الرجل الكتوم !! "نـقـاش"

[HaWeK]

سؤال يطرح نفسه !
شلون تتعاملون مع الريال الكتوم اللي مايقول شئ وخصوصا لي تضايق !:eh_s(10):

شلون تخلون رياييلكم يشكون لكم الحال لي تضايقو؟​

 

[ابي اصير ممثلة]

شوفي الرجال الكتوم طلعي منه ضيقه بعفوية

 

[بنوته كيكه]

في كلام الحلو وسلوب هادي

 

[يا كويتنا]

انا زوجي كتوم


لنا اكثر من عشر سنوات زوواج

اذا زعل او تضايق مايبين كلش واذا انا عارفه بالموضوع من برا وابيه يشكيلي ايكر الموضوع ويتضايق فاسكت


طبعه صعب


والشخص الكتوم مايحب النقاش الطويل كلشششش


لو افتح معاه موضوع بسيط واتناقش فيه ايتضايق يقول يوه ياحبج للسوالف والقرق وممكن يقعد بالساعات عالاخبار او برامج وما يتكلم

يماه انا اطق لو اقعد نص ساعه ما اسولف


بس خلاص تعودت عليه

 

[عنـــآق ..!]

ياشييين الكتماااان 

 

[بنوته كيكه]

بنات ترا لبد سياسه كلام حلو امكن يفيد
انا عندي اخوي كوووم الي ابعد درجه
بس مو كل شسي يقول لا يقول اشيا عديه

 

[Moim]

انا ريلي كتوم ١٠٠٠٠٠٠ بالميه وليليوم مستحيل يقولي اللي بقلبه
مالج الا الصبر ولا تضغطين عليه ادري شي صعب بالذات اذا ودج صج تعرفين اللي يضايق شريك حياتج

 

[عيوني مودي]

نفس الاخ الي عندي بس انا اقرقر على راسة ليل نهار
وصار يسولف معي وجتلي فترة حزن ساكتة مثلة ماتكلم لقيتة يتكلم معاي
ويذكر مواقف مع اصحابة

 

[همي بعد اهلي]

ياكرهي للسكوت زوجي لو يجلس شهر ماتكلم عادي اما انا مااسكت عكسه لدرجة لاسكت يقول سلامات
فيك شي زعلانه ابد ابدمايحب يتكلم على الاب توب وساكت امووووووووووت قهر من طبعه ياحبي له
الرجال اللي يونس زوجته بالسوالف
والله اتمنى الاقي حل عندكم
​

 

[قلبك وحشني :(]

ريلي كتوووم

واذا تضايق ولا عصب يسسكت

بس يبين على ويهه
ولو تسالينه سنه جدام شفييك
مايجااوب

يعللل القلب

واذا بسوولف يسوولف بهدووء جنه يهمس

مادري باجر اذا يونا عيال وصار ازعاج شلون بسمع له

شكله بيضيع بينا لوول

 

[الزيـــــ^^ـــــن]

وانا بعد كتوووووووم 

شسالفتهم هالرياييل ،،؟؟! / يمكن لان احنا قرقااا

 

[mira]

انا اتوقع هم مو كتومين بس لأنك زوجته ماراح يقولك شيء وهذا انا إللي اكتشفته لأن زوجي معآي كتوم لكن مايخلي شيء لأمه وآخويـآه !!
يمكن هم يحسون بفرق ؟!
!!!!

 

[سفيره الكويت]

الرجل الكتوم ليس لديه ثقه بالاخرين ويفضل ان يكون صديق نفسه تحتاجين ان تتعمقي في قلبه لتخرجي اسراره

 

[رآآحٺ آيآمڪْـ]

آمبيه ليه كل آلريآجيل كتومين َ
حتى خآلآتي ريآجيلهم َ كتومين َ ،

آلله يسترَ ، طموشه َ

 

[$$king moon$$]

تدرون ليش انحس انهم كتومين
لان احنا بطبيعتنا هذره واهم مايتكلمون كثرنا
يفكرون اكثر من مايتكلمون

 

[kokim]

اصعب شي الرجال الكتوم لانه اذا انفجر الله يسسسسسسستر

 

[dubai girl]

والله مب كل الرياييل كتومين
انا كتومه لان ماحب اقول كل شي
هذا طبع فيني .. بس بالحنه اقول هههه
بس مااقول حق كل حد اقول لشخص ارتاح له واعرف ان مابينقل كلامي لحد
ويسكت ويسمعني ويفهم ويعرف كيف يخفف عني .. يعني يتكلم في الوقت المناسب
يمكن نفس طبع ريلج وهالشي يفيدج

 

[ام كوثر2007]

اهم شي لا حسيتيه متضايقه لا تسالينه بنفس الوقت وحتي لو صادف وسالتيه عن اللى فيه وقالج ماكو شي .. تركيه فتره تهدا اعصابه وبعدين اشوي اشوي سحبي منه الكلام بطريقه غير مباشره ..


اهم شي ما تحنين علي راسه ولا تقرقين ترا هذا اللى يطفرهم ويخليهم يكتمووون .. او يمكن الريال لمن يجرب يقول حق زوجته سالفه ويشوفها كبرت السالفه وقعدت وسوتها مشكله يتوووب بعد يقولها شي .. عشان جذى تشوفينهم يكتمون


لكن لو تتعاملين معاه كصديقه .. مو زوجه اهنيه بيكون الوضع مختلف ..


عسى الله يسخره لج حبيبتي .

 

[شادن33]

الريال يكون كتوم لما يحس ان زوجته ماتفهمه
يعني مو معاه ع الخط اذا قالها بتزيد ضيجه بدال ماتخففها
اهو لما يحس انج صديقته يفضفض الله المستعان

 

[HaWeK]

والله ردودكم تثلج الصدر
لي عودة ان شالله