الدمعه المغروره

[احكي يا شهرزاد]

السلام عليكم بنات شلونكم ان شاء الله بخير انا مستانسه وايد لاني شفت وايد تشجيع منكم بعد روايتي الثالثه ( لعنه صديقه ) وان شاء الله روايتي الرابعه تعجبكم :yaaaaaarb: واهي مختلفه تماما عن رواياتي اللي طافو وراح تشوفون هل شي والحين اخليكم مع روايتي ( الدمعه المغروره )


لا احلل لاي شخص ينسخ روايتي





عندما يكون الشخص مغرور ويعتز بنفسه بلا شك ستكون دمعته مغروره كصاحبها

 

[princess roro]

~

هيآآآآآآآآآآآآآآآآآآآآ

آآنآ آآول ووحده ترد عليج ...!

يلآ شهرزآد نآآطرينج مع آلبآآرت آلآوول حبيبتي ..!

~

 

[احكي يا شهرزاد]

الدمعه الأولى


قبل عشرين سنه

جامعه الكويت ​

كان يوسف ناطر برا الكلاس ينطر دانه على احر من جمر وطلعت دانه وخترعت يوم شافت يوسف

دانه : يوسف الله يهداك شفيك واقف جذي لو احد شافنا شنو راح يقولون

يوسف : انا شعلي منهم المهم اليوم خليج يم التلفون ابيج ضروري

دانه : خير يوسف في شي

يوسف : اي شي مهم حيل

دانه : خلاص ساعه جم

يوسف : على ساعه 8

دانه : صار

يوسف : ديري بالج على نفسج وعلى طول روحي البيت ماكو يمين ويسار

دانه ابتسمت وراحت سيارتها


يوسف : عمره 21 سنه قاعد يدرس هندسه معماريه واهو طويل وعريض المنكبين شعره اسود مثل سواد الليل وعيونه كبار ولونها عسليه فاتحه وتقريبا كل بنات الجامعه يحبونه واهو من عايله غنيه


دانه : عمرها 20 سنه نفس تخصص يوسف واهي شوي قصيره ومتحجبه شعرها قصير ولونه بني فاتح حنطاويه وعيونها ناعسه ولونها بني غامج ومستوى عايلتها متوسط

بيت دانه


ساعه 8 ​

رن تلفون البيت وعلى طول دانه شالت التلفون لان تدري ان يوسف داق


دانه بصوت يرجف : الو

يوسف يضحك : شفيج خايفه جذي

دانه : ما ادري يوسف اليوم خرعتني وقلت في شي مهم يالله قولي ترى حدي مخترعه

يوسف مات من الضحك : لا شفيج جذي مخترعه لا تخافين دانه عقب تخرجي ابي اتزوجج شقلتي

دانه انصدمت ونزلت دمعه فرح : شنو يوسف انا انا

يوسف : دانه انا احبج وابيج تكونين مرتي وام اعيالي

دانه : انا موافقه يا يوسف احبك وايد

يوسف : وانا بعد

سكرت التلفون واهي حدها مستانسه للحين تذكر اول يوم شافته كانت سيارتها بنجرت وكان الجو حده حااااار وقعدت تنطر ليمه يه يوسف وسوه سيارتها وعقبها شافته في الجامعه وحبته من ذاك اليوم

في بيت يوسف

عقب ما خلص من التلفون راح الصاله

ابو يوسف : شخص طبيب وايد واهم شي عنده وناسه اعياله ويحبهم وايد ويعصب اذا تضايق واحد من عياله واهو صاحب شركه اكبر عقارات في الكويت

ام يوسف : عكس ابو تماما تحب تحكم في عيالها وتبي كلمتها اهي اللي تمشي بس بو يوسف دايما يعارضها


في الصاله

يوسف : يما يبا ابيكم بموضوع مهم

الام والابو : خير ان شاءالله

يوسف : انا ابي اكمل نص ديني

الام : صج ياوليدي زين زين عاد انا عندي لك خوش بنت حسب ونسب وجمال

يوسف : لا يما انا في بنت في بالي راح اخذها

الام قامت واهي معصبه : يعني شنو ؟؟؟؟؟

يوسف : انا ما راح اخذ غير هل بنت

الام : شنو حريمتك تاخذها

الابو : شنو انتي نسيتي ان في ابو موجود اهني

الام اسكتت عقب هل كلام

الابو : يوسف يبا تخرج ويصير خير

سكت يوسف وراح داره

 

[احكي يا شهرزاد]

حبيبتي والله واذا تبين بارت ثاني انزله علشان خاطرج حبيبتي

 

[princess roro]

~

آبششرج من آلححين كرهت آم يوسف

وآنشآآلله يتزوجهآآ ..!

ونآآطرينج مع آلبآآرت آلثآآني حبيبتي ..!

