على البطن اذا تحرك القلم بشكل دائري معناته ولد واذا جدام ورا معناته بنت طبعا الله اعلم بس انا جربته بعد ما قالت لي جدتي عنها و اطلعت صح معاى وتعرفون ان الرصاص يتفاعل معى نبضات القلب و الدم


وأيضــا:

هذا مو خرافه حبيبتي هذا علم الرصاص يتفاعل مع ماده بدم الحامل


وهذا ردي على موضوعها::

تصدقين قبل كنا نسويها في بيت خالتي ومع بنات خالتي على باب الضحك
و انا لما سويتها كنت صغيره تقريبا عمري 14 سنه وطلعلي ولد وبنت وبعدين ولدين
والحين انا عندي بنت
المهم خواتي كلهم كانو يسوون وامي تسوي ويطلع كله صح
بس مره قلنا شرايكم نقرا المعوذات وآيه الكرسي لما نحط القلم ونشوف

حطت اختي إيدها وامي امسكت القلم وبدت تقرا آيه الكرسي بصوت مسموع
والمفاجأه...... ماتحرك القلم ولا دار ولا في أي حركه
ومن عقبها استغفرنا ربنا

والله يستر من اللي سويناه

وامي قامت تبجي وتستغفر
لأن هذا علم الغيب ومحد يعرف غير الله سبحانه

ومافي شي اسمه علم الرصاص مع الدم

لأن حتى لو تحطين سلسله ادور معاج.. عيل وين الرصاص وعلم الرصاص!!!!!!!!

كبروا عقلكم يابنات ترى هذا كله من الجن



وهذا رابط الموضوع:

http://www.q8yat.net/showthread.php?t=635681

 

[شيخه الحلى]

وانا أعتذر من صاحبه الموضوع لأني علقت على موضوعها بس صراحه انا ديني يجبرني اني احذركم من الغلط اللي يصير بدون ما تدرون
والرسول عليه الصلاة والسلام قال:
عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان..

وصراحه انا مابي الله يحاسبني لأني شفت الغلط وسكت

والله يعطيكم العافيه

 

[كويتية ورديه]

الله يعطيج العافيه ويجزاج خير حبيبتي وكل هالامور في علم الغييب والله وحده العالم فيها ..

 

[tmtmt]

ما عرفت شلون شرك

اهوا اكيد غلطط وما نصدقه مو معقوله قلم رصاص يقولج شنو فيج وشنو بييج ...
بس من باب التسليه

 

[ساندريلا]

احس انه تسليه لا اكثر ولا اقل
مو معقوله انج تعاملين مع الجن بهالطريقه البسيطه

 

[توكلت على الله 22]

سبحانك اللهم وبحمدك استغفرك واتوب اليك اني كنت من الظالمين

 

[شيخه الحلى]

ما عرفت شلون شرك

اهوا اكيد غلطط وما نصدقه مو معقوله قلم رصاص يقولج شنو فيج وشنو بييج ...
بس من باب التسليه

احس انه تسليه لا اكثر ولا اقل
مو معقوله انج تعاملين مع الجن بهالطريقه البسيطه

الشرك في انج تعلمين الغيب
مثل السحر والسحره اللي يستخدمون الجن للسحر
ويامه في اشياء الناس تسويها من باب التسليه واثمها عظيييييييييييييم
مثل قراءه الأبراج اليوميه وحظك اليوم


1- سؤال طرح على اللجنة الدائمة للبحوث العلمية والإفتاء عن


حكم الاستعانة بالجن


فكان الجواب
لا تجوز الاستعانة بالجن في معرفة نوع الإصابة ونوع علاجها لأن الإستعانة بالجن شرك . قال الله تعالى (( وأنه كان رجال من الإنس يعوذون برجال من الجن فزادوهم رهقا )) ، وقال تعالى (( ويوم يحشرهم جميعاً يمعشر الجن قد استكثرتم من الإنس وقال أولياؤهم من الإنس ربنا استمتع بعضنا ببعض وبلغنا أجلنا الذي أجلت لنا قال النار مثواكم خالدين فيها إلا ما شاء الله إن ربك حكيم عليم )) ومعنى الإستمتاع بعضهم ببعض أن الإنس عظموا الجن وخضعوا لهم واستعانوا بهم والجن خدموهم بما يريدون أحضروا لهم ما يطلبون ، ومن ذلك إخبارهم بنوع المرض وأسبابه مما يطلع عليه الجن دون الإنس وقد يكذبون فإنهم لا يؤمنون ولا يجوز تصديقهم .
التوقيع: اللجنة الدائمة للبحوث العلمية والإفتاء

 

[أم حمودي**MALL**]

اشلون استعانه بالجن؟
ما توقع تكون بهالطريقه
الاستعانه بالجن لها طرق وناس معينين

 

[ساندريلا]

حبيبتي ادري قولي انه حرام
بس مو انج تتعاملين مع الجن لو التعامل مع الجن بهالسهوله جان حتى اليهال تعاملوا معاه

 

["*آآآنؤؤؤقهـ*"]

أستغفر الله

 

[شيخه الحلى]

حبيبتي ادري قولي انه حرام
بس مو انج تتعاملين مع الجن لو التعامل مع الجن بهالسهوله جان حتى اليهال تعاملوا معاه

أنتي جربي تسووين الطريقه وانتي تقرين آيه الكرسي والمعوذات وماراح يتحرك القلم
منو اللي يحركه إذا مو جن؟؟

 

[ام يوسف الكويت]

من صجكم تصدقون الجدول الصيني وقلم الرصاص وهالخرافات ؟
الله الهادي
ماحب اجرب هالاشياء ولا اقراها حتى لو من باب التسليه
وشكرا لصاحبت الموضوع

 

[شيخه الحلى]

والله انا حطيت الموضوع عشان الله لا يحاسبني وللإفاده
واللي يبي يسوي هالطريقه بعد ما قرا الموضوع كيفه انا مالي شغل
واللي ما يبي يسوي هم كيفه
انا بلغت فقط ما أجبر أحد على شي

 

[souhaila]

astagfero Allah wa atoubo elayeh
jazake Allah kola kheir
ja3alaho fe mezane 7assanatek

 

[للصبر اخر]

نسويها من باب التسليه لااكثر
كلنا مسلمين ونعرف علم الغيب عن الله وبس
مشكوره على التنبيه

 

[لـولـو الحلوه]

يزلج الله خييييييييييير

بنات لا تستهينون واتقولون من باب التسليه سواء هالحركه او الابراج او غيره ااذا اضبطت معاكم راح اتصدقونها ويمكن البعض راح يجربها على طول ووين التسليه بالموضوع ؟ ليش انقص على عمرنا

واتقبلوا رأيي بصدر رحب : )

والله يرزقنا اطفال معافين واصحاء

 

[اخت فايز]

الف الف الف شكر على غيرتج على الدين

الله لايحرمج اجر التنبيه

انا والله مادشيت الموضوع لاني ما احب هالسوالف اعتبرها ساخافات بس عجبني ردج واسلوب الراقي الله يجزاج الجنه ويرزقج بالذريه الصالحه


ومشكووووووووره مره ثانيه انتي سويتيها لله وانا ابرفع الموضوع لله



الف شكر يالغاليه

 

[^noonaa^]

يزاج الله خير

 

[الحرير]

جزاج الله خير

 

[أ.س.م.ا.ء]

يزاج الله خير حبيبتي