الدزنــطــاريــــا

[التـــوت البـري]

مرحبا كويتيات

شلونكم حبايبي

أنا عضوه جديده وسجلت بهالمنتدى خصيصا لأني عارفتكم ماتقصرون << لاتخيبون ظني فيكم


عندي أخوي عمره 14 سنه تعباآان من الدزنطاريا المزمن ومافادت علاجات المستشفيات فيه
ونزل وزنه وصار عنده فقر دم ومرآت يصير فيه امساك ومراآت اسهال [أكرمكم الله ]



الله يعافيكم اللي تعرف له علاج لاتبخل علي
ولكم دعوه بظر الغيب

 

[التـــوت البـري]

شدعوا بنـــات وينــــــــكم

 

[raneen]

هذا اعتقد اسمه ديزنتري مو طيزنتري ... الديزنتري هو احد امراض الجهاز الهظمي وهو ديدان شيرطيه اتصير بالمعده ولازم تلطلع ويصير من تلوث الماء او اشياء وايد ... والمفروض يسووله رزاعه (( براز )) يكرم القاري وعذريني للاسلوب بس عشان تفهمين ... وتطلع النتيجه بعد 3 ايام ويعطونه ادويه ومضادات وهذا لازم لانه هذي الديدان اذا ماطلعت وضعها رح يطور ويقوم يطلع منه حتى واهو داش الحمام فهمتي ... نا مابي اخوفج بس لازم اتعالجونه لان اخوي صار في جذي من قبل ...
يمكن يكوت ماكل خضره مو مغسوله عدل عدل ...ماي مو نظيف ... فواكه مو نظيفه عدل يعني في اكثر من سبب ...بس شوفي الرمان عجيب حق هذا المرض .... واذا مايحب ياكله سووله عصير المهم كثروا منه بس اذا ياكله اكل كثرته اتسبب امساك للامانه...
واقري ابنفسج ...

الرمان [URL="http://www.h1h0.com/vb/showthread.php?t=2639"]يعالج [/URL]11 مرضاً وأكثر



أكدت دراسة علمية حديثة أن ثمار [URL="http://www.h1h0.com/vb/showthread.php?t=2639"]الرمان [/URL]تعالج 11 مرضاً وتوفر احتياجات الجسم الأساسية من العناصر الغذائية. وقالت الدراسة أن بذور [URL="http://www.h1h0.com/vb/showthread.php?t=2639"]الرمان [/URL]ذات الغلاف العصيري البلوري والتي تستخدم في سلطة الفواكه تقضي على البكتريا المسببة للإسهال، كما تقوي القلب والمعدة وتدر البول وتطهر الدم وتذيب حصوات الكلى وتلطف الحرارة المرتفعة بالجسم وتشفي عسر الهضم وتقلل آلام النقرس، كما أن مسحوق أزهارها يستخدم شراباً أيضاً ضد الإسهال.




د. سعيد سلمان الأستاذ في المركز القومي للبحوث يؤكد أن قلي قشور [URL="http://www.h1h0.com/vb/showthread.php?t=2639"]الرمان [/URL]يفيد في طرد الديدان الشريطية لاحتوائها على الثاينين والفلوريدات الطيارة، كما يستخدم [URL="http://www.h1h0.com/vb/showthread.php?t=2639"]الرمان [/URL]بعد الطحن والعجن بالماء لعلاج مرض الجدري، كذلك تستخرج من جذوره مواد مخدرة تفيد في العلاج الكيماوي.




وأضاف أن القيمة الغذائية للرمان لا تقل أهمية عن كونه علاجاً فهو يحتوي على البروتينات والدهون والأملاح المعدنية ومن أهمها البوتاسيوم والحديد والنحاس وبعض الأحماض العضوية والفيتامينات. وبينت بعد الدراسات السابقة أنه يمكن استخدام [URL="http://www.h1h0.com/vb/showthread.php?t=2639"]الرمان [/URL]لمعالجة الزحار (الديزنتاريا) ومعالجة الوهن العصبي وبعض أنواع الأورام التي تصيب الأغشية المخاطية، خاصة إذا استخدم مع العسل. وقال إن تناول [URL="http://www.h1h0.com/vb/showthread.php?t=2639"]الرمان [/URL]مع الأغذية الدسمة تساعد على هضمها بشكل جيد.



