الدوالي والشرايين الرفيعه

[مشاعل البحرين]

حبيت اسألكم خواتي
من تعاني من دوالي الساقين او الشرايين الرفيعه
من لقت علاج لهالمشكله
او اتبعت شي وخفت عندها
شنو جربتي او سمعتي
عن وصفات

من سمعت عن دكتور يعالجها
اي شي تكفون
الي تعرف اي شي ياريت تفيدنه
وتذكر تجربتها



انا اعاني منها من 10 سنين وكل مالها الدوالي تبان اكثر
مع اني رياضيه ومحافظه ع غذائي و و و


بس المشكله انها وراثيه عندي طلعت لي من
يوم ماكنت في بدايه العشرين

استخدمت الخل كنت اساسا اشربه عشان اخس يعني لو كان يفيد شربه للدوالي والشراين كان نفعني

واستخدمته دهان لها بعد ماكو فايده
دورت في البحرين ع عياده او دكتور ماكو
زرت اخصائي في مستشفى السلمانيه قال لي الدوالي الي فيج ماتعد مشكله
احنه ندخل في الحالات الاكبر ورواني صور
مثل الي في الوالده الله يحفظها الدوالي مره كبيره وبارزه ع بره


انا الي فيني كل ماله يكبر واختي بعد لونهم اخضر ع مزرق عباره عن عرقين في كل فخذ ورى بين البطه والفخذ وشرايين حمر عند الركب


والشي الي يضايق وقت الدوره الم قوي فيهم

ارفع رجولي ع فوق وماالبس كعب دوم
ماكو فايده

تكفون الي تعرف اي شي بخصوص هالموضوع لاتبخل علينه خلونه نعرف تجاربكم او معلوماتكم

الله يجزاها الخير الي بترد ويجعل الجنه دار لها في الآخره:yaaaaaarb:​

 

[بنت ال18]

ماتشوفين شر يااارب

اخت رفيجتي عروووووس وسوت علاج جلسات ليز للساقين وبطن الركب لان فيها شراييين خضرا بارزه ولونهم واضح << ماادري اذا دوالي اولأ لكن اذكر كل بطن سيقانها وركبها خطوط خضرا

رفيجتي تمدحها تقول خفوا عن اول حيييييييييييييييييييييييييييييييييييييل والبعض اختفى

اهي تعالج بدار الشفا بس ماادري منو الدكتور ولا شنو نوع جهاز الليزر


أب لعيووونج يابنت البحريييين وان شاء الله البنات يفيدونج

 

[حصووونه]

حبيبتي رفيجتي توها عالجتها في رويال حياه تقنيه جديده
دكتور سعودي زاير يشيلهم عن طريق حقن ماده بالدوالي تحرك الدم المتجمع مااسالتها شصار معاها تالي بس قالت لي راحت وسوتهم

 

[مشاعل البحرين]

ماتشوفين شر يااارب

اخت رفيجتي عروووووس وسوت علاج جلسات ليز للساقين وبطن الركب لان فيها شراييين خضرا بارزه ولونهم واضح << ماادري اذا دوالي اولأ لكن اذكر كل بطن سيقانها وركبها خطوط خضرا

رفيجتي تمدحها تقول خفوا عن اول حيييييييييييييييييييييييييييييييييييييل والبعض اختفى

اهي تعالج بدار الشفا بس ماادري منو الدكتور ولا شنو نوع جهاز الليزر


أب لعيووونج يابنت البحريييين وان شاء الله البنات يفيدونج

تسلمين يالغاليه بس وين هالعياده يالغاليه انا اقدر الين الشرقيه اذا ابعد صعبه ياليت تخبريني المنطقه وين

 

[مشاعل البحرين]

حبيبتي رفيجتي توها عالجتها في رويال حياه تقنيه جديده
دكتور سعودي زاير يشيلهم عن طريق حقن ماده بالدوالي تحرك الدم المتجمع مااسالتها شصار معاها تالي بس قالت لي راحت وسوتهم

اي اي انا هذا العلاج الي ادوره شايفته في ابوظبي وفي ذا دكتورز يحقنون العروق بماده وسبحان الله العرق تدب فيه الحياه هههه يتغير لونه عجزت وانا اسال في البحرين ماعندهم هالتقنيه ياليت تقاصيل اكثر منج الله يرحم والديج وين العياده ورقمهم او كم سعر العلاج اي شي يالغاليه

 

[مشاعل البحرين]

وينك ياحصوونه او اي وحده تدل هالعياده وين اروح لها

 

[حصووونه]

اقولج الدكتور زاير بمسشتفى رويال حياه شسمه مادري والله دقي على رويال ساليهم 25360000 هذا رقمهم ساليهم في دكتور زاير قبل فتره جايكم يعالج الدوالي بالحقن وبيعطونج اسمه وكل شي