الخـــطابــــــه أم فـــلآن

[ضــمــاد]

قــوه ..



بدش بالموضوع على طووووول



طموشات × أمهات × متزوجات × أرامل × منفصلات



هذا الموقف صار مـعاي شخصيا ً ..



كنت موظفه بمكان ما .. ومعاي بالقسم وحده فيها بالاربعينات


المره منقبه .. ومو نقاب خربوطي اللي لخدود طالعه ولعيون مكحله ..


لالا نقاب يدوب تبين عيونها ..



وأنا بطبعي لهلوبه أشتغل من قلبي .. فـ هالموظفه ارتاحت لي او ان صح التعبير


عجبتها ..


فـ مع الأيام كانت اتسولف معاي عن خصوصياتها



ومع الوقت .. قالت لنا ( انا وصديقتي اللي معاي بالقسم ) أنها خطابه



وأنها مسميه نفسها أم فلان وأهي بالاساس ماعندها ولد !



انا فيني طبع ماحب أكل او اشرب اذا في شغل .. احب اخلص شغلي تالي أتنطع بالاكل والشرب



فمره لزمة علي الا اشرب ونادت الهندي .. فـ طلبنا انا وصديقتي قهوه تركيه



زميلتي حاط كرسيها عند مكتبي شربت قهوتها وخلصةوحطتها على مكتبي ..


وأنا كنت اشتغل فقهوتي بردت وماشربتها


جان تقول الخطابه حق زميلتي : ( فلانه حبيبتي جيبي الفنجان بمكتبي لا ينكت على الملفات )


فالبنت حطة قهوتها عند الخطابه .. وبلحظة صمت


الخطابه سرحانه


زميلتي لاهيه بالـ b.b


انا لاهيه بالملفات


جان تقول اخطابه حق زميلتي


الخطابه: فلانه يم بيتكم في شجره كبيره


البنت : ايه


الخطابه : ناوين تشيلونها


البنت : اي شلون عرفتي


الخطابه : مممم بصراحه اعرف اقرا الفنجان !


وخذت قهوة زميلتي بعد ما أستأذنت منها وقالت لها


أشياء وايد عن بيتهم وعن اهلها


البنت منصدمه تقول لها شون عرفتي في اشياء محد يدري عنها حتى اقرب الناس لي !


قالت عادي الفنجان يكشف كل شي !


طبعا ً انا دم ضروسي هالسوالف وبقلبي كنت اقول اشو اني ماشربة قهوتهم


واشوا انه من توظفة ماطب حلجي شي منهم ..


فـ لما الخطابه حست أني منصدمه


قالت ترى محد يدري بالقسم عن هالشي


وقالت على فكره الفنجان لو صبيتي عليه ماي


هم تقدر تقرا .. فلازم تغسلينه


( هذي احسن معلومه عرفتها منها : ونتوا يالموظفات انتبهوا


لانه هالسوالف تكثر بالمكان الشغل .. لما تشربون قهوه


غسلوها بنفسكم أحسن لكم .. والاحسن انكم تصيرون مثلي


وماتشربون قهوه بالدوام عشان ترتاحون لاني من شفة هالشي بعيني بديت أوسوس :eh_s(1)::eh_s(4): )


المهم من بعدها وانا بديت الاحظ هالخطابه


ورب الكعبه كانت تشوف الوحده فينا و


تصفن عليها تسرح فاللي تشوفهم


وبعدين تقول انتي فيج جذي وجذي

أنتي متزاعله مع هذا

امس صار لج جذي وجذي


بالنهايه عرفنا انه لما تسرح فاللي تشوفهم ..

يعني سرحانها لانه تتواصل مع قرين او شي جذي يعني


السالفه فيها جن اعوذ بالله من اشيطان الرجيم


ورب الكعبه من يومها وأنا أنطر الفتره تنتهي عشان افتك من هالدوام


ومن يومها نزلت الرقيه الشرعيه بموبايلي وكنت احط الهاند فري واشغلها


الصـــــــــــدمه


انه هذي الخطابه ..


والله العظيم وربي يشهد على كل حرف اكتبه


هذي الخطابه قبل لانعرف سوالفها جن و فنجان ومادري شنو


قالت لنا انها خطابه وانه اسمها ام فلان ..


فـ مره كان في موضضوع عن الخطابات .. وفيه ارقامهم واسمائهم



فـ قعدت ادور أسمها وشفته .. ولما طلعة موبايلي بأتأكد من الرقم


ورب الكعبه ولا طلع رقمها .. يعني أهي نفسها


والصدمه انه وانا اقرا الردود بنات وايد يمدحونها ويقولون ملتزمه و خوش وحده


ومن بعدها حطيت ××××××× أكسات


أنا من قبل مو متقبله فكرة الخطابات


اللي البنت تعطيهم معلوماتها واهم يدورون لها ..


وبعد هالسالفه حطيت عليهم أكسات



الناس لهم الظاهر .. الهدف من هالسالفه


أني أحذركم أحذركم أحذركم .. من الخطابات


هذي وحده الكل يقول عنها ملتزمه شافوا لبسها محتشم وانخدعوا بالظاهر


فأنتبهوا يابنات .. وعشان اوضح لكم .. انا أقصد الخطابات اللي ياخذون فلوس


وياخذون معلوماتكم الشخصيه وياخذون صوركم ..


