الدكتور مازن العيسى

[Q8tya_GirL]

السلام امهات

حبيت اعرف وين صايره عيادة الدكتور مازن العيسى

واشرايكم فيه علاجه ؟؟

وبليز اللي عندها رقم عيادته اتحطه لي
واكون شاكرتلكم وايد

 

[القرآن ربيع قلبي]

رقمه مو عندي الحين واهو استشاري كبير ورئيس وحدة الاطفال بالصباح وفاهم بس يعالج بالتدريج مو راعي ادوية كثير وفاهم ومارة عليه حالات الدنيا والدين والعيادة بخيطان ودقي قبل لا تروحين لانه يسافر دائما وحاط دكاتره بداله ما اعرفهم الصراحة

 

[noonoo]

حبيبتي تحصلينه بالاميري اخذي موعد منهم اهو يمرهم يوم بالاسبوع ترا واااايد شاطر وفاهم ماشالله عليه

 

[مزون203]

هذا الرقم 4747004
ادعي الله يشفي بنتي

 

[Baby^Bop]

أحسن دكتور جربته حق ولدي ماشاء الله عليه حيل هادي ويعطي من قلب وما يحب يعطي مضاد للياهل ولا يكثر بالادوية جربت وايد دكاترة حق ولدي ( معاه حساسية بالصدر ) وما نفع وياه الا علاج دكتور مازن الله يطول ابعمره ... غير هذا الي عجبني فيه ان لما يفحص الياهل يشرح لج شنو حالته بالضبط ( يرسم بورقة بعد ) عشان اتعرفين عدل شنو الي يعور ولدج خاصة اذا كان اصغيرون ما يقدر ايعبر .

بس نصيحة دقي تأكدي انه موجود مو دكتور ثاني بعدين روحي امبجر الساعه 3ونص تقريبا عشان تاخذين لج رقم لان زحمه وايد مرات انا اروح قبل 4 بعشر دقايق بس ما احصل رقم
وماتشوفون شر ان شاء الله

 

[q.u.e.e.n]

4747003 هذا رقم عيادته بعد

 

[لؤلؤية]

اهو تخصصه مواليد وخدج...
بس انا اشوف يهال كبار عنده

 

[فديت قلبهم]

الله يعافيكم أمهات ابي وصف عيادته بالضبط لأني ماادل عدل بخيطان
والله يجزاكم خير

 

[ربيع_الروح]

حبيبتي أهوا غير مكانه تلاقينه بمركز الربيعة الطبي

بالعمرية على الشارع العام الي جبال خيطان

ورقم المركز 1826826

والداخلي الي حق عيادته 501

ومرات يداوم صبح ومرات عصر

ولازم تدقين قبل ما تروحين تاخذين دور




وإن شاء الله ربي يشافي ولدي وولدج ياااا رب

 

[مناوي الكويت]

ودي اودي ولدي له بس كم ياخذ على الفحوصات