الربــو والحمــل تعـبت بلــيز الي عندهـا حـل تتفـضل

[تبطي عظم!]

السلام عليكم شلونكم بنات

ابي حل للتنك حامل ومايحطون لي فانتولين بالكمام

بس بلماكورت 1 مللي واتروفين 1 مللي والمحلول 2 مللي بس مايسوي لي شيء

البخاخ العادي الازرق موزين كثرته حدي 3 مرات باليوم يتعب عضلة القلب

القرص البنفسجي ممنوع في كرتزيون زين شنو اخذ مااتنفس اموت يعني

بحملي قبل ماصار معاي جذي الا بعد الولاده مت وحييت بنفاسي من هالسالفه

حالياً من حملت معاي بس خفيف كان من اخذ البخاخ يفج عني 12 ساعه الحين حتى ساعه مايفج

ارجع اتنك اكثر من قبل شسوي تكفون طريقه مضمونه ومجربه

لحد يقولي عسل العويد مااقدر جربته مع شمع العسل وماي دافي الله يعزكم رجعت ويومين تقلب جبدي

بليييز شيء مضمون ما اتنفس كلش

 

[حبيبي مالكني]

الله يعينج
والله حبيبتي ماعرف
بس حبيت ادخل وادعيلج الله يشفيج يارب
والبنات ان شاء الله ماراح يقصرون
والله يتمم عليج حملج

 

[حشمه]

بعض الأمراض الشائعة وعلاجها خلال الحمل والأدوية التي يجب تجنبها:

الربو: يفضل استخدام البخاخات الموسعة للشعب الهوائية مثل فنتولين (Ventoline) , وبخاخات الكورتيزون وبخاخ انتال Intal)) (بشرط استعمال كل أنواع البخاخات بشكل معتدل), ويمكن قبول الكورتيزونات المتناولة عن طريق الفم في حالات الربو الحادة . ويجب تجنـب دواء Singulair نضرا لعدم ضرورته للتحكم بأعراض الربو ولعدم توفر بيانات طبية كافية عنه.

 

[حشمه]

ماعندي علم بس دورت لج بالنت لقيت هالكلام يمكن يفيدج

 

[مـرت الـغالي]

الله يعينج حبيبتي
والله ماعرف غير هالادويه اللي قلتيها
بس اللي اعرفه ان بلميكورت في نسبه كرتزون

بس احسن شي سألي الطبيب
في حبوب تفتح الشعب الهوائيه بس تاكدي ان مايكون فيها ضرر عالبيبي
والله يسهل عليج

 

[عاشقة الككاو]

الله يكون بعونج يارب

مادري ينفع بخار البابونج لاني قارية بكتاب التداوي بالاعشاب انه زين بخارة للجيوب الانفية وامراض الصدر

ربي يهون عليج ولا ترشين عطور وبخور ومسحوا الغبار اول بالاول وشمسي فراشج ومخداتج من العثة فتحي الدرايش وخل الشمس تحوشهم

 

[تبطي عظم!]

حبيبي مالكني

جزاج الله خيير

حشمه

فنتولين يضعف عضلة القلب كثرته مو زينه كلش
بخاخات الكرتزيون مستحييل معروفه انها ممنوعه للحامل بالاشهر الاولى صعبه يساعدوني
مشكووره حبيبتي


مرت العالي

بسال عن الحبوب مشكوره

عشووقه

قلت لخدامتي تسويلي البابونج بشوف شيصير

 

[الـــغـــلآ]

تبطي


حبيبتي القرص البنفسجي صرفته لي دكتوره يمكن بالشهر الثالث كنت نفسسج واكثر حييييل اتعب و قالتلي ان نسبة الكورتيزون فيه خفيفه ما تاثر و الف الحمدلله استعملته جم مره و ارتحت و قطعته و الحين اخر الاشهر استعمله بالضروره اذا احتجته مع انها قالت لي استعمليه مرتين باليوم لين تتحسن حالتج لان الاختناق مو زين ع البيبي اذا ما وصله اكسجين يمكن يسبب تشوهات و الكمام العادي انا نفسج ما سوالي شي حتى هي تقول هذا مجرد بندول يخفف و يرجع الاختناق عقب ١٢ ساعه او اقل

 

[الـــغـــلآ]

و انا نفسج كنت خايفه من سالفة النسبه البسيطه للكورتيزون و الحمدلله ثنتين من رفيجاتي مستعملينه و هم حوامل و ولدو وما فيهم الا العافيه

 

[تبطي عظم!]

مشكوره حبيبتي الغلا

استشرت دكتوره قالت تستخدمينه لمن تخلصين الرابع هانت ماباقي شيء

بنطر مابي اجني ع البيبي

 

[مشتطـه]

انا بلش معاي من اخر السابع

لان الربو عندي موسمي
بالشتا من شهر 11 لما 2 يجيني على فترات


وكنت اتوتر بحمالي ولما رحت الطبيب كلهم قالو عادي
والحمدلله ولدي سليم تبارك الرحمن الحمدلله

يمكن لان انتي بالرابع


انزين انا اقول روحي لدكتور متخصص بالربو واكيد عنده فكرة واسعة

يمكن المستشفى اللي تروحين فيه عبالهم مو زين



حيل حاسه فيج الربو يتعب حييييييييييييييييييييييل

الله يشفيج يارب

 

[مألوفة]

انا ذبحني التنك بغيت اموت ما قمت اقدر اتنفس رحت لمستشفى الهادي وانا بالرابع وحطولي كمام لان الاكسجين ناقص عندي

وقالت الدكتورة ما يضر انشالله وعطوني بخااخ والحمد لله راح مني كل شي مثل السحر حشاج حتى البلغم اللي كان كاتم انفاسي طلع لانها اصرفتلي مضاد حيوي

 

[عجميه ذوق]

اختي نصيحه مني روحي حق الدكتوره سلفا شحيبر ممتازع انا كنت مثل حالتش يتنك صدري احس اني بموت على اني حامل مايعطوني شي بس لمن رحتلها عطتني ابره والله من يومها ماقام يتنك صدري وماتأثر على حمالي اهي استشارية بالصدر الله يقومش بسلامه حبيبتي.

 

[كتكوته الحبوبه]

والله آنا حاسه فيج معاي ربو مزمن طول عمري وحيل زاد مع الحمال ما ادري شسوي بعمري

 

[حنين الفرح]

انا الاسبوع الي طاف نفسج مقدر اتنفس والكحه مو زينه على البيبي مثل ماقالت اختي الغلا البخاخ البنفسجس مايضر والبيبي لازم يوصله اكسجين انا رحت عند دكتور وحيد بالهادي الحمدالله هو دكتور شاطرر والله عطاني علاج مثل السحر هو دكتور فاهم ومايعطيج شي يضر النونو روحي له والله يكتب لج الشفاء