الدكتوره احبطتني :(

[جميله29]

السلام عليكم


امس رحت للدكتوره عشان متابعتي الثانيه لحملي بالشهر التاسع

على امل ان ولادتي تكون الاربعاء الجاي

امس تقول لي يمكن تتاخرين بعد اسبوعين ...ربااااااااااااه ..!

انا خلصصصص تعبت والله تعبت مررررره ابي اولد نفسيتي صفر صارت الله المستعان

والبيبي فوووق مو راضي ينزل مع اني امشي كثير :eh_s(16):

اتحفوني بخبراتكم كويتيات ..

على فكره انا بكريه

 

[رووح ابووها]

الله يسهل عليج

 

[امـ خــزامـى]

الله يهون عليك حبيييبتي
اسمع نصايح البنات دائما بهالحاله
كثري جماع وتمر ومشي وجلسة القرفصاااء


وانا بصراحه ماجربت ولا شي من هالاشياء

 

[^^ananasa^^]

حبيبتي كثررررري جماع


الله يهون عليج وتولدين بالسلامه

 

[@أم يوســـف@]

الله يهون عليج وتولدين بالسلامه

 

[ام جنه]

حبيبتي انا اختي نفسج بالضبط وكان نصيحة الدكتوره لها عشان البيبي يلف وياخذ وضعية الوﻻدة الطبيعيه عليج بالحبي كثر ما تقدربن

 

[بنت^كآليفورنيآ]

انا مادري ليش تتحلطمون بالتاسع


يارب ترى اهو ماقعد ف بطنج الا لانه ليلحين ماكمل نطري

البلا من اللي تخلص التاسع وتنننننننننننطر 10 ايام فوقة وماتولد هذي المسكينة

لا تحنين وراح تولدين

 

[cute_mama83]

حبيبتي هااانت تحملتي 9 شهوور مايت علي اسبووعين تصبري
ادري تعب وثقل وحركتج صعبه بس تذكري كل شي بأجره ان شاءالله

سوي بنصحية الخوات والله يسهل ولادتج يااا رب

 

[أبكاني ذنبي]

عن تجربه بعد الدعاء والصلاه لاتخلين ادعيه تسهيل الولاده وانفخي بماي

بعد ماتخلصين واشربي منه ورشي ع بطنج وصلي وادعي بالليل


بعدها الجماااع والمشي هذي اللي جربتهم وولدت باليوم اللي قرروا يعطوني


طلق صناعي ياني طلق طبيعي من رب العالمين والحمدلله ولدت

 

[جذابه بنت ذيابه]

امششششي بالبيت اشتغلي نشفي بيتج كله من الي

 

[الـجـوري]

اللَّہ يسهل عليج .. يلا كلها جم يوم ميخالف قزريها

شرب دارسين .. وزعتر .. وخروووع << اقووى شي

وعليج بالمشي والجمااع .. واذا عندج دري

صعدي ونزلي منه يسهل الولاده ..

ۆاللَّہ يفرجها عليج

 

[Aloe Vera]

البيبي راح يطلع بيومه

لا تتعبين نفسج عالفاضي

اشغلي نفسج باشياء مفيدة و تحركي و امشي بقدر المعقول

مو معقوله مافيج صبر اسبوعين و انتي نطرتي اشهر من قبل

استغفري و ادعي ربج

و بعدين وين الاحباط بالموضوع؟؟

انا دشيت الموضوع عبالي بتقولين البيبي فيه شي و لا انتي فيج شي

 

[تبطي عظم!]

الله الي حطه في رحمج والله العالم متى بيطلع لا تتعبين ع الفاضي

بس سوي الشغلات الي تساعد ع الولاده

المشي يومياً لمدة نص ساعه + تمارين القرفصاء فضيييعه تنزل البيبي بالحوض فيضغط ع الرحم وينفتح + الجماع

بعد الجماع لا تقومين على طول لا خليج ساعه منسدحه وبعدين قومي اسبحي بماي دافي وخلي تركيز الماي على اسفل الظهر

وبعدها نامي انا من دشيت التاسع كنت اسوي جذي وولدت الاسبوع الـ ٣٧

بس بقولج شغله لا تشربين دارسين وخروع وهالسوالف ماانصح فيهم ممكن تحني الطلق وانتي البيبي فوق مو نازل وراح تتعبين

نصيحه بس خليج ع المشي والتمرين والجماع غيره لا

 

[جميله29]

مشكورين بنات باخذ بنصايحكم بس الجماع صعبه علي لان زوجي مسافر

جزاكم الله خير لاتنسوني بدعواتكم

 

[اخت الدكتور]

امشي على البحر وانتي حافيه وتحركي واشتغلي في البيت واكلي تمر

 

[M!SS.LOBY]

الله يسهل عليج

 

[M!SS.LOBY]

يمكن انج بكر تتأخر ولادتج