الدورات والمكافأة ؟؟

[مدمنــــة قهــــوة]

السلام عليكم ورحمة الله و بركاته



ياا معلماااتنا حبيت اسأل واتمنى انكم تفيدوني .. جزاكم الله خيــــــــــــــر


هل الدورات التدريبية سواء الصباحية او المسائية اللي ياخذها المعلم >> عليهــا مكافــأة ؟؟

أنا سمعــت ان في قانون يقول ان المعلم اللي يطلع دورات صباحية او مسائية ياخذ مكافأة 1000 دينار تقريبا !!

>>>> الــزبدة <<<<

هــل في مكافــأة على الــدورات أو لأ ؟؟؟:eh_s(7):

وشكــــــــــــــــــــــــــرآآآآ :eh_s(17):



اللي ماتعرف الجواب ترفع الموضوع جزاها الله خير :eh_s(17)::eh_s(17)::eh_s(17):

 

[مدمنــــة قهــــوة]

بناااااااات 6 مشاهدات ولا رد !!!

يا ابلااااااااااات

يا معلمااااااااااااااات

اين انتن ؟؟؟؟؟؟

 

[كويتيه وافتتخر]

اب اب .. حتى انا ابي اعرف .. لاني سمعت بعد عليها مكافأة ماليه

 

[يارب نور حياتي]

انا بعد سمعت ياليت احد افيدنا

 

[moony77]

رفع علي جذيه اذا عليها مكافاه اووووو جم مره قصوا علي

 

[كويتيه وافتتخر]

بنات وينكم ؟؟ المشاهدات تزيد ولا احد رد ؟

 

[احلى ميمو]

اب اب اب

 

[eastfem]

ماتوقع لأنه الفائده تكون للمعلمه واعتقد تدخل في ملفها وعلى هالشي بيككون الفايده ماديه لها بكل اللاحوال لأنه بيضيف للتقرير مالها ... والتقدير بالنهايه .. وبالنات الخبرة بيفيدونج ان شاء الله

 

[اريج الجوري]

ما عليها ولا فلس حمر ،،،

اللي سمعتوه عن ال١٠٠٠ دينار مجرد اقترااااااح ،،،

فقط لا غير ،،،

تحياتي ...

 

[اريج الجوري]

اي وبعد احب ازيد قبل يناشبونا عشان ناخذ الدورات واللي ترفض تاخذ الدوره الله يعينها على ما يجيها ،،،


انا دايم ارفض الدورات مالي خلق اسبوعين وكل يوم ومن. ٥ لي ٨ ؟؟؟

شنو ما كو شغل ماعندي بيت ما عندي عيال ؟؟؟

اما اذا تنفذ قرار المكافاه الماليه للدورات ،،،

بتشوفونهم ينقون ربعهم الخاصين للدورات عشان ياخذون الفلوس ،،،

وبنصير احنا نطالب بالدورات ويكون الرد : ماكو مكان !! ما كو شواغر !!

واذكروها ...

 

[قلب راشد]

اب اب

 

[كويتيه وافتتخر]

الدورات اللي عليها ١٠٠٠ هاذي تجي من ديوان الخدمة المدنيه والدورات اللي احنا ناخذها تجي من التوجيه*

 

[ترف بابا]

الدورات ماااا عليها فلوس ومهمة للكويتية أكثر لانها تدخل تحت بند التنمية المهنية في تقريرج - وتساهم في حصولج ع الامتياز فقط .

 

[PuPa^^SWeeT]

^^^

مع ترف بابا

 

[eastfem]

يحق لي ارفض الدورات المسائية ؟

 

[جيتك تعال]

ما عليهاا فلووس ولا شي ....

الفلووس للي يحاضرون بس .... وان غبتي يومين خصمو راتب يوم من راتبك انتي

لا وما تحلالهم الدوراات الا في الجابرية الي طريقها وزحمتهااا تفجر القولون

 

[اريج الجوري]

صحيح كلامج جيتك تعال ،،،

اذا غبتي عن الدوره يحسبون انج غايبه عن الدوام بدون عذر وطبعا خصم من المعاش ومن معاش العطله مرتين يعني ينخصم يوم بدون عذر حتي لو جبتي طبيه ما يعترفون فيها ،،،

ولا عمري سمعت عن دورات من الديوان ولا عمري سمعت احد أخذ فلوس علي الدوره الا اللي يحاضرون فيها ،،،

والدورات كلها تكون العصر لعانه فيهم عشان تداومون الصبح والعصر والدورات في مدارس قديمه ولا فيها اي وسيله من وسائل الراحه ،،،

يا حسرتي علينا الوزارات الثانيه دوراتهم في فنادق والصبح ويأخذون عليها فلوس والحضور فلاتي وهالبوفيهات وهالسنع ،،،

يا حظي إحنا ليش كله مقرودين ؟؟؟؟

وبالنسبه للاخت اللي تسال تقدر ترفض الدوره او لا ؟؟؟

اي حبيبتي تقدرين ترفضين الدوره ولا احد يقولك شي ومن حقج ترفضين أنا ٨ سنين اشتغل وكل الدورات رافضتها عادي

صح بسندرون راسج بس لا تردين عليهم ،،،

تحياتي

 

[مدمنــــة قهــــوة]

@@

عاد انا غبت يوم كنت تعباااااانة صدري كحة ونشلة

ومشكوووورين كل اللي ردواااا عالموضووووووع

وجزاااااكم الله خيــــــــــــــــــــر