~

 

[FooFoony]

موووفقه حبيبتي
بدايتها حلووه

نااطريين البارت الثاانييي

 

[جوري ستايل]

يعطيج العافيه كملي بليز

 

[مسك الوليد]

وااااااااااااااي أآآنا متحمسه ع البارت الثااآآني

 

[Miss Dodi]

البداية مشوقة

ننطر البارت الثاني

موفقة خيتو

 

[احكي يا شهرزاد]

ان شاء الله حبيباتي والحين راح انزل البارت الثاني

 

[احكي يا شهرزاد]

الدمعه الثانيه


بعدها بيوم


بيت يوسف


​

قام يوسف من نوم وحده ماله خلق من عقب كلام امه نزل يوسف ولقه اهلها كلهم هناك


يوسف : صباح الخير

الكل : صباح النور

الام كانت معصبه من يوسف

حمد : ها يوسف صج اللي سمعته

يوسف : شنو اللي سمعته

حمد : يقولون انك راح تتزوج صج هل حجي

يوسف : اي ان شاء الله

حمد يضحك : شلك بعوار الراس ويه الزواج مسؤليه

يوسف : اي تبيني اقعد عزوبي مثلك ويع هذي عيشه

الام بعصبيه : بس سكتو نبي نتريق

حمد يساسر يوسف : اقول الوالده شفيها ؟

رد يوسف : مو عاجبتها البنت اللي ابيها

حمد : اهي شافتها ؟

يوسف : لا وسوت قصه على فاضي

حمد : ماقول الا الله يعينك

الام : يوسف يالله روح الجامعه

يوسف حتى ما كمل ريوقه

راح يوسف

الابو : انتي وبعدين معاج شفيج يالله صباح خير

الام : انت شفيك كل ما اكلم اعيالي انت تعصب

الابو : مالج شغل فيهم وبس عاد عن حنه هل بيت كله مشاكل وصراخ ومنو صاحب هل الصراخ انتي

الام : اي طلعني انا الغلطانه واعيالك فيهم الغلط

الابو : انا اقول بروح الدوام احسن علشان اشوف حلالنا يالله يا حمد انروح

حمد : ان شاء الله

حمد : عمره 25 سنه يشتغل مع ابوه في شركته وتقريبا يشابه يوسف بس اللي يميزه غمازته وشخصيته مرحه بس وقت الشغل يكون انسان ثاني

في الجامعه ​

وصل يوسف الجامعه وحده معصب بس يوم شاف دانه هدا وايد

دانه : يوسف شفيك ويهك معصب

يوسف ابتسم : كنت معصب بس يوم شفت ويهج ارتحت وايد

استحت دانه

يوسف : يازين اللي يستحون

بصوب ثاني مجموعه بنات يسولفون

البنت 1 : ابي على شنو يحبها من زين ويها

البنت 2 : آه ياحرت قلبي على يوسف اخ حاولت معاه بس ما عطاني ويه

البنت 3 : حبيبتي هل اشكال اهم لهم الحظ بس احنا خلينا انجابل بعض افففف

في الكلاس ​

يوسف يكلم روحه : امي ليش جذي اف كل شي تبيه على مزاجها

المحاضر : يوسف يوسف

يوسف بصدمه : نعم نعم

المحاضر : انتبه على المحاضره لا تسرح وايد

يوسف : ان شاء الله

وخلصت المحاضره

دانه : يوسف انا بروح البيت انتبه على روحك

يوسف : ان شاء الله

بيت دانه


ام دانه : طيبه وايد وعلى نياتها وافقدت ريلها ولدها عقب التحرير كان مع المقاومه

دانه : السلام عليكم يما

ام دانه : هلا يا بنتي شلون الجامعه

دانه : الحمد الله

ام دانه : شدي حيلج حبيبتي ابيج ترفعين راسي

دانه : اكيد يما لا تخافين انا وعدت ابوي الله يرحمه كان حلمه اصير مهندسه

ام دانه : الله يرحمه اهو واخوج

دانه : يما ان شاء الله تشوفيني مهندسه وعروس بنفس الوقت

ام دانه : ان شاء الله يما

 

[احكي يا شهرزاد]

ان شاء الله يعجبكم البارت تبون بارت ثالث

 

[برنسس أوراق]

رووووووعه البارتين.. بدإيه موفقه.. الى الامام شهرزاد

 

[احكي يا شهرزاد]

حبيبتي اواراق خريفيه على متابعتج والحين اخليكم مع بارت

 

[احكي يا شهرزاد]

