الدلوعه تصلح لزواج ولا لا

[غرررشوبه]

الكثير من الفتيات ( وليس الكل ) يعيشون في حضن الاهل في دلال ابوي مفرط
حيث طلباتهم اوامر وامنياتهن تتحقق..


لكن هل يصدمن عندما يغادرن بيت الاهل الي بيت الزوجية ؟؟


الزواج مسؤولية .. حياة تستلزم العطاء قبل الاخذ
وهو امر لا تستطيع فعله المدللة التي تربت على ألاّ يرفض لها طلب ..!!

مثل ما نجد بعض البنات تقول انا لا ادخل مطبخ ... انا ما تزوجت عشان أكون خدامه وغيره ......الخ
ونسمع دائما كلمه عندنا خدامه ..!!


فماالذي ينتظر المدللة في بيت الزوجية ؟؟
أهي مؤهلة لتصبح زوجة ؟؟
ام دلال الاهل افسدها مما يحول حياتها وحياة زوجها الي جحيم ؟؟
وهل ممكن أن تتغير وتتأقلم بعد الزواج ؟؟
ام انها ستبقى كما كانت ببيت أهلها ؟؟



أرجو التفاعل .....
((صراح انا وحده منهم مااشتهي دخلة المطبخ مو لي))
فاانفع او لا؟:bbbiu::bbbiu:​

 

[dalo0o3ah_kw]

مشكوورة على الموضوع

اول شي اتوقع بعد الزواج كل شي يتغير لما تقعد مع ريلها وتشوف الحياة الجديدة لابد تكون في صدمة بالبداية بعدين راح تتغير 180 درجة
انا وحدة من الدلوعات بس تعالي شوفي الحين الي يشوفني اركض ورا عيالي يقول هذ ماعرفت الدلال ولا الموضة قبل غير والحين غير
والله كريم الي اعرفة ان الدلوعات اهم الي يتأقلمون اكثر من البنات العاديات وسمعت هالكلمة وايد

ويعطيج العافية​

 

[.،:"$الـعـوبــــة$":،.]

اغلبية البنات يكونون عند اهاليهم مدلعات وحيييل بعد ،
بس بعد الزواج يتغيرون ،
اعرف بنات قبل الزواج الكل يقول هذي شلون تقدر تشيل مسؤولية ،
وطلعت راعية بيت وسنعه ،
وبنات قبل الزواج مكروفات ومديوس على رووسهم عند اهاليهم ويطبخون ويكرفون ،
وبعد العرس رفله والكل ناقد عليها،
يعني انا اتوقع ان اللي عندها احساس بتاقلم على وضعها واللي ماعندها احساس الشكوى لله ،:bbbiu:​

 

[نفهمها صح]

علي
حسسسسسسسسسسسب
بعضهم ودج تقصيين رقبتها
وبعضهم وودج تحطينها علي راسج من سنعها
والي انا وانا عند اهلي تجلسس عند اهله انا اوول وحده مبي حق عيالي نفسس شكل​

 

[~{Danon}~]

حسب كل وحده و نظرتها للزواج ,,, في بنات تلقون نظرتهم انه الزواج دلع و دلال فـ ما اتشيل عوود بالبيت سواء مدلعة او مكروفة في بيت اهلها ,,, بسـ اللي شقته بـ الواقع انه البنت الدلوعة اتصير سنعة بعد الزواج ,, و المكروفة في بيت اهلها تقلب رفلة

 

[أم توتو]

وايد بنات عند الاهل مايشيلون عود بس عند الريييل غييييييير الطباخ والنظافه والدلال كل له

 

[فوووفووو&]

هاي حياتى امممم انا ما ادخل المطبخ بشكل يومى بس اعرف كل شى واحب تكون عندى معلومات عن كل شى امممممم وشفت بنات فى بيت اهلهم مايعرفون يسووون البيض وعند ازواجهم تعلمووا كل شى وتشيل يوم وتطبخ لحمولتها

 

[منو انت]

مافي شي اسسمه دلع ودلال وقت الصج والله تحصلين الوحده فيهم عن عشر بس تدرين الوحده عند اهلها ضروري تشبع من النوم والكسل بس طبعا على نظافه بس بعد الزواج يوووه تشوفينها شحلاتها وبخصوص اللي عند اهلها مكروفه اعرف وحده من هالنوع قبل عند اهلها صايره طباخه البيت حتى الذبيحه تسويها ولما تزوجت يامااما ماتعرف تسوي بيض مسكينه من نقص لكن الواثقه من حالها لا والله تسوي وبالعكس هالشي حلووووووووووو

 

[الغنج والدلع]

والله انا الصراااحه اكره شي عندي المطبخ والطبخ ماادري اشلون اذا تزوجت بدش المطبخ وييع الله يعيني من الحين احاتي هالموضوع

 

[Tom ♥ Jerry]

،


الزوآج يبيله مجآبل و مو 24 ساعه طلعه
يبيله تدخلين المطبخ حتى لو مآ تحبين
يبيله تجآبلين عيال وريل و بيت
الدلع حلو و مطلوب ، لكن هم المره السنعه الي تحافظ
على بيتهآ و ريلها مطلوبه (=
الريال يحبون المره الي يتكلون عليها
مو دلع × دلع و الصراحه الي متدلعه و مآ ترضى تسوي شي
هاذي وحده مآ تنفع حق الزوآج
الزوآج مآهو لعب يوم و لا يومين .،
الزوآج عشره عمر فيه مشاكل و بلاوي و اسرار و حياه يديده
لازم المره تكون قد المسؤوليه ؛*

 

[شوشو الشقيه]

