الدكتوره حطمتني

[شوق ومها]

سلام عليكم انا متينه والسبب العلاج بالكلوميد واليوم رحت اعالج الدكتوره قالت لي اول شي سوي رجيم وتحطمت بالحيل
وعطتني علاج كلوميد 3 حبات باليوم لانه عندي التبويض ضعيف فاحس 3 وايد متعوده على 2 فبسال منو خذت اكثر من حبتين وحملت امانه جاوبوني بسرعه

 

[كويتيه مذهله 87]

حبيبتي 2 او 3 او 4 ماتحميل الا بكتبه الله


أحسن لج تاخذين 3 علشان بويضاتج تستجااب بسرعه



والسمنه يمكن أثرت علي بويضااتج خلتهم صغااار


والله يرزقج يارب

 

[ام نوونه]

انا اعرف وااايد بنات كانوا متان ولم ضعفوا
حملوا وكان عندهم التبويض ضعيف
بس لمن سووا رجيم وضعفوا حملوا
ماشالله الفال حقج انشالله

 

[ترووفه]

حبيبتي

عاادي اخذي 3 حباات باليووم

عشاان تتنشط البويضاات

وسووي ريجيم والله يرزقج ياااااااااااااااااااارب

 

[*سبحان الله*]

ما انصحج بالكلوميد حبيبتي ياثر حتى النفسيه يتعبها وبعدين شنو 3 واااااااااااااااااااااجد اجرام لا تطيعينها انا دكتوري ما عطاني اياه عطاني اشياء غيره واجد وعقب راحه شهرين من العلاج وحملت بالراحه اما الكلوميد كل الدكاتره اللي قبل يعطوني اياه وانا سليمه ميه بالميه ويمتن ويخرب ويسبب تكيسات حتى دكتوري لمن قلتله قال ما ايد ديييييييييييييييييييييييييييرريييييييي باااااااااااااااااالج
واهم شي الاكل الصحي والرجيم نزلي قد ما تقدرين ترا يفيدج باذن الله واخذي عسل من المرشد حق الضعف ترا واجد افيدلج وطبيعي ومذكور بالقران اما تاخذين كلوميد كله هرمونات ويطلع شعر بالجسم ويمتن حيل ويسبب اكتئاب ديري بالج اخذي عسل طيعيني

 

[درة أهل الطولات]

توكلي على الله

 

[شموووخ وغروور]

اسمعي كلام الدكتوره اخبر ...

 

[نف نف22]

خرعتيني انا قبل الزواج كان وزني 60 والحين 73 هل ياثر على الحمال اكيد زاد عقب العلاج والابر والكولميد بس خايفه يكون هذا السبب

 

[WaChoCha]

حبيبتي ليش تتحطمين... ما عليه طولي بالج في سبيل احمل كل شي يهون
سوي ريجيم ونزلي وزنج كل شي علشان البيبي يهون

 

[Australia girl]

نف نف انا نفس الشي كان وزني 60 وصرت 70 ..ودكتورتي قالتلي ضعفي شوي مع وزني حلو وانا طويله 170 سم

 

[~ذات السُبحه~]

مرحبا حبيبتي
بالنسبه للكلوميد انا حبيبتي اخذت اربع حبات في اليوم ومعاه جلوكوفاج
بالنسبه للكلوميد فعلا يمتن ويزيد الشعر ويخرب النفسيه
بس لمن اخذت معاه جلوكوفاج نفعني بصراحه
بداء وزني ينزل وراحت التكيسات الحمد لله
بس حاولي انتي تسوين ريجيم عشان الدهون الي متراكمه حول البويضه تروح
ويصير تلقيحها اسهل
وتوكلي على الله اذا واثقه من دكتورتج
موفقه حبيبتي

 

[bnt_kwt]

معقوله تتحطمين عشان قالت لج ضعفي !!!

تدرين يا اختي الفاضله انه ولا علاج راح ينفع معاج اذا ما نزلتي وزنج !!

تدرين انج اذا اخذتي الكلوميد وانتي متينه راح يزيد وزنج اكثر وتصير عليج سالفه تنزيل الوزن اصعب وبالتالي يصعب عليج العلاج !!

تدرين انه عمليات التلقيح الصناعي واطفال الانابيب من اهم اسباب فشلهم زياده الوزن !!

