الدكتورة (( خالده المجيبل ))

[خشف العرايس]

مرحبا بنات

بنات انا عندي اجهاض مرتين وااحين توني حامل وحدي خايفه انا دايما اجهض علا شهر واسبوعين وادق عليهم ما يردون لا علا المباشر ولا علا تلفون زهرة النقال بنات متا مواعيد عيادتها ولو اروح لها يدخلوني عليها بنفس اليوم ولا يعطوني موعد
ادعولي ان الله يثبته

 

[التفاحة الحمرة]

انا كنت حامل قبل سنة ووصلت لي الثالث كنت اراجع عند دكتورة ثانية و سافرت
و اضطريت اروح حق دكتورة خالدة و من اول مرة رحت لها قالت لي الجنين ميت ببطني و لازم نسويلج تنظيفات
و لمة سألها ريلي جم تكلم ؟ قالت اقصى شي 400 دينار
و عقب ما سويت التنظيفات و خلصت جم الحساب ؟؟؟ 1000 دينار !!!
حرام عليها والله ليش الجذب ؟ يعني بالله الواحد مو حاسب حسابه حق 1000 شلون ؟؟
ماحبيت الدكتورة كلش و لمة قالت لي ان الجنين متوفي عطتني اياها بالويه و بكل جدية و قساوة
ماكانت مرنه معاي ولا عطتني اياها حبه حبه !!

و مواعيدها تلوع الجبد انصحج تغيرين و ما تروحين لها
روحي حق دكتورة ماجدة اليتامى تهبل شاطرة و فاهمه كل شي و طيبة و حبوووبة حيل استشارية و فاهمه عدل
لا تنطرين ماجدة لان مرات تعطيج موعد و فجأة يدقون عليج ! يقولون لج سافرت ولا مشغولة و يغيرون موعدج

 

[خشف العرايس]

التفاحه الحمرة ماقصرتي ياروحي انتي عسا ربي يوفقج ويسهل لج امرج

 

[بخـــارى]

روحي الصباح

 

[خشف العرايس]

عند اي دكتور بالصباح

 

[دمثة]

فيها
انا عانيت من الاجهاض 3 مرات ولا خليت طبيب الا ودخلت عليه ولين البنات الله يجزيهم الخير قالوا عن الدكتورة خالدة المجيبل ورحت لهاااااا والحمدالله

بفضل من من رب العالمين اولاا
والدكتورة اكتشفت والحمدالله.
الحين عندي بنتين.
روحي لها والله الدكتورة شاطرة وفاهمةربي لك الحمد روحي اهااا والانا شهادتي مجروحة به

 

[دمثة]

فيها
انا عانيت من الاجهاض 3 مرات ولا خليت طبيب الا ودخلت عليه ولين البنات الله يجزيهم الخير قالوا عن الدكتورة خالدة المجيبل ورحت لهاااااا والحمدالله

بفضل من من رب العالمين اولاا
والدكتورة اكتشفت والحمدالله.
الحين عندي بنتين.
روحي لها والله الدكتورة شاطرة وفاهمةربي لك الحمد روحي اهااا والانا شهادتي مجروحة به

 

[أم منورة]

كل شي بيد رب العالمين خلي ايمانج بالله قوي وكل شي بيده سبحانه

دايما اذكار الصباح والمساء لا تطوفينها واستودعي الله جنينك والله يارب يثبته ويطمنك واهم شي الدعاء

 

[مناوووي]

ماشاء الله عليها هالدكتوره



الله يوفقها

 

[Aloe Vera]

مادري والله الله يكون في عونج و يرزقج الحمل السليم

و الطفل المعافى

رفيجتي عانت من الاجهاضات و عالجتها امل عبدالعزيز لمن كانت في رويال حياة بس اهي الحين بالسلام

 

[((غلاي))]

الله يتمم عليج يارب

 

[سفرجل]

السكرتيرة زهره ماتستقبل المكالمات فوق ساعه 6 تستقبل بس المسجات
المواعيد من السبت الي الاربعاء من ساعه30 :9 الي 4
والدكتورررررررره اتهبل والسكرتيره بعد

 

[الأميرة جوري]

حاولي تكتمين علي خبر حملج يمكن عين وعليج بالاذكار وشوفي الاسباب عند الدكتوره والله يثبته ويتمم عليج

 

[هدفي الفردوس]

حللي عن الاجسام المضادة