يسلمو اختي من قالج الدلوعه لا تطبخ ولا تنظف
بالعكس لا يوجد عندها مشكله في تنظيف ولا طباخ
انا كنت دلوعه سابقا والان انظف واكنس وعادي

مشكله الدلوعه في علاقه الزوجيه
هي تطلب اهتمام ورعايه اكثر من المراه العاديه
اهتمام الزوج لها ولمشاعرها واحاسيسها
وحتى الحب تكون محتاجه اكثر من المراه العاديه
فلو حصلت زوج جاف المشاعر مشكله
واايد هي تتعب نفسيتهاااااااااا وتاثر طبعا في علاقتهم مع بعض
فهي تعودت في بيت اهلها على الحب والاهتمام
مثلا بعض الازواج يتعذر بانشغاله الدائم عن العمل
فالدلوعه تحسينها تحس بعدم اهتمام الزوج فيهاااااااااا
وانه لا يحس فيهااااا فياثر في عطائها معاه
او بعضهم يعطي اهتمام لهواياته اكثر من المراه او زوجته
كهوايه المباراة
معامله الدلوعه تختلف يحتاج من الزوج حب اكثر واهتمام اكثر منه

 

[F A R A W L A]

،


الزوآج يبيله مجآبل و مو 24 ساعه طلعه
يبيله تدخلين المطبخ حتى لو مآ تحبين
يبيله تجآبلين عيال وريل و بيت
الدلع حلو و مطلوب ، لكن هم المره السنعه الي تحافظ
على بيتهآ و ريلها مطلوبه (=
الريال يحبون المره الي يتكلون عليها
مو دلع × دلع و الصراحه الي متدلعه و مآ ترضى تسوي شي
هاذي وحده مآ تنفع حق الزوآج
الزوآج مآهو لعب يوم و لا يومين .،
الزوآج عشره عمر فيه مشاكل و بلاوي و اسرار و حياه يديده
لازم المره تكون قد المسؤوليه ؛*

نفس الحجي:eh_s(22):

 

[وحدة كويتية]

الدلوعه ما تصلح لا لزواج ولا لتربيه الجهال شلون تبي تدلل وتنام على راحتها وتبي احد يدللها والبيت والزوج يضيعون
انا اقول تقعد ببيت اهلها مدلله احسن لها من انها تزوج وتهيت الزوج والجهال اللي مالهم ذنب
بسبه ان امهم كسوله وتبي الدلال والدلع

 

[الاسطورية]

الوحده عقب الزواج تقلب ريال باختصار

 

[بطاطا]

المثل يقول / اخذ المدللـه و لا تاخذ المعللـه

يعني

المدللـه شبعانة و شايفة خير و لما تتزوج بتقوم بزوجها و بتسوي الشي اللي ما سوته ببيت اهلها و من طيب خاطر و بالعكس هالحياة اليديدة بتكون شي حلو لانها تجربة ما عاشتها في حياتها و شي يديد عليها

اما

المعلله شايفة الويل فبيت اهلها و تعاني من الشغل و الكراف و التعب فلما تتزوج يكون الزواج طريقة للهروب من حياه بيت اهلها و بجذي تِعِل الريال و تتعبه معاها و لا تجيس عود و بس تتطلب و تبي باختصار جنها مو شايفة خير



فاخذوا المدللـه و لا تاخذون المعللـه


ملاحظة: انا اقول اللي تكرف وتشتغل فوق الحد المعقول يعني مو اللي تسوي اشياء عادية لاااا اللي تسوي اشياء فوق طاقة البنت ​

 

[فوووفووو&]

المثل يقول / اخذ المدللـه و لا تاخذ المعللـه ​

يعني​

المدللـه شبعانة و شايفة خير و لما تتزوج بتقوم بزوجها و بتسوي الشي اللي ما سوته ببيت اهلها و من طيب خاطر و بالعكس هالحياة اليديدة بتكون شي حلو لانها تجربة ما عاشتها في حياتها و شي يديد عليها ​

اما ​

المعلله شايفة الويل فبيت اهلها و تعاني من الشغل و الكراف و التعب فلما تتزوج يكون الزواج طريقة للهروب من حياه بيت اهلها و بجذي تِعِل الريال و تتعبه معاها و لا تجيس عود و بس تتطلب و تبي باختصار جنها مو شايفة خير ​

فاخذوا المدللـه و لا تاخذون المعللـه ​

ملاحظة: انا اقول اللي تكرف وتشتغل فوق الحد المعقول يعني مو اللي تسوي اشياء عادية لاااا اللي تسوي اشياء فوق طاقة البنت ​

عجبنى رايج :rerrerek: وكلامج :eh_s(15): ثانكس حياتى

 

[غرررشوبه]

يسعدني مرورركم
وتعليقاتكم اعجبتني خليتوني احس ان الدلوعه لها فايده

 

[توتا الكتكوته]

ياخذ اللي يبي ياخذه المهم تكون قد المسؤووولية
​

 

[yam_yam]

كل شي نصيب
ياما دلوعات مع الزواج تحملوا المسؤوليه

 

[دلوعة أبوهآ]

ممكن الدلوعه تتغير بعد الزواج وتصير أحسن من اللي كانت تتحمل مسؤولية بيت اهلها ..
بس هالشي ماينطبق ع كل البنات ..
كل وحده وحسب تربية اهلها ولها وكل وحده وحسب عقلها وتفكيرها


يعني اعرف وحده دلوعه وتحسب الزواج بس لعب ووناسه
ولما تزوجت ماعجبتها الحياه وتطلقت من أول شهر .!!

هنا الغلط في تربية اهلها لها وفي عقلها وتفكيرها السطحي ..