الديوان

[أم نوفي]

قوووه بنات شلونكم

عندى استفسار

ديوان التوظيف استدعانى مرتين ونزلو اسمي بالجرايد مع باقي البنات

وطبعا مارحت لانى ساكنه الحين بالسعوديه

ابي اعرف لو اروح لهم بالعطله هذي شنو بيسون يعنى بيوظفونى على طول ولا شنو بالضبط

لاني محتاره بين دراسة عيالي وزوجي لانه زوجي يقول اخذي العيال وروحي لاتضيعين الفرصه عليج ياليت تفيدونى

 

[el7ob Klah]

والله مادري

بس زوجج ليش ما يشوف لج وظيفه اهناك ؟

يعني كل واحد راح يظل عايش في مكان ؟

سوري مو قصدي اتدخل بس استغربت لما قالج اخذي العيال و روحي

مادري ماعندي جواب بس حبيت ارفع الموضوع

 

[أم نوفي]

والله مادري

بس زوجج ليش ما يشوف لج وظيفه اهناك ؟

يعني كل واحد راح يظل عايش في مكان ؟

سوري مو قصدي اتدخل بس استغربت لما قالج اخذي العيال و روحي

مادري ماعندي جواب بس حبيت ارفع الموضوع

لا حياتي عادي مافي شي اسمه تدخلت لااني طالبه رايكم

اهو مسكين حاول وحتى بفلوس ووسطات بس كله مرفوض الطلب لانى مو سعوديه

واهو يقول اذا تبين الوظيفه وخايفه باجر تندمين انج رفضتيها اخذي العيال لانهم ناشبين لي ولابوهم نشبه

يبون يرجعون عند خوالهم ومدارسهم فديتهم كانو مستانسين مع مدرساتهم وكانو اجتماعين مو نفس الحين ماعندهم احد بالخبر وصار مكتئبين ونفيسه

ويعطيج العافيه واخذي راحتج بالاسآله

 

[جلكسيه اس 3]

اممممممم انتي فكري فيها
من كل النواحي ،،
بتشتغلين ؟؟
انزين وريلج
منو راح يجابله
يشوف اكله وملابسه
و يسولف معااااااه
انا اقول اذا مو مقصر عليج
بشي خلج بالسعوديه
اشتبين بوظيفه و عوار راس

وبالاخير القرار قرارج
والله يوفقج

 

[atoooty]

متى نزل اسمج مع الدفعه الي قبل قصدج ؟؟؟

وليش مارحتي من زمان ؟؟ لانه اذا ضليتي 3 اسابيع تروح عليج الوظيفه

وشنو تخصصج ؟؟ اذا المعاش يسوه تعالي الكويت

وزوجج ممكن يسويله تجاره بالكويت يتربح منهاا

 

[أم نوفي]

اممممممم انتي فكري فيها
من كل النواحي ،،
بتشتغلين ؟؟
انزين وريلج
منو راح يجابله
يشوف اكله وملابسه
و يسولف معااااااه
انا اقول اذا مو مقصر عليج
بشي خلج بالسعوديه
اشتبين بوظيفه و عوار راس

وبالاخير القرار قرارج
والله يوفقج

المشكله مو بريلي

المشكله بعيالي وانا قلت له مراح اقدر اربيهم بروحي

واذا عنه هو يقول اسبوع عندي واسبوع عندكم بس هو خايف اني اتحسف واقول ياليت وياليت

على العموم يعطيج العافيه والله يوفقج ويوفق الجميع يارب

 

[أم نوفي]

متى نزل اسمج مع الدفعه الي قبل قصدج ؟؟؟

وليش مارحتي من زمان ؟؟ لانه اذا ضليتي 3 اسابيع تروح عليج الوظيفه

وشنو تخصصج ؟؟ اذا المعاش يسوه تعالي الكويت

وزوجج ممكن يسويله تجاره بالكويت يتربح منهاا

نزل مرتين السنه الي فاتت والدفعه الي قبل

تخصصي سكرتاريه والله خواتى يقولون المعاش يسوا

المشكله زوجي فاشل بالتجاره ابوي قال بيشوفله واسطه بالحكومه بس زوجي مايبي يترك وظيفته بعد يخاف يفلس من الناحيتين

على العموم يعطيج العافيه وان شاء الله بستخير