الدورة مستمرة علي من اسبوع والدورة غريبة والدكتورة تقول انها ما نزلت عدل

[strawberryq8]

قوة بنات


شخباركم


هذه اول مرة تصير فيني

الدورة صارلها اسبوع علي
وتنزل خفيفة والدم لونه احممممممممر
وساعات في قطع

سوري واسفة اذا ضايقتكم بكلامي
بس ياربي
انا خايفة

ويوم الاحد تقريبا او الاثنين
رحت الدكتورة
على بوان 2يوم الدورة

فحصتني
وقالتلي ان الدم اللي ينزل علي مو دم دورة
وان بطانة الرحم لي اللحين سميكة
يعني الدورة ما نزلت علي

وعطتني حبوب
تنزل الدورة(قالت ان هالحبوب راح تقبض عضلا ت الرحم)وانا ما خذيتهم بصراحة
وسالت امي
قالت لا تاخذينهم
ما تدرين
يمكن حامل

الله كريم يارب

بس اللي خايفة منه
ان الام الدورة
ماحسيت فيها

والدم
مو دم دورة طبيعي

ساعات يصير دم دورة
وساعات لا
بس اكثر شي لا

ولا فيه صفات دم الدورة
من لون وريحة عزكم الله

اعتذر مرة ثانية على كلامي


بس خايفة


لا والمصيبة
ان الحين وانا اكتب الموضوع فيني دوخة مو طبيعية

ثاني مرة تصيرلي هالاسبوع

واليوم الصبح فيني لوعة خفيفة


لا تقولون حامل
مااتوقع
صحيح مافي شي بعيد على رب العالمين


بس ياربي
انا هرمون البروجسترون عندي تقريبا صفرررررررررررررررررررر

والدكتورة قالتلي اني لازم اخذ ابر
لان الحبوب
ما نفعتني كلش


بنات
قولولي انا شنو فيني؟؟؟؟؟؟؟؟؟؟؟؟



قولولي الصج
لا تخشون علي
عادي

وانا خايفة انني اكون صج حامل

لانني كنت هالاسبوع
حيل اتعب بالكلية اصعد الدور الثالث وانزل
واصعد وانزل



قولولي بنات

وسوري اذا ضايقتكم باي كلمة​

 

[كويتيه مذهله 87]

ان اشالله ياااربي حامل

ويمكن صار حمل بس متأخر

تدرين انا بنت خالتي كانت تيييلها كل شهر الدوره عاادي

لمن حست بخمول وقاللوها انتي حامل بالثالث وهي ما تدري تقول اشلون حامل وهي تييلي الدوره؟


صج اذا الله كاتبيلج الحمل راح تحملين يقلبي
ما ابعداختي مسكينه مثل الشي

تييلها كل شهر بس اخر دوره ظلت 20 يوم تخيلي وكل ماتروح الطبيب يسووولها سونار يقووولوولها ما فيج شي يمكن نزيف

وكان برمضان تقول اشلون يعني ما اصوم

لمن راحت حق فوزيه القطان وقالتلها انتي حامل خرج الرحم والبيبي عمره 4 تشهر


سبحان الله

كل شي مكتوب لج اذا حامل ان شالله يثبت بس ديري بالج من الدري

واذا مو حامل ان شالله يكتبلج الشهر الياي

 

[strawberryq8]

مذهلة
احبج بالله


مشكورة على الرد
حبوبة

 

[فوفه]

انشاءالله حامل ... بس نصيحتي لج جربي دكتوره ثانيه

 

[المهذبه]

الله يرزقج ياقلبي وكلام مذهله صحيح

 

[دنياالوله]

حبيبتي
ماودي اخرعج
بس لازم تسوين تحليل هرموني
انا نفسج
الدوره قعدت اسبوعين
وخلاص حسيت اني صفيت
والدوخه اف
لما رحت لدكتوري
على طول سوالي تحليل
هرمون
وطلعت حامل
وقالي لازم بعد 24 ساعه اعيد نفس التحليل
واشوف النسبه
@@
ولا النسبه نازله
قدر الله وماشاء فعل
وعطاني حبوب ىاللي تسبب انقباضات بالرحم
وبونستانت
والحمدالله
على
كل حال
علما انه انا فيني ضعف بالمبايض

 

[غيـ الناس ـر]

سوي تحليل وبشرينا

 

[strawberryq8]

للرفع

 

[m e m e]

سوي تحيليل بالبيت ترى مضبووط و يبين

 

[strawberryq8]

الله كريم

 

[Swan]

اختي هذي ممكن تكون اعراض حمل
سوي تحليل هرموني وتأكدي قبل لا تاخذين اي دوا
وعشان بعد تاخذين حبوب تثبيت اذا كنتي ان شاء الله حامل

بس انا مستغربه من دكتورتج
شلون تعطيج الحبوب قبل لا تطلب منج تحليل حمل

 

[Dloool_q8]

ان شاء الله تكونين حامل


بشرينااااااا

 

[@IRIS@]

سلام شلونكم؟؟؟؟
انا صراحه قريت الموضوع بس مستغربه وايد و ابي تفسير!!!
شلون تكون الوحده حامل و اهي فيها لدوره؟؟ و شنو يعني حمل بره الرحم؟؟؟!!!!!!!!!!

عفيه ابي الرد !!!!!

تحياتي

 

[strawberryq8]

والله انا نفسج


بس هذا الكلام امي قالتلي اياه
وقلتله لكم