الدكتور احمد الانصاري

[الغــ مرت ــالي]

​

بنات حبيت اسألكم في احد راح حق الدكتور احمد الانصاري استشاري الغدد والعقم

عفيه الي راحت تفيدني لاني انا بروح له يوم الثلاثاء واكيد بقولكم عنه بس افيدوني عشان افيدكم

 

[جناش]

روحي وانتي مغمضة صارلي سنتين متزوجة راجعت عنده شهر وغير حبوب هرمون الحليب والحمدلله انا الحين حامل بالأسبوع السابع والله يرزقج ويرزق كل محروم

 

[رمانه كويتيه]

انا اعالج عنده الغده الدرقيه والنعم فيه خوش ريال وشاطر ماشاءالله

 

[الغــ مرت ــالي]

شكرا حبيباتي

انا له وفعلا اهو دكتور والنعم بأخلاقه طيب وايد وحبوب بس مشكلته مستعجل شوي

وطلب مني تحاليل ومن زوجي وان شالله الله كريم

 

[ام فطوووم]

والله كل واحد وتجربته وكل شي بيد رب العالمين
انه اقولج قصتي
انه صارلي 3 سنين اعلج عنده بس تنظيم الدوره ولين ماتزوجت قبل 7 اشهر وانه اراجع بس لين ماتزوجت وولا تنظمت معاي الدوره
وكان يعطيني علاجات وايد
واخر شي كنت اراجع عشان ابي احمل
وكان يعطيني دوى بالاخير وبالصدفه
عرفت ان هذا منع الحمل
اوكي صج ان منع الحمل اينظم الدوره بس هذا يمنع الحمل
فشلون ايصلح شي على حساب شي ثاني
فغيرت هالدكتور
ورحت حق عياده الدكتوره ماجده اليتامى
طبعا مو عندها عند الدكتوره شيرين
لان ماجده كله موموجده ومسافره
فقلت اخلي ملفي عندها احسن عند دكتوره وحده اتكون عارفه حالتي عدل
والحمدلله من ثاني زياره حملت بفضل رب العالمين
بس الصراحه انه ما اذم بالدكتور احمد معاملته احسن من الروعه
بس الصراحه من عرفت انه سبب اني ما اييب عيال من حبوب منع الحمل وانه كرهت اني اروحله

 

[رمانه كويتيه]

انتو غلطانين ليش اتعالحون عنده حق الحمال اهو تخصصه بس حق الغدد ممتاز فيها الحمال روحو حق دكاترة امراض نساء وولاده انا اعالج عنده علشان الغده الدرقيه كسلانه والله والنعم فيه شاطر بس ترا على فكره شفت حريم وايدحملو على ايده ويابو توم بعد

 

[-Bello-]

انا اول مره اسمع فيه ؟؟ انزين وين مكانه ؟؟
وهو نوعه يخاف ربه يعني يخاف على مصلحة المريض قبل المادديات ولا لأ؟؟لانه انا من ارووح حق دكتووور واحسه بس يبي يلهف فلوووس تلوع جبدي منه واخاف على نفسي اكثر ..حددي متعقده ..قولولي وين مكانه وجاوبوني على اسالتي بليز

 

[ام الشيماء]

بنات الله يجزاكم خير انا عندي خمول في الغده ...
وهذا طبعا مسبب عدم الحمل ؟؟؟

وانا كنت محتاره وين اروح لعلاج الغده ؟؟؟

شكلي بروح له .

بس بغيت اعرف جم ياخذ تقريبا ؟؟ يعني غالي ولا عادي ؟؟

ويطلب تحاليل ؟؟

وييين صاير بالضبط ؟؟ وابي رقم عيادتهم ؟؟


ومشكورين ..

 

[طم طم]

انا راجعت عنده اول سنين من زواجى ما فادنى صراحه بس سبحان الله الحمل رزق من رب العالمين ... بس فيه ناس وايد استفادووا منه ... يكون هالشىء توفيق من رب العالمين مو شرط هالدكتور زين معاى يكون زين مع غيرى ...
:
الله يوفقج يا مرت الغالى ويرزقج ويرزقنا معاج يالذريه الصالحه الصحيحه أن شاء الله

 

[رمانه كويتيه]

مكانه بالسالميه قبل مطافى السالميه مكتوب عليه مستوصف الانصارىوهو ريال الصراحه دين يخاف ربه وكل ينادينى يابنيتى بس انا اقولج التحاليل اشوى غاليه

 

[جناش]

ترى التحاليل انا سويتها بكذا مكان نفس السعر وهي موحدة من وزارة الصحة وعنده تحاليل موموجودة بأي مختبر ثاني بصراحة دكتور شااااااااطر ماشالله عليه ويخاف يعطي الدوا قبل لاياخذ تحليل وبفضل من الله حملت عنده بس غيرلي دوا هرمون الحليب وانا صارلي سنتين اعابل وماخليت مكان مارحتله

 

[ام فطوووم]

دخلته 15 واذا اقل من شهر اخر مراجعه 10 دنانير
بس التحاليل غاليه انه اقل مره قطيت عالتحاليل 180 ديتار اشوه على ايامها كنت مومتزوجه كله على حساب امي

 

[شـــــــــمس]

انزين ما تعرفون اذا يعالج الرياييل من الضعف او قله الحيوانات
المنويه ( لان لها علاقه بالغده النخاميه)

 

[جناش]

اي يعالج الرجال بعد

 

[ام فطوووم]

اي حبيبتي ايعالج الرياييل واكثر مراجعينه رياييل وجنووووووووووس <<< خخخخخخخخخ
والله جد ما اتغشمر

 

[ام الشيماء]

مشكوريييين

زين ابي رقمه ضروري جاد ..

ومتى دوامه (( أي يوم وعصر ولا صبح *))

ثانكيوااااا

 

[ام فطوووم]

دوامه من الصبح الساعه 9
لي الوحده
والعصر من ال 4 لي ال9
ورقمه 5658888
5650666

 

[الغــ مرت ــالي]

مشكورين افدتوني وايد

بس جنه الحين اهو اجازه على مااعتقد

لان لمن رحت له قالي شهر 7 و8 مسافر