الدوره الشهريه و الابر المسكنه

[برونزيه نعومه كتكوته]

السلام عليكم بنوتات
حدي مستغربه من شي
امس يتلي الدوره الشهريه و حيل تعبت رحت المستشفى عطوني درب باسكوبان خالطين معاه دوا عن اللوعه لان نوعي استفرغ وقت الدوره و جبدي تقلب
و عطوني ابره بالعضل مسكن قوي نسيت اسمه المهم دكتوره قالت لي هالمسكن قوي و اغلب الدكاتره يصرفون هالابره حق اللي عندهم صداع نصفي . يريح حيل
المهم لما خلص الدرب رديت البيت و ريحت هالحجي امس
اليوم وله نقطة دم نازله علي !!!!
مادري تتوقعون الابره و الدرب لهم علاقه ؟؟ و انا دورتي 7-10 ايام :\

 

[Moondance]

ديي بالج لا تاخذين اي شي واي مسكن !!! استشيري طبيبج اول وخليه يوصفلج مسكن يناسبج انا جذي كنت اموت من العوار قمت مرات اخذ ادفل ومرات بونستان ترى يخفف الالم وايد زين . . اذا تراجعين عند دكتور نساء وولادة راجعيه .

 

[برونزيه نعومه كتكوته]

البونستان و الادفل و الباندول ما يفيد معاي هالدكتوره عطتني ابره بالعضل و درب باسكوبان فيه دوا عن اللوعه
صج علما خلص الدرب و لي الحين جني جذابه بس وقف الدم وله نقطه !!

 

[$$ صعبة الوصوف $$]

برونزيه حبيبتي ليش تروحين الطبيب وابره وحالتج حاله

اخذي حبة باسكووبان واشربي جاي زعتر والعوار بيروح ان شاء الله

لانه انا ختي جذي من تجيها الدوره سيده تروح الطبيب لين تعودت وحتى لو ماعورها تروح تغز الابره قبل العوار

على قولتهم تزهب الدوا قبل الفلعه ...

بس امي ماخلتها تروح منعتها ... والحين تعودت بس قبل كانت تموووت الا تروح الطبيب ...

يعنية نصيحه لاتعودين نفسج عالطبيب راح تتعبين

 

[برونزيه نعومه كتكوته]

يا قلبي اول مره اخذ ابره و درب على عوار دوره بس لان ما قدرت اتحمل وصل لي الحوض العظم نفسه قام يعورني
و كثرة الباسكوبان مو زينه تسبب عقم
بس انا عطوني درب باسكوبان و قزو فيه ابره فيها دوا عن اللوعه

 

[malekatsabaa]

انا قبل الزوااج جذي لازم ابر .

وبعد الزواج صرت اخف بس هم فيه تعب .. الي اعرفه ان البسكوبان اشوي يخلي الدم يقل..نطري عليها اكيد بتنزل لا تحاتين ..

والله بشافيج ويرزقج زوج يخلصج من هالعواااار.

 

[برونزيه نعومه كتكوته]

انا قبل الزوااج جذي لازم ابر .

وبعد الزواج صرت اخف بس هم فيه تعب .. الي اعرفه ان البسكوبان اشوي يخلي الدم يقل..نطري عليها اكيد بتنزل لا تحاتين ..

والله بشافيج ويرزقج زوج يخلصج من هالعواااار.

حياتي و الله ,, بس انا متزوجه يا عمري :eh_s(1):

 

[noorq8]

عندج حبوووب كتفلام
اذا ما عندج ربووو يصرفج اياه الدكتوووور
وااااااااايد تريح هالحبة
و تقدرييييين تشترينها من الصيدلية
بس مثل ما قلتلج .... تقدريييييين تاااخذينها بسسسسس
اذا مااا فيج ربووووو
و ما تشووووفين شر 

 

[.. مـــلاكـ ..]

حبوبة
لا تروحين الطبيب
نصيحة شربي اعشاب وزعتر
وحدج راح ترتاحين
وما تشوفين شر

 

[Stylist]

ماتشوفين شر ياقلبي
والله انا مثلج والعن اول خاصه قبل الزواج استفرغ وحراره وبجي واغيب عن المدرسه كانت دورتي عذااااااااااب
بس امي كانت تقولي لاتروحين الطبيب لأن المسكنات مو زينه للدورة وكنت اتحمل
بس تدرين لما صرت اشرب نعناع او اي شئ دافي خفت حييييييييييييل وقمت ارتاح احسن من اول
جربي

 

[برونزيه نعومه كتكوته]

شكرن بنوتات خلاص ماكو الا اشرب هالاعشاب لان الحين قام ينزل علي مثل ماي و افرازات عزكم الله الدوره خربوطه لا زواج نظمها و لا تغير شي :\