الدكتوره ماجده اليتامي

[كويتيه مذهله 87]

السلام عليكم

:eh_s(22):

حبيت اسأل عن الدكتوره ماجده اليتامي هل سامعين عنهااااا؟؟؟
زينه؟؟؟
شاطره؟؟؟
لان انا الحين فيني كيس علي المبيض بسويلي عمليه عند مستشفى الولاده قسم العياده الخارجيه يعني حكومه اذا شالووووه سيدا بروح اعالج عند ماجده اليتامى

منو يعرفهاااا؟؟؟

وسامحوني
:eh_s(8):

 

[الشقردية]

والله يمدحونها وايد انا ما عالجت عندها بس مرت عمي تمدحها
انا اعالج عن فوزيه القطان بعد ممتازه
بس المشكله زحمه وايد
بس شنسوي كل مكان زحمه خصوصا عيادات الحمل و الولاده​

 

[al7noona]

حبيبتي انصحج لا تسوينها انا وحده اعرفها صار فيها نفسج راحت عند مستشفى الهادي عند الدكتوره بهواني عطتها دوا وراح الجيس بدون عمليه
وانا مجربه دكتوره بهواني وايد وايد زينه ماشالله والكل يمدحها روحي لها وشوفي شتقولج وانشالله مافيج الا العافيه

 

[كتكوته كويتيه]

دكتوره ماجده تعطي منشطات وايد مادري ما عجبتني بعدين كانت كله تحولني على دكاتره غيرها ما عجبني الوضع كله

 

[كويتيه مذهله 87]

مشكوريين يقلبي والله يعطيكم العافيه

 

[أحلى عيون]

بصراحه انا سمعت عنها انها زينه

وزوجت اخوي تعالج عندها وحملت لكن حمل خارج الرحم وطلبتها في الهادي وراحت سوت لها تنظيفات ومنظار بالهادي يعني تطلع لج بعد

 

[sunshine22]

والله خوش دكتوره بس دايم زحمه الدخله لها مادري متى نشرف 5 الفجر الظاهر
عندج حسام القاضي هذا عندي احسن منها وياها بدار البراء اهي اللي جايبته
حتى الاحظه بالاسعار غير عن بتول وشيرين وماجده ياخذ اقل شي ويراعي ويعطيج الدوا اللي يلزمج ما يصرفلج ادويه ماتحتاجينها مثل ماجده وبتول يعطون فيتامين للشعر حق الحامل,,,,,,,,,,,شكو
اهو لا يعطي المطلوب وبس واذا مافي شي ما يعطي تحسينه فاهم
الله يوفقه

 

[شمسه]

ما أنصحج فيها أبد كل السطاف الي هناك مااااادي وعن تجربة

 

[سارا ديور]

الدكتوره ماجده أشهر من نار على علم

استشارية امراض نسا وولاده

حاصله على الزماله من بريطانيا

كانت عضو هيئة تدريس بكلية الطب

وكانت رئيسة قسم الولاده بالصباح

وهذا غير الشهادات إللي ما اعرفها

أكثر دكتوره يقابلونها ببرامج التلفزيو (( برنامج بيتك .. برامج الراي .. حتى

الجزيره قابلوها .. ))

أكثر دكتوره بالكويت إتييها دعوات لحضور مؤتمرات عربيه وعالميه تمثل الكويت

وعندها عيادتين بالكويت وبلندن

إذا بتلاحظون ان ابرة الأجسام المضاده منقطعه حاليا بكل مكان بس متوفره

بعيادة الدكتوره ماجده لأنها حريصه لما تسافر تييب كميات منها للمراجعات

بالنسبه انها شاطره محد يختلف بهالراي ومسألة ان انها غلطت مره او مرتين

بتشخيص حاله فالكل يخطأ والأنسان مو معصوم من الخطأ ولازم الواحد يعرف

ان مابين الدكتور والمراجع عداوه علشان يتعمد بتشخيص حالته غلط

وبالنسبه ان اسعارها غاليه ..

كل العيادات الخاصه غاليه مو بس عيادتها

وعلى فكره

أسعار كل العيادات محدده من المجلس الطبي وكل وحده تسأل دكتورتها إذا مو

مصدقين وإذا الدكاتره تسوي خصومات حق مراجعينها فهذي حريه شخصيه

ومن حق كل دكتور يسوي ميزه حق عيادته أهم أصحاب الحلال وبكيفهم

وبالنسبه للي يقولون انها غاليه وماديه .. خواتي انتو رايحين لها بنفسكم

محد جبركم عليها .. وأكيد مطلعين على تسعيرة العلاج قبل لا تدشون لها

وبعدين تختلف الأسعار الأستشاره بعيادتها

الدكتوره ماجده غير عن د.شرين .. د. بتول .. ود.حسام وبالنسبه للدكتور حسام

ليش اسعاره رخيصه لأنه ريال أغلب الحريم ما يدخلون له فيسون له خصم علشان

يصير له مراجعين مو لأنه أحسن من الباجي

أخر شي احب اقوله

ترا انا مراجعه حالي حالكم لا اصير لها لا من قريب ولا من بعيد

بس من زمان اراجع عندها ومن حقها علي اني اقول كل شي اعرفه عنها

 

