الدكتورة بادمسري مستشفي السلام اللي يعرفها ضروري يدش

[كاملة الدسم]

بنات الموضوع مبين من عنوانه في دكتورة هندية كانت في عيادات السلام الخارجية وتوها الحين انضمت المستشفي وهي استشارية نسا وولادة راجعت عندها مرة بالصدفة وشكلها حبوبة وزينة ، واليت اللي مجربتها مراجعات حمل وولادة تفيدني وشلونها بالولادة ويشلون خياطها او اللي سامعة عنها ومشكورين وايد بنات

 

[M!SS.LOBY]

ررفع لعيونج

 

[Aloe Vera]

ماسمعت عنها
ان شاء الله البنات يفيدونج

 

[كاملة الدسم]

شدعوة بنات محد يعرفها ولا سامع عنها؟؟؟؟ أهي كانت مع الدكتورة امل الراشد والحين انضمت لمستشفي السلام

 

[غرام القمة]

اب اب اب

 

[حبيبة عز]

انا كنت اراجع عند الدكتورة نزهت

بس للاسف سافرت وانا الحين على ويه ولاده

قامت حولت ملفي عليها

ودخلت عندها وراجعت وانا بعد حسيتها حبوبه وفاهمه

وقالتلي لا تحاتين انا خبرتي 7 سنين ببريطانيا

لما شافتني متوتره

ومبدئيا ارتحت لها

بس انا احس اني ارتاح لنزهت اكثر

وبس هذي تجربتي وحبيت افيدج

وادعولي الله يسهل علي

 

[كاملة الدسم]

الله يسهل عليج حبيبة عز وان شالله تولدين بالسلامة عندها وتكتبين لنا تجربتج

 

[اخت الدكتور]

اول مره اسمع فيها

 

[كاملة الدسم]

رفع

 

[حبيبة عز]

للاسف خياطها أسوأ من السيئ

ابعدي عنها حبيبتي

باجر موعدي مع الدكتورة نزهت تشييك على الخياط

وراح أقولج التفاصيل ان شاءالله

نفسيتي حدها تعبانه وللاسف اني طحت عندها

وانا انصحج بنزهت وخياطها روعه

 

[7oor kuwait]

للاسف خياطها أسوأ من السيئ

ابعدي عنها حبيبتي

باجر موعدي مع الدكتورة نزهت تشييك على الخياط

وراح أقولج التفاصيل ان شاءالله

نفسيتي حدها تعبانه وللاسف اني طحت عندها

وانا انصحج بنزهت وخياطها روعه

وي وي وي عاد حدي مرتاحتلها وباقي على ولادتي ثلاث ايام بليز اخرجي مافي جعبتك شفيه خياطها

 

[حبيبة عز]

السلام عليكم شلونكم بنات

بنات انا بقولكم عن ولادتي عندها

للامانه انا رحت واصله حدي

وولادتي كانت سهالة من الله

وحرام اهي على ماوصلت توها تلبس دسوسها

طلع البيبي وولدت

يعني باختصار ماجربت ولادتها

وراجعت عندها مرتين وكانت فاهمة وكلامها يريح

بس والله يابنات خياطها كلش مو حلو

اقولكم بالضبط ليش حسيت خياطها مو حلو

بولادتي الاولى عند نزهت خياطها كانت خط مرتب من داخل ومن بره

وبسرعه طاحت الخيوط و ماشاءالله ولا جني والدة

بس هالمره عند بادمسري

خياطها مو خط .. لا جنه دوائر .. يعني ملزقه اللحم بطريقه مو مرتبه

وطول على ما التأم وكان في كورة نهاية الخياط وايد تعورني

وأمس شفت عند فتحة المهبل جنه لحمه جذي

اللي أعرفه أن الخياط الداخلي يكون مو مرتب عشان جذي تطلع

سألت نزهت قالتلي عادي تروح مع التحاميل

وقلتلها خياطها مو حلو قالتلي ماقدرت تشده لان فيج بواسير وراح تعورج

وحسيت جنها ماتبي تغلطها

وبولادتي الاولى لا تحاميل ولا مايحزنون

وشهر وتركت الغسول

والحين للأسف كملت شهر ولازم أستمر عالغسول مادري ليش

أنا مو متضايقه منها ولا من نفسي

لان كل اللي صار مقدر ومكتوب

بس اللي تبي نصيحتي تروح عند نزهت .. لان ماكو مقارنه بين خياطهم

مع اني من التعب وقتها نمت وماعذبتها بس مادري ليش ما ضبطت الخياط

الدكتورة نزهت قالتلي زين لا تحاتين ومع الوقت يتحسن

 

[حبيبة عز]

عموما انا سمعت انها بتطلع اجازة 10 ايام

وبيحولون مرضاها عند نزهت

والله يسهل عليكم يارب

 

[M!SS.LOBY]

لله يسهل عليج

 

[7oor kuwait]

يلا ما عليه وعموما اغلب الي يخيطون يصيرلهم جذي ان شاء الله ماكو الا العافية,وشكله من حظي راح اطيح عند نزهت لاني اساسا كنت باغيتها وصادفتها حالة ولادة ودشيت عند بادمسري والخيرة عند الله وان شاء الله الاثنين فيهم الخير,ما دريتي بالضبط متى بتاخذ اجازتها?

 

[beauty rose]

نزهت بتسافر تاريخ 13-6 و بترجع 1-7 لمه ادخل التاسع

منو غيرها في دكتور او دكتورة شاطرة بالسلام
انا ابي اولد قيصري منو دكاترة شاطرين بالقيصري ؟؟؟

 

[&تعب قلبي&]

اذااهي المحجبه اللي كانت مع د. امل وشوي مربربه وسمرا جنه لايحوشج هذي كلش ماتعرف كوعهامن بوعها وحتابسونارفااااشله. ماتعرف حتاتقيس رحم كانت تقول رحم فاتح ٤ وهوفاتح نص مادرري شلون صارت دكتوره بس تحاول تحسسج انهاتفهم

 

[7oor kuwait]

لالا بادمسري مو متحجبة

 

[عسل حدي]

رب لا تذرني فردا وانت خير الوارثين

 

[كاملة الدسم]

يمكن عشان انتي معاج بواسير وخياطج تجميلي صار جذي
بما ان الدكتورة يديدة نرفع الموضوع عشان الكل يستفيد واللي عنده تجربة يحطها