الدمعه الثالثه ​

في نفس الوقت

في شركه ابو يوسف


قاعه الاجتماعات ​

ابو يوسف : مثل ما قتلكم ابي هل موضوع يخلص بسرعه ما نبي اي تأخير

الكل : صار ان شاء الله

الكل راح وبقى ابو يوسف وحمد

حمد : اقول يبا شفيها امي على يوسف على طول قالت لا حتى ما شافت البنت

ابو يوسف : بعد ما تعرف امك خلها تولي زين والله لوما غلاتكم جان طلقتها من زمان

حمد بقلبه : الله يعينك يا يبا اه واحنا بعد الله يعينا


كان يوسف يكلم دانه

يوسف : دانه مابقى شي واتخرج وتصيرين مرتي

دانه : انا قاعده انطر هل يوم قبلك يا حبيبي

يوسف : اللللله انا ما اقدر حرام عليج رحميني شويه

دانه تضحك

وبعد مرور شهرين


بيت يوسف
​

يوسف : يما من باجر ابيج تخطبيلي دانه

ام يوسف : شنو اروح اخطب ؟

يوسف : البنت اللي ابيها

ام يوسف : ماني رايحه

يوسف : يما يعني شنو ؟

ام يوسف : يعني ما ابي البنت ما ابيها ومو عاجبتني من اول

يوسف : يما انتي ما شفتيها علشان تكريهينها

ام يوسف : اي انا ما حبيتها

دش ابو يوسف

ابو يوسف : شفيكم صراخكم واصل لي برا

ام يوسف : يبيني اخطبها البنت اللي يبيها وانا ماني رايحه

ابو يوسف بعصبيه : شوفي عاد ان ما رحتي وخطبتي البنت والله اطلقج بس عاد تحكم بعيالج شنو هل عيشه

ام يوسف اسكتت وما تكلمت عقب ما سمعت كلمه طلاق رضت للامر الواقع

ام يوسف : الاسبوع الياي راح اخطبها لك

يوسف حده استانس وما صدق اللي سمعه وراح باس راس ابوه وراس امه والفرحه مو شايلته

حمد : الف مبروك والله تستاهل

يوسف ركض حق اخوه ولمه حيل : مشكككككككككككككووور

 

[برنسس أوراق]

ونااسه أنا أول وحده أرد.. رووووووعه البارت مثل صاحبته..ويوسف حبيته حيللل

 

[احكي يا شهرزاد]

حبيبتي والله راح تحبينه زياده وراح تكتشفين هل شي

 

[Miss Dodi]

واااااو البارتين روعة

و بصراحة ام يوسف هذي ما عجبتني

و يوسف يا حليله بيتزوج دانة

روايتج روعة مثلج

ناطره البارت الياي

 

[احكي يا شهرزاد]

حبيبتي miss dodi مشكوره على ردج الحلو وعلشان خاطرج بنزل بارت

 

[احكي يا شهرزاد]

الدمعه الرابعه

​

صار اليوم اللي فيه خطبه دانه وكان يوسف حده مستانس راحت ام يوسف مع اختها ام عبدالرحمن علشان يخطبون دانه

ام عبدالرحمن : عكس اختها تماما طيبه وحبوبه حييييل وتحب يوسف بشكل مو طبيعي يعني دلوعها بمعنى اصح

بيت دانه ​

دانه البست نفوف قصير سكري ناعم حيل ومكياجها نفس لون نفنوفها وسوت شعرها تسريحه ناعمه وقعدت امها تبخرها وتعطرها ونزلت الام عند الحريم وكانت دانه حيل متوتره وعقبها نزلت عند الحريم

في الصاله
​

ام يوسف تتكلم واهي مالها خلق : دانه جم عمرج

دانه : عشرين سنه

ام يوسف : شنو تدرسين

دانه : انا بكليه الهندسه وادرس هندسه معماريه هذا كان حلم ابوي الله يرحمه

ام عبدالرحمن : الله يرحمه ابوج بطل من ابطال الكويت يا حبيبتي وان شاء مثواه الجنه

ام دانه ودانه بنفس الوقت : اللهم امين

ام يوسف : ولدي برا انخليه يدخل

ام دانه : حياه الله

في نفس الوقت

يوسف يمشي يمين ويسار وحده متوتر وكان يطالع الساعه ويطقطق بريله ليمه يت خالته نادته دش يوسف واول مره يشوف دانه من غير حجاب قلبه دق بسرعه قعدوا في زاويه ثانيه من الصاله

يوسف : ما توقعت انج حلوه جذي

دانه : ليش انا مو حلوه من قبل

يوسف : لا حلوه ونص بس اللحين انتي احلا بوايد اه يا قلبي

دانه استحت حيل

يوسف : اموت بلي يستحون


وبعد اتفاق العايلتين اتفقو على حفله ملجه صغيره وعقبها يسافرون

مر شهر

في مطار الكويت
​

كانو الاهل كلهم في المطار علشان يسلمون على المعاريس

ام دانه : ديري بالج على روحج حبيبتي

دانه : لا تخافين يا الغاليه

يوسف : مع السلامه يما وان شاء تكون شقتي جاهزه اول ما رد من السفر

ام يوسف : لا تحاتي

ابو يوسف : دير بالك على روحك

يوسف : ان شاء الله يبا

حمد : ما يصير ايي وياكم

يوسف : انت شتبي امناشبني

حمد : هاهاها لا تعصب جذي قاعد اتغشمر وغمزله

يوسف : دير بالك على امي وابوي

حمد : ان شاء الله لا تحاتي

وسمعو نداء طيارتهم وركبو الطياره اللي رايحه بريطانيا