الدكتورة معصومه الرضى بدار الشفا

[atootaa]

صباح الخير بنات شلونكم

شرايكم بالدكتورة معصومة الرضا ؟؟ اللي بدار الشفا
ولادتها و مراجعاتها و اسلوبها مريحه او لا ؟
انا حطيت موعد عندها قبل اسبوع واقرب موعد لها 4-8
واتفاجأت انه كله زحمة عندها
اللي جربتها ياريت تفيدني عنها وتكتب تجربتها معاها

 

[atootaa]

رفع

 

[atootaa]

رفع

 

[الأميرة جوري]

الله يسهل عليج

ما اعرفها

 

[M!SS.LOBY]

الله يسهل عليج

 

[atootaa]

مشكورين بنات
حسافه الظاهر ماكو احد مجربها

 

[آهات الليل]

مرت حماي تراجع عندها وتمدحها والكل يمدح ولادتها وخياطها بس صراحه عليها زحمه قويه سواء مراجعات او ولادات

 

[حـوراء]

انا راجعت و ولدت عندها
دكتورة فاهمة ومريحة وبالها طويل
المشكلة بس بزحمة المواعيد ما تحصلين إلا عقب ثلاث أسابيع أو شهر بس بقولج شغلة
انتي من تروحين المراجعة عندها ، ماراح تحتاجين تروحين لها إلا بعد شهر كون المراجعة للحامل شهرية يعني بس اول مراجعة اللي راح تنطرين على ما تحصلين موعد أما باجي المواعيد لا
أنا الصراحة وايد ارتحت لها خصوصا أنها هادية وكت الولادة وما توتر وخياطها وايد زين

الله يسهل عليج يا رب وتولدين بالسلامة

 

[atootaa]

مشكورين بنات ماتقصرون و الله يسهل عليكم يارب

 

[M!Ss Smart]

انا اراجع عندها وايد زينه وبالها طويل وهاديه وفاهمه عدل وحمواتي كله عندها وخياطها حلو انتي تعودي كل شهر حجزي موعد ثاني عشان مواعيدج تسير مرتبه يعني مثلا شهر 7 المفروض تحجزين عندها من شهر 5 وجذي

 

[طـير7]

الله يسهل عليج يارب


خوووووش دكتورة بنات اهلي اغلبهم عندها واختي ولادتها ثنتين عندها
وللاسف انا كنت براجع عندها بعد حق تلقيح صناعي بس ماقامت تسوي بس دكتور ريال

 

[M!SS.LOBY]

ما عندي فكرة عنها

 

[atootaa]

شجعتوني عيها وايد الله يسهل عليكم يارب