يحتوي [URL="http://www.h1h0.com/vb/showthread.php?t=2639"]الرمان [/URL]على مواد سكرية بنسبة 10 إلى 15في المائة وعلى واحد في المائة من حامض الليمون ونسبة عالية من الماء والفضلات والمواد البروتينية، كما أن هناك مجموعة كبيرة من المعادن في [URL="http://www.h1h0.com/vb/showthread.php?t=2639"]الرمان [/URL]لكن بنسب قليلة مثل الفوسفور والحديد والمغنيزيوم. وهناك نسبة من المواد الدهنية في [URL="http://www.h1h0.com/vb/showthread.php?t=2639"]الرمان [/URL]أيضاً
وان شاء الله اكون فدتج ابشي حبيبتي...

 

[التـــوت البـري]

حبيبتيraneen مشكوره وااااااااايد
الله يحرم وجهك عن الناار


وماعليش بسألك شلون عالجتو أخوج
وكيف طريقه الرماان

شاكره لج حبيبتي

 

[raneen]

حبيبتي مشكوره على الدعوه الحلوه ولج مثلها ان شاءالله ...

• اخوي اسم الله عليه كان عمره 11 او12 يعني هالحول ... وكان وجهه اصفر وانتي ابكرامه يوم ايروح للحمام يكون اسهال ومرات في دم ...
• فيوم وديناه للطبيب سووله مزرعه للبراز يكرم القاري وطلعت النتيجه بعد 3 ايام وقال لنه ان فيه هالمرض وعطانه دوه يذبح الديدان ويستمر عليه لمدته اسبوعين وبعد الاسبوعين يسوي زراعه ثانيه عشان يشوفون الدوه ذبح الدود وله بعد في... وعطوه كورس لمدة اسبوعين ثانين عشان يقضي على المرض مره وحده لان هذي الديدان ممكن اتكون امخليه بيوضها عرفتي فعشان جذي يسون مزرعه....
• وامي الله يعطيها العافيه ويشافيها اهي كانت كل يوم اتسويله قلاصين عصير رمان مره الصبح ومره بالليل والله يشهد علي انه بعد اسبوع رد ويهه امنور واحمر ...
• وطريقة العصير (( اتقص الرمان بالنص وتعصره جنه برتقاله واتحطه بقلاص واذوقه اذا كان حامض وايد اتزيده شويه شكر ... واذا كان حالي او مافي طعم تعصر في نص ليمونه او ليمونه كامله على حسب ماتشوف شنو يناسبه ))
• وحبيبتي والله........ الله يشافيه ويعافيه من كل شر باذن الله ...
• واتمنى اني امون فدتج حبوبه ...

 

[أنثى بقلب طفـلة]

سلام عليكم خيتي
انا جاتني هذي الدزنطاريا
اخذت مضادات حيويه فيلازوال هو يذبحها حتى لو كانت متحوصله يعني ببيوضها وكنت اخذ باليوم علبة زبادي مع فص ثوم كبير مبشور هو حار شوي بس يذبحها وخليه يشرب رمان بس كمان خلوه ياكل اكل مالح شوي لان الثوم يخفض الضغط بس وربي فعال ينظف الامعاء تنظيف, لمدة اسبوع وخليه يسوي تحليل بس اهم شي لا ياكل من برا البيت وكمان يا اختي لا ياكل لحم ابد لانها تتغذى منه وذي معلومه من دكتور وانا صار لي كذا اخذت ادويه واكلت لحم ورجعت , لازم يتركه لمدة شهرين على شان ما ترجع , واسال الله ان يشفيه شفاء لا يغادر سقما .

 

[raneen]

اللهم امين يارب ويشافي مرضانى جميعا وصحيح كلام الاخت الي فوقي انا ذكرت سالفة الثوم ودشيت بكتبها خخخخخ ...

 

[التـــوت البـري]

اللهم امين يارب ويشافي مرضانى جميعا وصحيح كلام الاخت الي فوقي انا ذكرت سالفة الثوم ودشيت بكتبها خخخخخ ...

آميـــن واياك ما قصرتي كفيتي و وفيتي
اسعدتيني الله يسعدج



انثى بقلب طفله
مشكوره وااايد

 

[LittLeQueen]

عن تجربه اذا انتي بالكويت روحي عند الدكتور اياد الرويح استشاري جهاز هضمي فعلا ممتااااز ومكانه بالبدع