الدارسين و سؤال بسيط

[ranze]

السلام عليكم ورحمة الله وبركاته

اشلونكم خواتي ان شاء الله بخير

بغيت اسال الدورة الحين متاخرة اسبوع تقريبا وانا توني والده من 6 شهور

وصارلي اسبوعين وانا اشرب دارسين

لاني ما ابي احمل

وما نزلت الدورة وكل الي احس فيه

الم الدورة بس

لكن ما نزل شي

ما ابي احلل لاني خايفة اطلع حامل

وانا توني والده

اتمني انكم اتردون علي

بعد ولادتي ما تمسدت

ممكن يأثر علي الحمل ؟؟

بليز ردوا علي حدي متوترة

 

[السنعه]

والله اهو حار بس انشالله عادي والله الحافظ بس انتي حرام وقفي لمن تتاكدين

 

[barosha]

رد : الدارسين و سؤال بسيط

ترى حرام اذا كنتي حامل وقاعده تتعمدين تشربين دارسين تنزلين الياهل
ترى حرام شرعا

 

[جذابه بنت ذيابه]

رد : الدارسين و سؤال بسيط

وعليكم السلام حبيبتي


يمكن حااامل .. سوي تحليل هرمون الحمل

وهذا رزق يا قلبي ماتقدررين تردينه

 

[ranze]

انا خايفة اني احلل واطلع حامل

لان نفسيتي كانت زفت في حمالي الاول

وما خذيت فترت نقاها

والله بصيح من الضيقة لتذكر الروحة والردة على المستشفي وآلام الطلق

 

[LiL MaMa]

رد : الدارسين و سؤال بسيط

لازم تحللين

لأن اذا حامل لازم ماتشربين الدارسين

 

[barosha]

رد : الدارسين و سؤال بسيط

يماما حرام الي تسوينه ترى الله يبليج والله اذا انتي حامل وقاعده تشربين اعناد معناته تبين تذبحين الياهل الي ببطنج يويلج من الله ترى كبيره عند ربج وهذا ضناج حرام تسوين جذي

 

[ranze]

اسغفر الله العظيم

و الله ما فكر بهالشي

كل همي اني ما احمل الحين علي الاقل لكبرت بنتي شوي

الله يعين ان شاء الله

بكرة بروح احلل اذا قدرت

 

[غلاي غير]

ميخالف حبيبتي تاكدي قبل وصدقيني ربنا مايكتب لنا الي الي فيه خير لنا
انتي ما اخذتي مانع فشي طبيعي بتحملين
تاكدي قبل وبتحليل الصيدليه يبين

 

[ranze]

مشكورين حبايبي نبهتوني علي شي ما كان في بالي

والله يعطيكم الصحة والعافية

وان شاء الله لما احلل بكرة برد عليكم

 

[Diva-Q8]

رد : الدارسين و سؤال بسيط

الله يكتبلج اللي في الخير والصالح
روحي حللي وناطرين النتيجه اذا مو حامل علميني واقولج شنو تاخذين عشان تنزل الدوره واذا حامل هم بشرينا عشان احنا نرفع معنوياتج وانسويلج نقاها واندلعج لانج حامل و تستاهلين
ولاتظايقين قبل ماتاكدين
قال رب العالمين
بسم الله الرحمن الرحيم
وعسى ان تكرهوا شيئا وهو خير لكم
صدق الله العظيم