الخلاصة

[M.m]

قوة بنات شلونكم حبيت اسالكم شلون اسوى الخلاصة اللى يحطون فيها زبدة ؟

 

[جارة القمر]

كويتيه mool



ممكن توضحين طلبك




حبيبتي

 

[M.m]

هلا اختى فيه اكله اسمها خلاصة كويتيه قديمه اهى فيها طحين او عيش وتنسوى بالزبدة اكلتها مرة عند ناس وسمعت طريقتها سهله ودى اسويها يعنى اتوقع بسيطة

 

[M.m]

بليز اب جوعااانه ودى اسويهااااا

 

[جارة القمر]

الأكلات الكويتيه القديمه

خلاصة

أول مره أسمع بهالأسم




أخاف قصدج خبيصة




ولا عصيدة



ولا البثيث



فيه تمر



فيه لحم أو دجاج أوسمك





يعني ياليت توضيح أكثر علشان اساعدك

 

[<< أزيان >>]

شنو خلاصه ؟؟؟؟؟؟؟

اول مره اسمع فيها !!!!!!!

ياريت تقولين شنو مكوناتها عشان نساعدج

اخاف قصدج تمر خلاص

 

[جارة القمر]

ماركيه وكشخيه



أنا اقول



يمكن قصده




تمر خلاص


أو الرنقينيه

 

[أم ريوف 1400]

حبااايبي ممكن قصدهاااااااااا

خلاصه الزبدة اللي يحطونهاا مع التمر
ممكن زبده غنم وتحمس جيدااااا ويوضع لها دقيق

وممكن زبدة ودخن توضع مع التمر
اتمنى تخمينى صح

 

[ام الدرر]

هلا ياقلبي
في ناس وايد مايعرفون الخلاصة
هي لها طريقة للي يربون الغنم عشان يسوون السمنه
احنا امي الله يرحمها كانت تسويها وماكنا نشتري السمن من برا
والحين خواتي يسوون طريقة اسهل
اخذي عيش مطحون نقعيه بماي لحد مايطرى
على النار ذوبي قالب زبدة وحمسي شوية حبة حلوة مطحونه(شمر) وكركم بودر
وخليها على نار هادية اشخلي العيش من ماي النقع وضيفيه للزبدة وقلبيه
تكونين مجهزة تمر وشايله الطعام منه
جربي اخذي حبة العيش بايدج اذا حسيتيها لينه ضيفي التمر وقلبيه بس لاتهرسينه
في ناس تاكلها جذيه
وممكن تضيفين طحين محموس وتعجنينه مع التمر وهني يسمونها خلاصة
واي سؤال انا حاضرة

 

[<< أزيان >>]

جارونه

ام ريوف

الظاهر تخمينا صح ومثل ماقالت ام الدرر

تمر اخلاص واحنا نسويه تمريه وفي ناس يقولون لها اخلاصه لان نوع التمر اخلاص

في ناس تحمس لها بصل وهذي الطريقه الاصليه القديمه بس صراحه ماحبيت فكرة البصل كلللللللللش

ونحط السمنه او الزبده ونكون حامسين طحين وتالي نضيف التمر ونرطبها بشوية حليب

يمي يمي تطلع لذيذه




الا صج وين صاحبة الموضوع ؟؟؟؟؟

 

[*loveli-noni*]

مشاءالله البنات ماااقصروووووا

 

[جارة القمر]

مشكووريييييييييييييييييييييييين





وناطرين صاحبة الموضوع

 

[جرح الليالي]

ومنكم نستفيد

 

[M.m]

مشكورين حبايبى على المساعدة وخصوصا ام الدرر اهى نفس ماقلتى وراح اسويها مع العيش بجرب بس اللى اكلتها مع الطحين . وترا اسمها خلاصة بالكويتى ( اكله يسوونها اللى عندهم غنم ) بس ماعرف ان لها اسم ثانى ويامل العافيه ومشكورين وجربوها والله حلوه اكلتها مره ولحد الحين نفسى فيها بس ماقصرت اختى ام الدرروفت .

 

[جارة القمر]

بالعافييييييييييييييييييييييية



حبيبتي