الخيط اللي يلتف بالشعر ( لاتردوني الله يخليكم )

[Chocolate Milk]

الخيط اللي يلتف على الشعر ( لاتردوني الله يخليكم )

بناااااااااااااااااااااااااااااااااااااااااااات >> داشه بقووة :eh_s(13):

صج صج سمعووووووووني :eh_s(22):

انا اشوف البنات بشعرهم خصله وحده ملفوفه بخيط العادي مال البكره

واهما عاد يفنتقون يحطون اكثر من لون

عرفتووه ؟

اللي خصله وحده ملفوف دار مداارها خيط

واي يشوق

سألت وحده منهم مارضت تعلمني ( النحاسه وماتسوي :eh_s(14): )

فقلت مالي غيركمم تساعدوني :eh_s(9):

مو القى داشين وايد يبووون يعرفون ويطلعون دشوا وفيدونا ​

 

[nero]

انا مسويه منه من مده
لما كنت بسويسرا على البحيره كان في مكسيكيين
تقعدج جدامها واتفنن بالالوان
وتحطلج بعد خرز على اخرها
فكرتها سهله تقدرين عليها بالبيت بس مادري شلون اشرح لج عشان تسوينها

بالكويت مادري وينيسوونها

 

[طماشه]

ماعندي فكره عنهاا

 

[Chocolate Milk]

مشكورين على مروركم

طموش احسن من اللي ماردووا فديتج :$

nero بليز حاولي تشرحين

وناطرين الباجي

 

[بنت الشمالي]

فهمت شتقصدين بس ماني عارفه الطريقه
سامحيني قلب

 

[nero]

شوفي جبيبتي اول شي تطلعين خصله شعر من المكان الي تبينه
بس الخصله نظيفه مو شعره من القذله وشعره من صوب اذنج... فهمتيني صح
وعقب ما تطلعين الخصله تربطين شعرج عنقوص... ليما الحين اوكي
بعدي تييبين كرتونه مربعه وتقصنها من النص ليما وحده من الزوايه
<هالكرتونه فكرتها انج تعزلين الخصله عن الشعر عشان مايتداخل و يطلع شغلج مو مرتب>
وتدخلين خصلة الشعر بحيث تكون الكرتونه عند قمت الراس
تعجفين الخصله عشان تشتغلين وانتي مرتاحه...
وتييبين خيوطج
اهي مستخدمه شي اضعف من الكوتونبرليه وامتن من البكره القطن العاديه
تعقدين عقده محترمه عند منبت الشعر وتكونين حاطه كل الالون الي تبينها
لان ما ينفع عقب ما تبدين تدخلين خيوط عليها
وتلفين الخيط على الشعر
وتقدرين تدخلين اكثر من لون واتفننين بالموضوع



انشالله تكون الفكره صلت
واذا عندج اي سؤال او تبين اتبرعين براسج اجرب عليج
ما عندي مانع

 

[nero]

يتني فكره
الكرتونه حسيت فيها تعقيد شوي
تقدرين تاخذين الكاب مال الحمام .. طبعن مال سوق بو 100
وتقظينه مثل قبعة الميش
بس قظ واحد مو 600 عشن تعزلين الخصله عن الشعر
جربي و عطيني النتيجه

 

[Chocolate Milk]

اي بليز nero شلون الف الخيط الطريقه ؟

واخير شي شلون اربطه ولا شسوي فيه عشان ماينفل

فديتج مشكوووره :**

 

[هدوي]

ياقلبي عند كليرز جهاز حق سوالف تفنتق الشعر
وحتى الصالونات يسوونها

 

[nero]

ستروبريه لازم تعقدينه من تحت وهم من فووق
وطريقة اللف عادي مثل الي شفتيها لفيها حوالين الخصله

هدي الجهاز مجربته وحده اعرفها بس الخيوط تكون راخيه ويبين الشعر الي داخل
بيدج تكون مشدوده


ترا مو مصعبه والله السالفه سهله بس مادري شلون اوضح الطريقه اكثر

 

[Chocolate Milk]

يعني اول شي اخذ خصله زينه ومرتبه سنعه واحطها بين كرتوون واعجفها بعدين اربطه ربطتين فوق والفها على شعري وبعدين اخلص واربطها تحت عقدتين صح :> ؟

 

[nero]

صح صح


عادي تخلينها مده بس لا تتعدى اسبوعين
انا خليتها بالاشهر على راسي بس عقب ما فليتها
خصلت الشعر كلها طاحت لان الشعر كان مقموت
هذي نصيحتي اذا تبين شعرج

 

[Chocolate Milk]

مشكوره بعد قلب جبدي بس توني سويتها >> حار بحار مشالله لوووووول

وربطت عقدتين اول الخصله جان بم بم بم تنزل لي تحت وتصير العقده على اخر الشعر وكنت لافه واللف كله طاح وتعلبج ومادري شنو جان اخذ الخيط واقطه بزباله

لووووووووووووووووووووووووووووووووووووووول

هذا حظي من على الدنيا وعيت

وش اسووي يا اخووتي ؟

 

[nero]

اكيد رخوو لو شادته جان طلع زين
عطيني اسج اهوو خل اسويلج

 

[Chocolate Milk]

ياليت

لوووووول يعني اشدهم واربعهم مليون ربطه ولا شنو

 

[أم بدير]

وييييييييييييي شحقه العباله؟

كل يومين اسوي التسريحه حق بنتي
وبدون هالعباله كلها
مكينه من كليرز يبيعونها
تحطين لون الخيط اللي تبينه وتسحبين خصلة الشعر اللي تبينها وتلف الخيط عليها لي الأخير
وكان الله بالسر عليما

شزينها ودقيقه انتي خالصه ومرتبه وتينن​

 

[nero]

حبوبه يعتمد على الخيط الي تستخدمينه
اذا ضعيف اكيد بيخق

 

[Chocolate Milk]

شسم الخيووط ؟

الحب كذبه جكيتج تحوسين ردي مو متفرجه فقط

 

[nero]

والله مادري شسمهم بس قلت لج مابين الكوتونبرليه والخيوط القطن الي يخيطون فيها الهدوم
تلقينهم عند بركات او راعي الكلف الي بالجمعية

 

[NouNoO]

أمبيه من صجكم انتوا تشروحووون هالعباله

انا قبل كنت اسويها للبنات مثل ما قالت اختي نيرو والخيوط استخدم الكوتون برليه

بس الله يعافي كليرز عندهم هالمكينه اشزييييييييييييينهااااااااااااا بس حطي اللون اللي تبينه وحطي خصلتج وبم بم الا انتي خالصه ولا عباله الخيوط

وترها مو غاليه سعرها حلو