الدرجه بالاقدميه

[@سوسن@]

السلام عليكم ياحريم وياموظفات


سؤالي:

انا موظفه من 10 سنين ونص بالضبط ما اخذت غير درجه وحده فقط بالاقدميه طبعا في شهر 7 -2007

المتوقع انه في يوليو 2012 المفروض تنزل لي الدرجه الثانيه اللي هي من (من الرابعه لي الثالثه)؟؟

وانا ابــ2011 اخذت تقدير ضعيف لظروف صحيه ....انزين في امل اخذها السنه الجايه اذا الله عطانا عمر ....ووين اروح بالضبط اسأل ؟؟

فديتكم ردو علي حدي حايسه وانتو تعرفون نحاسة المسؤلين في هالسوالف ما حد يرد علينا :eh_s(2):

 

[غلاي غير]

الدرجه بالاقدميه مالها شغل بالتقدير
وان شااء الله بتاخذينها اوردي

سالي ترتيب الوظايف وهم يقولون لج

 

[@سوسن@]

الله يعطيج العافيه حبوبه

ترتيب الوظائف تابع شنو بالشؤون الاداريه ؟؟
في كذا قسم​

 

[@سوسن@]

سألت الشؤون الاداريه قالو سألي ادارتج رحت للاداره سألت سكرتيره المدير تقول مادري اسألي الشؤون الاداريه
والله ضعت بالطوشه وين اروح

 

[جوكاندا]

إللي أعرفه إنه شرط تكونين ماخذة امتياز بس مو متأكدة إنه اخر سنتين ولا آخر سنة
وبعدين الدرجات والترقيات إتيي بعد الأعمال الممتازة
لأنه على أي أساس يرقونج وانتي ماخذة ضعيف غير لمن تكونين ماخذة امتياز تكون حجتج قوية
الله يوفقج يا رب

 

[dantella]

لازم يكون في قسم للترقيات او العلاوات عندكم هذيل الي يعطونج الجواب الاكيد

 

[@سوسن@]

جوكاندا

دانتيلا

الله يعطيكم العافيه

 

[ماكواسم2]

علشان تاخذين مسمى اودرجه بالاختيار لازم ءاخر سنتين امتياز بس بالاقدميه مادري احتمال نفس الشئ والاهم انتي ءاخر سنتين مو امتياز فتاكدي من الاقدميه لازم ءاخر اثنين لان الباقي انا متاكده انه لازم

 

[أم مباركـ]

السلام انا الي اعرفه ان سلم الدرجات ما له شغل بالتقدير بس الاعمال الممتازه من 94% ومافوق لها فلوس وكل وزاره لها لها لمتد غير​

 

[@سوسن@]

رحت لقسم الترقيات سمعو شقالو

انا هالسنه اخذت امتياز العام ضعيف اللي قبلها امتياز حلو اول شي الدرجه اللي بتجي ان شاء اقدميه موووووووووو اختيار
قال لي راح تتأخر سنه .قلت ليش ؟ قال كل سنه في علاوه لازم تخلص ال5 علاوات طبعا العام بما انه ضيبف علقو العلاوه ما اخذتها يعني بيتأجل الموضوع سنه

سألت ناس اعرفهم في الديوان (بس اخبارهم لكم عليها شوي مو ثقه) قالو اذا وقفو العلاوه عقوبه... هالسنه تلقائي تنصرف العلاوتين مع بعض وتاخذين الدرجه ...

انا الحين حايسه من قلب وين الصج ما ادري ؟

منو مرت بنفس هالمشكله العويصه ؟؟