تدرين انه الوزن الزايد سبب رئيسي من اسباب العقم وتأخر الانجاب !!!

نزلي وزنج واتبعي نظام غذائي مع دكتور تغذيه وبعدين بلشي بالعلاج صدقيني من ينزل وزنج راح يستجيب جسم للعلاج
واتحسين روحج غير غير غير

في كلمه قالها لي دكتور
قالي خليها معادله

الضعف = الحمل
المتن = تأخر الحمل

واشكره قالي تبين تصيرين ام ضعفي
وضعفت ونزلت وزني وايد وايد وايد

بس للاسف خربت كل شي ورديت متنت والحين قاعده ارد انزل وزني
لانه الامومه شي كبير يستاهل اني اخسر كل شي مقابل ضمه طفل ولا اشرايج ؟؟

اتمنى انج تتقبلين رايي بصدر رحب ومروري
و الله يرزقج ان شاء الله ويرزقنا الذريه الصالحه والصحه والعافيه

 

[بنت سلوى80]

السلام عليكم نف نف انصحج تروحين حق دكتور شاطر وآن لما آخذ الكلوميد يزيد وزني حيل ويطلع لي شعر بس ما قلتي لنا منو دكتورج اذا في مجال حبيبتي؟ والله يرزقج ويرزق كل المحرومين اللهم آمين يا رب العالمين

 

[*caramel macchiato*]

حبيبتي ليش اتدخلين نفسج بدوامت الكلوميد واذيته....ترا راااح تمتنين وااايد ويطلعلج شعر ويمكن بسم عليج ايصير فيج تكيس .....

اختصري الطريج وضعفي .....احس بسبب وزنج مو قاعدة تحملين......

ترا المتن اياثر واااااااايد لاتستهونين فيه.....

انا طول عمري وزني بالخمسينات...والحين وزني 61 ...تخيلي الطبيبة اتقولي ضعفي ...اقولها انا مو متينة ....اتقولي جسمج مو متعود على هالوزن ...يمكن كيلوين ثلاث اتخرب عليج....

فنصيحتي لا تلعبين ابنفسج...ضعفي وبعدين اذا مافاد عالجي....
الله يرزقنا يااارب

 

[قبيطه]

نصيحتى لج خلج مع الدكتوره اهيا اخبر اذا بتسمعيم كلام اهنى وهنى بضيعين شى طبيعى كل دوا له آثار عادى انا خذيت كل شى كلوميد حبوب مع الأبر متنت وزاد الشعر بس كله يهون عشان العيال الله يرزقنى ويرزقج يارب

 

[bint_al8omar]

الدكتوره كلامها عدل وكلام البنات عدل لازم تضعفين وايد بنات ضعفو وحملو المتن ماييي منوراه الا الامراض
الله يرزقج ويرزقنا الحمل عاجلا غير اجلا يارب

 

[الحلا و الزين]

عاد اهم شي ما تكونين محبطه النفسيه تلعب دور انا مثلج الأدويه سببت لي متن و منها تكيس في المبيض بس و أنا أختج قاعده الحين اسوي رجيم عشان اضعف و توكلي على الله و الله يرزقنا كلنا آآآآآآآآآآآآآمين

 

[أم لطووف]

والله إلي أشوفه إنج تاخذين بكلام الدكتوره أحسن إهيه أخبر بشغلها

 

[الجوري2008]

الدكتور أخبر بالعكس أنا عندي تكيس واستخدم الجلوكوفاج أكثر من 6 شهور وحاولت أخفف وزني والحبوب هذا ساعدني واجد
في البداية بتتعبين بتحسين بلوعة جبد بس بعدين والله عادي والحمد لله التكيس خف ومن الشهر اللي راح كان تبويضي ميه ميه وطبيعي لكن الله ماكتب الحمل كنت مأخذه كلوميد ونفع طبعآ مع استخدامي للجلوكوفاج وهو زين للتكيس وتنزيل الوزن
الدكتور هو اللي عنده الشهاده وهو اللي أخبر بشغله
مجرد رأي لا أكثر

 

[mosta7eel]

توكلي على الله حبيبتي وسوي الي تقولج عليه الدكتورة
وحاولي انج تسوين رجيم وايد بنات ماشاءالله يحملون بعد مايضعفون
والله يكتبلج الذرية الصالحة