الذويقات فقط ساعدوني ابي بدلة لنتي

[شفافة]

لحقوني يابنات
احنا حمولتي كل عيد يصير عرض بدل بناتهم
وانا ودي بنتي تطلع احلاهم هالمره
بس مو عارفه شفصل لها
فريت السوق مو حلو
معارض كله بدل حريم
بنتي وحيدتي عمرها 10سنين
لا تتركوني بليز احترت
واللي تدل معارض فيها بدل بنات تقولي بليز
الله يعين اللي عندهم اكثر من بنت
انا وحده الله يخليها وتعبتني

بانتظار الذويقات وصاحبات الخبره

 

[Pissy Missy]

جربي الافنيوز فوق في phase 2 كله محلات اطفال وتحصلين بعمر بنتج

وفيه محل اسمه why and 1/2 يم ارنوب و دبدوب عنده شغلات غريبه و الرايه فوق بعد عندهم محلات اطفال

 

[yumyumi]

هلا حبيبتي

بنتج جم تلبس ؟

 

[krkooora]

ما قصرت الاخت
عندج 360
محل ارماني للاطفال و محل قوتشي للاطفال
و بالفنار محل الفرينو مارتيني للاطفال و بربري الاطفال بالافنيوز و لحظه من فضلك هم بالافنيوز
كلهم ماركات و عندهم لبس اينن حق اليهال
اما التفصال و الخياط حق الياهل صراحه ماتوقع يضبط على اليهال

 

[دلوعه ززوجي]

حبيبتي مويد المير وانتي مغمضه اللي في بلازا حولي ذرب وكشخه ااالكل يسال عن بدلت بنوتي

 

[PuPa^^SWeeT]

عندج الافنيوز حلو حق اليهال

الفيز تو


انزين

360 عجيب

يبيلج اتدورين عدل عدل


و اتركبين هذا على هذا من ذوقج


رفيجتي اتقول اكوا اللي بالمارينا حلوو

شوفيه اذا يعجبج بعد