الدوام وعيال والمحاتات وعوار القلب ؟؟؟؟

[attoosh]

هاااا اه من هل السالفه اقسم بالله محد متعبني بهل الدنيا الا هل الموضوع انا عندي اسم الله عليهم ثلاثه التوام سنتين ونص والصغيره سنه ونص زوجي يطلع من الفجر الساعه 6 يروح دوامه يخلص ثنتين ونص وانا اطلع تسع وارجع ثنتين وانا ساكنه ابيت اهل زوجي وخالتي دايما طالعه وعمي ابو زوجي اكون موجود وساعات يطلع بس هم احاتي اعيالي فوق بشقتي لو صار شي محد دره عنهم كله احاتي قلبي اعورني والحضانات غاليه اقل شي 120 بالشهر لو بدخل ثلاثه جم ادفع وهم بصراحه الحضانات ما اثق فيهم ياما سمعنا بلاوي وانا حاطه خدامتين حق عيالي وادعي ليل ونهار ان هل السنه تمر على خير ويدخلون الروضه وارتاح من هل التعب والله احنا الامهات نعاني بنات شسوي قلبي ياكلني وكله متوتره ونفسيتي تعبانه لدرجة ساعات اتحسف يبت اعيال من كثر ما افكر حتى دوامي فكرت استقل بس ظروف الدنا متعبه لا تقولولي ركبي كاميرات لانه الخدم ما راح اقعدون بينحاشون شسوي فيدوني تكفون

 

[نبض السعاده]

الله يعينج ويحفظ اعيالج

 

[الأميرة جوري]

نزليهم تحت علشان يحسون في أي لحظه في احد من يدانهم يرد والله يحفظهم

 

[أم حمني المزيون]

كلنا نحاتي عيالنا بس قولي استودعت عيالي الله الذي لاتضيع عنده الودائع **** توج ع المحاتاة!!! اذا ياج التدريس شنو بتسوين ؟؟؟ اهنيه قمة التوتر بردي قلبج الحين وماعليهم شر ان شاءالله

 

[M!SS.LOBY]

الله يحفظهم لج ولا تشوفين مكروه فيهم

 

[نور دنياه]

الله يحفظهم بس انتي تكلمتي عن كل الحلول وانسب حلالكاميرا بعد شهالعذر الخدم ينحاشون ماتنحاش الا الي مو زينه لو زينه ماتخاف وواثقه من عمرها يعني انتي خايفه ينحاشون مو خايفه يسون بعيالج شي وقت الدوام !؟!؟

اناحاطه كاميرات بالعكس خافوا ازيد

 

[انصاريه قمره]

حطي كاميرات شكووو يتنحاشون شاكين باعمارهم ؟؟؟
في نظام كاميرا اللي تتوصل بتلفونج وتشوفينهم مباشر اخذيها علشان تطمنين

 

[M!SS.LOBY]

الله يعين

 

[مشتطـه]

اي والله الامهات كل حياتهم شقا والله العظيم محد يحس بالام الا اللي جرب

يا رب رضال والجنه

يارب عوضنا بجنتك

بعد انتي الله يهداج يبتي توأم جان صبرتي عليهم ليش تييبين وراهم على طول احس تعب اكثر

انا الصراحه عشان لا اشقى واتعب بخلي فترات بين عيالي مابي اييب ورا بعض

عالاقل واحد يشيل عمره والثاني نجابله

الحمدلله عالصحه
ماكو الا تنزلينهم تحت علشان بأي لحظة احد يدش عليهم مثلي انا كنت اخليه تحت
ليش اخليه بشقتي بروحهم

 

[Aloe Vera]

اول شي استودعيهم الله




ثاني شي حطي كاميرات و راقبي البيت من الايباد بس خلي الخدم يدرون ان في كاميرات
يعني مو تحطين من وراهم

 

[حظ من عنده انا]

الله يعينج

متى حسيت باحساسج لما كنت اروح مع بنتي الصبح للروضه او مادرست

يممه احس قلبي مو معاااي ابي ارد البيت ومااقدر اخلي بنتي بالروضه كل ماقلت ماما بروح قالت لا تروحين عني

بس استوودعيهم الله ونزليهم تحت واذا تقدرين خليهم وقت دوامج يكوونون نايمين

 

[الغلاااااا]

حبيبتي انتي محمله نفسج فوق طاقتها


الحظانه للطفل الواحد بحدود ٧٥ دينا وفي اغلب الحظانات يسوون خصم للاخوان


واذا ماتبين حطي كاميرات منو قالج ينحاشون الخدم بالطقاق اللي بتنحاش هذي فيها بلا قلعتها ابرك


انا مركبه كاميرات وخدامتي عندها خبر قلتلها عشان اشوف بيبي وانا بالدوام وعادي ماقالت شي


ومع هذا دخلتهموحظانه عشان يستفيدون ومايروح وقتهم كله بالبيت


حبيبتي بالبدايه تحسين ضغط وهم ولا السالفه سهالات والله العظيم الحين اضحك على نفسي شلون كت حييييل موسوسه وشايله هم واحاتي انزلهم تحت عند خالتي ولا شي اخر شي قلت الله لايحدني لاحد ادخلهم حظانه


وركبي كام عشان بنتج الصغيره اذا ماتبين تدخلينها مع اخوانها