[سارا ديور]

ماجده وبتول يعطون فيتامين للشعر حق الحامل,,,,,,,,,,,شكو

لأن الحامل بعد الولاده أول شي يصير لها يطيح شعرها بشكل مو طبيعي فلازم تاخذ

الفيتامينات بمده .. وعلى فكره الفيتامينات مو بس حق الشعر حق كل شي لأن البيبي

بياخذ منج كل شي فتعوضين بالحبوب

وتعرفين احنا الحريم اهم شي عندنا شعرنا :eh_s(6):

 

[كويتيه مذهله 87]

مشكورييين يقلبي علي المعلومات
وبالاخص سارا ديور
تسلمين يقلبي

 

[سارا ديور]

مشكورييين يقلبي علي المعلومات
وبالاخص سارا ديور
تسلمين يقلبي

حياج الله حبيبتي انتي سألتي عنها وانا عطيتج كل إللي اعرفه عنها

لأني كنت اراجع عندها واااايد بحمالي وبولاداتي وبأمراض النسا

 

[كويتيه مذهله 87]

مشكوره وما تقصرين

انشالله بروحلها لمن تشرف الدوره:eh_s(6):

 

[جروح تبتسم]

هلا حبيبتي
اول شي ان شاءالله ماتشوفين الدوره هالشهر
وتكونين حامل يارب يارب يارب يارب

واذا لاسمح الله يات الدوره الله لايقوله انصحج شيلي الجيس لاتخافين ترى العمليه بسييييييطه جدا
ناس يسونها والحمدلله ثاني شهر يحملون
وسألي مجرب
اهم شي تكونين مستعده وتوكلي على الله وسويها بأسرع وقت ممكن
وراح تحملين ان شالله
لان الجيس شي بسيط
بنت عمي حملت وفيها جيس وراح لمن صارت بالشهر الثالث والله العظيم
والله يرزقك بالذريه الصالحه وتجيبين توأم يارب يفرحون قلبك ..

 

[كويتيه مذهله 87]

مشكوره يقلبي جروح
وانشالل ما تشوفين الجرح بحياتج
!!!!!!
بس انا مستغربه شوي!!!
عادي احمل وانا فيني كيس؟؟؟
اخاف ينبط داخل؟؟؟
لا تستغربون من كلامي
والله خايفه

 

[سارا ديور]

مشكوره يقلبي جروح
وانشالل ما تشوفين الجرح بحياتج
!!!!!!
بس انا مستغربه شوي!!!
عادي احمل وانا فيني كيس؟؟؟
اخاف ينبط داخل؟؟؟
لا تستغربون من كلامي
والله خايفه

انا اتذكر خدامتنا ياللها مثل النزيف شهر كامل عليها العاده

المهم وديتها للدكتوره سوت لها سونار وقالت لها فيها اكياس على المبايض

المهم عطتها حبوب علشان تذوب مادري تفتت هالأكيار ومسكينه صارت زينه عقب

 

[جروح تبتسم]

اي والله
قسما بالله اعرف وحده حملت وفيها جيس
والله وهي مصريه بعد
وكانت خايفه بس الدكتوره طمنتها وهذا اللي اعرفه
ان شالله تحملين

 

[فوز الكويت]

انا هالدكتورة اسميها الدكتورة المادية اللي ما يهمها الا الفلوس اما صحة المريضة فما تهمهما كل شي عندها جربي جربي وحيل بالمنشطات تموووووووووووت بالفلوس واذا على المقابلات في التلفزيون لانها الوحيدة اللي تموت بالمظاهر ورزة الويه بالجرايد والتلفزيون من يقولون لها نبي لقاء معاج قالت هوب هوب
واكيد اللقاء مو ببلاش فيها همجة
ما أقول الا الله يسامحها دمرتني بالمنشطات وما نصحتني بالمنظار مثل ما نصحتني فوزية القطان كان كل همها تقزني ابر منشطات وكله بحساب لين ما صار لي تضخم بالمبايض وكنت بموت في مستشفى الولادة بس الله ستر ويوم سويت منظار طلع عندي التصاق والمنشطات تزيده وانا ما سمعت كلام فوزية القطان الله يجزاها خير والحين الحمد لله بعد العملية صرت احسن والله رزقني باحلى بنت الله يخليها لي يا رب

 

[كويتيه مذهله 87]

مشكورين يقلبي علي النصايح والله يعطيكم العافيه حبايبي
فديتكم والله

 

[*ستايل*]

كويتيه شصارمعاج بالجيس اللى بالمبيض؟؟؟