الدورة الشهرية بعد الاجهاض

[faty87]

بنات انا اجهضت وانا حامل بشهرين واسبوع
ونزل علي دم وايد تقريبا اقل من شهر بشي بسيط
والحمدلله ما احتجت لعملية التنظيف
ابي افهم متى تردني الدورة
وهل من الممكن احمل قبل ما تييني الدورة
وحسب تجاربكم صحيح اللي ينقال الحمل فورا بعد الاجهاض يؤدي لاجهاض ثاني
واللي مرت بنفس تجربتي شنو عملتي حق النفسية التعبانة
بليييييييييييز ساعدوني​

 

[أأأميرة الورد]

الله يعوضج يااارب

بالحمل وبصحة وعافيه




ان شالله البنات يفيدونج

 

[ملاك الدهمشي]

حتى انا مثلج مووووعارفه وياليت البنات يفيدونا

 

[باربي22]

الحمد لله علي السلامه بس ديري بالج تحملني اللحين عالأقل روحي ٣أشهر لان العوار يجر العوار
والله يرزقج الذريه الصالحه

 

[faty87]

شكرا بنات عالردود بس ابي منكم تساعدوني بتجاربكم
للحين محتارة​

 

[ٱستۆطنت خٱفقهْ]

هلا واللھ


سسلامتڄ وماتشوفين شر

الدورة تجيج من وقت الاجهاض ٤ او ٦ أسابيـ؏


انا جتني بالضضبط تاريخ اليوم اللي اجهضت فيه


وبالنسبه للحمل ماسويت موانع اللهم خففت الجماع وقت التبويض وكنت اغسل بسرعه عقب الجماع


حملت عقب ٤ شهور حللت عرمون الحليب مرتفع


والحمدللھ ؏ـلې كل حال اجهضت مرھ ثانيھ


وكاني اتنفس عند اهلي


الله يرزقنا الذرية الصالحھ

 

[Koka_alotaibi]

هلا حبيبتي انا جتني الدوره بعد الاجهاض بشهر من اول يوم للاجهاض
واحسن شي سويتي انج مارحتي مستشفى دامج بشهرين بس
انا للاسف رحت مستشفى لما اجهضت لانه صار معاي نزيف
وطبعاً لعبوا فيني لعب حسبي الله ونعم الوكيل فيهم
لاني بعدها ماحملت لمدة ست سنين وتوني حملت بعد علاج ومشقه الله لايوريه لج
ولاتنسين تدعيلي الله يثبت حملي لاني استغفر الله كل يوم طلعتلي شغله
وبالنسبه للنفسيه اكيد بتتعب نفسيتج وهذا الشي موبيدج بس كثري دعاء
وقولي اللهم اجرني في مصيبتي واخلفلي خيراً منها والله يعوضج ان شاء الله
وبالنسبه للحمل على طول ماعندي فكره بس استخيري وكلي امرح لله
والله يوفقج ويعوضج ان شاء الله
واسمحليلي على الاطاله

 

[BeNt PaRiS]

والله انا بجر و نفس حالتج


توني اجهضت قبل اربع ايام


و اول حمل لي


ودي احمل على طول بس خايفه


يقولون نطري من 3 الى 6 شهور


والله ليلحين مادري

بس الحين ينزل معاي دم


كل يوم يخف


بس مادري متى يروح


انتي راح منج عقب جم يوم ؟


و تحسين تقوى رحمج ولا لا ؟

 

[faty87]

شكرا حبيباتي عالردود الحلوة
واقولكم عشان تستفيدون بعد الاجهاض بعشرين يوم وقف الدم
وبعد الاجهاض ب ستة اسابيع جتني الدورة الشهرية
والله يعوضنا خير عن اللي راح قولو امين

 

[أثير88]

الله يعووضج حبيبتي
انا اجهضت شهر٢وسويت تنظيفات والدورة نزلت بنفس
التاريخ اللي اجهضت فيه والدكتورة عطتني حبوب تنظيم دورة واكلتهم لمدة شهر عقب
الشهر تقريبا باربع ايام نزلت الدورة وكانت حيل متعبة وكنت ابجي منها ولما اجهضت قعدت عند اهلي ثلاث اسابيع
عقب رحت لزوجي بس كان الجماع خفيف وكنت على طول اغسل عقبه وزوجي كان يستخدم واقي
وعقب الدكتورة قالتلي ما في حمل لمدة شهرين عقب شهرين عادي على ما تتكون بطانة الرحم لان انا سويت تنظيفات
والحمدلله لك يا رب حملت اخر شهر خمسة والله يثبته ورحت لنفس الدكتورة وصرفت لي مثبتات تحاميل عن طريق المهبل
وحبوب دفاتسون وفوليك اسد اكلتهم لمدة ثلاثة اشهر والحين وقفتهم التحاميل والدفاتسون
والله يرزقج بالذرية الصالحة وعقبال ما تبشرينا بالحمل

 

[انا لها شمس]

والله انا بجر و نفس حالتج


توني اجهضت قبل اربع ايام


و اول حمل لي


ودي احمل على طول بس خايفه


يقولون نطري من 3 الى 6 شهور


والله ليلحين مادري

بس الحين ينزل معاي دم


كل يوم يخف


بس مادري متى يروح


انتي راح منج عقب جم يوم ؟


و تحسين تقوى رحمج ولا لا ؟

يالغاليه رحمج ضعيف بعده ماراح يتحمل حمل ثاني مباشره راح تتعب نفسيتج لوتعرضتي للاجهاض مره ثانيه


ع الاقل 3 شهووور لازم ترتاحين وماراح تحسين انتي ان رحمج تقوى ولابعده

الله يرزقج