الدورة مو راضيه تنزل !!

[{ انعم دفشة ~]

السلام عليكم

بنات انا اخذت حبوب مانع الشهر اللي طاف وخلصو يوم الثلاثاء .. والمفروض الدوره وانتو بكرامه تنزل علي يوم الخميس

ولحد الحين الدورة محتبسه وذبحننننني الصداااع منها..

باذن الله ناوية على اطفال الانابيب هالشهر وانطرها تنزل عشان ابدا العلاج.. فقلت ان شاء الله اللي يكتب لي الحمل من اول مره خل اخذ العشبة اللي قالو عنها بنات المنتدى (القشعه) عشان تنظفلي الرحم وجذي

المهم اخذتها الخميس الصبح و بعدها بساعتين تقريبا صار فيه افراز خفييييييف يدوب لمحته بني وكل شوي ينزل علي من امس

بنات تهقون من العشبة صار جذي؟؟ انا اول مره اخذها يعني ما تناسبني ولا عادي؟؟

وااايد خايفه وشسوي عشان تنزل؟؟

 

[الزيـــــ^^ـــــن]

رد : الدورة مو راضيه تنزل !!

مادري والله

الله يرزقج ويرزقنا

 

[انيقه جداً]

عندج موضوع ضحآوي الديره بقسم العروس

اسئليهاا بتفيدج

 

[om-s3oodi]

رد : الدورة مو راضيه تنزل !!

يا حسرتنا

آنا ما أخذت شي , والدورة 10 أيام مو راضية تنزل ..

وتحليل الدم من جم يوم إيقول ماكو حمل ..

تعبببببت ؟؟ والله شسوي ؟

 

[دو^ري^مي^]

سوي تحليل يمكن فيه حمل وايد يحملون عالمانع جربي منتي خاسرة شي

 

[مواصله]

رد : الدورة مو راضيه تنزل !!

انا تنزل يوم رابع من اتركهم يعني المفروض موعدها بكره صبري يومين ان مانزلت حللي وربي يكتب لك اللي فيه الخير

 

[يا عيون سمي]

اي يمكنحامل بس دربالج تاخذين شي اخاف موزين

 

[{ انعم دفشة ~]

تسلمووون خواتي

بس انا مو حامل متاكده من نفسي

الله يفرجها على كل متضايق

 

[ام دليار]

رد : الدورة مو راضيه تنزل !!

الله يفرج همك:yaaaaaarb:

 

[أحلى شمريه]

يمكن معك تكيسات

 

[{ انعم دفشة ~]

لاء الحمدلله مافيني تكيسات

 

[غرور وايل]

وعليكم السسلام ~

الله يرزقج بالذريه الصالحه ~

والله كريم ~

 

[سمو النفس]

رد : الدورة مو راضيه تنزل !!

الله يرزقج ويرزقنا :yaaaaaarb:

 

[ام مهرة 2009]

حبيبتي

انا كل مرة قبل ما تنزل الدورة تنزل علي الخيوط البنية جم يوم تالي تنزل الدورة

تدفي عدل
اشربي زنجبيل ودارسين
وساعات اقرا سورة الزلزلة وامسح على بطني بيد اليمين
امشي وتحركي
وادهني بطنج لو تبين جسمج كله بزيت زيتون دافي خصوصا ريولج <<صراحة مدري اذا له علاقة بدورة بس ارتاح عقبه لانها
تتعبني يالله تنزل الله ياجرنا ويعوضنا خير
الله كريم

 

[* ليــــدي *]

حبيبتي العشبه اللي ذكرتيها حذروا منها ترى مو زينه حتى بالتلفزيون تكلموا عنها انها خطره حيل ديربالج
وربي يعطيج اللي تبينه يارب ويحققلج امنيتج

 

[bnt_kwt]

رد : الدورة مو راضيه تنزل !!

اخذي الحبوب اللي تنزل الدوره

طريقتهم اذا في حمل يثبت واذا مافي تنزل الدوره

 

[Peony]

رد : الدورة مو راضيه تنزل !!

الله شنو هالحبوب هذي
؟؟
انا دورتي تاخرت جم يوم وحاسه اني مو حامل لان احس بالام الدورة
وماكو شي تتغير فيني الا ان قبل لا انام وانتو بكرامة تلوع جبدي الي اعرفة الي تحمل تلوع جبدها اول ماتقعد مو قبل لا تنام لوووول
الله يرزق الجميع بالذرية الصالحة يارب

 

[مس كادي]

ديري بالج
حتى الام الدوره تجي للحامل
الله يرزق كل محروم
اااااااااااااااااااااامين:yaaaaaarb:

 

[يتيمــــه]

الله يرزقج يارب

يمكن حامل

اعرف بنات واجد حملووو وهم ياكلون منع حمل
والعقشعه موزينهه

للحامل تنزله