خلكم حريصين لاتتساهلون وتعطون غيركم معلوماتكم



وفلوسكم أنتوا ماتدرون وماتعرفون عن هالناس شي



ماتدرون عن عيشتهم



ماتدرون عن أخلاقهم



ماتدرون عن دينهم



ماتدرون عن وضعهم


فشلون بكل بساطه تسلمونهم معلوماتكم وفلوسكم



هالفئه هدفها تربح من وراكم



فأنتبوا يا خواتي



والله يستر على المسلمات ويستر عليهم ويحفظهم من هالبلاوي ​

 

[Zinab BH]

وي يمة يمة شهالانسانة انا خفت شلون انتي مجابلتها
اقري اية الكرسي و حصني نفسج فيها
انا من يوم يومي وماحب سالفة الخطابات ولا ادانيها كلش
مرة وحدة وياي بالجامعة كانت تقرا الكف على قولتهم
قرات الكف للكل الا انا قالت لي بقرا لج قلت لها لو الله يبينا نعرف مستقبلنا
جان كشف لنا علم الغيب على ان اللي تقوله كان يصير و كان صاير
بس انا بتاتاً ماحب لان أأمن بربي و كتبته والله ما خش عنا الغيب الا خيرة حقنا

 

[i'm so happy]

النـصيب بيد رب العالمين

اما سالفتج صج تخرع اقري المعوذات وشغلي ايه الكرسي واذا يصير تودين مسجل صغير الشغل توطين على صوت الراديو شغليه هناك على سورة البقره تخوووف تخوووف بصراحة الخطابات مالهم امااااان ..

 

[manoooram]

ربي سترك ما أواطن هالسوالف كلش كلش
طفارتي سوالف يكتون الفال و يقرون القهوة
والله رحم حالج وفكج منها
دايما ارقي نفسج يا قلبي
وتسلمين على الموضوع والتنبيه

 

[Perfume]

بسم الله الرحمن الرحيم
يمممه منها وعادي عندها تكشف روحها جدامكم !
تحذروا منها حبيبتي

 

[(حكاية قلب )]

اعوذ بالله من الشيطان الرجيم

ابتعدي عنها

 

[مرتبة]

اضغطيها بالرقيه على طول يغلي قران بشغلج

 

[متواضعة]

الله يستر على بناتنا

 

[ضــمــاد]

بنات الوظيفه اساسا للميداني .. يعني لما كنت ادرس بالميداني


وهالسالفه صار لها سنتين ونص تقريبا ً


كان ودي انبهكم من زمان بس كنت متردده أخاف تطلع لي لووول



بس اللي شجعني لانه اليوم شفت موضوع وحده من البنات ورد الخطابه لها



فـ انقهرت وتذكرت السالفه وقلت انبهكم

 

[نـعـومـه]

حددددي اندمجت مع سالفتج

تقرا فنجان اعوذ بالله وامبيه دام سرحت صح تكلم الجن !!!

امبيه ديربالج منها واستغفرالله منقبه بس جذي حرام شوهت سمعه المنقبات

 

[كيكة الكرز]

يا بنات عن تجربه خاصة فيني انا قراءة الفنجان تجيب الفقر
انا تقريبا من 8 سنوات كنت امسك فنجان زميلاتي بالدوام و اتغشمر وياهم و اقولهم شغلات خرابيط و اسوي روحي اني اقرا الفنجان و انا ما اعرف اصلا بس لعب و ضحك و المفاجاة ان اللي اقوله لهم يطلع صح و ينصدمون لان الكلام اللي اقوله لهم كلام عام و مو خاص و يصدقون الخبلات
المهم

لاحظت من سويت جذي و اني مو متوفقة بحياتي و جاتني مصايب كل وحدة اكبر من الثانية و لا تقولون بس لعب و تسالي لا يا حبيباتي حرام و ما تنقبل صلاتكم 40 يوم حتى لو ضحك
حبيت انصحكم لاني مريت بهالشي و اللي ما ارضاه لنفسي ما ارضاه للغير
و مشكورة صاحبه الموضوع فتحت عينا على شي غافلين عنه

 

[رنيم الروح]

اولا قرات الفنجال حرااام - ثانيا الله اهو الي كاتب النصيب ومقدر بلا خطابه بلا هم
واختي العزيزه وكل وحده تقراء الموضوع تنتبه من هالشغلات لانها محرمه شرعا حتى لو فكرت اتقولك سكتيها لا تسمعين منها شي

 

[zaina alotibi]

المشكله انه الناس ممكن يصدقونها خصوصا ضعاف النفوس والي ايمانهم ضعيف
الله يحفظنا من هالاشكال

 

[*مطبخ الذواقة*]

اعوذ بالله صاجه ديرو بالكم من بعض الزميلات ...



الله يصلح حالها ..

وما استبعد عقب جم يوم تجي لكم وتقول فلانه احد حاط لج سحر وانا بس اعرف شلون افكه !!!!
انا شخصيا اعتقد ان اول خطوات الشعوذه والشرك هي قراءه الفنجال او الفال ... ومع الوقت تنقلب لعمل الاسحار !!!




لكن " ويمكرون ويمكر الله والله خير الماكرين "

ولا يفلح الساحر حيث اتى "




الله يحميكم ويحمينا من هالبشر

مشكورة اختى على نقل تجربتج الصادق بارك الله فيج









ام يوسف






​

 

[ضــمــاد]

صح كلامكم بنات ضعاف النفوس ممكن يصدقون هالسوالف


لكن لازم الوحده تكون حذره .. احنا كلنا مسلمات وربنا واحد .. الفرق اللي بينا



انه كل وحده تختلف بدرجة الاتزامها وعسى الله يهدينا كلنا .. لكن هذا مو معناه انه الوحده تجازف



وتجرب هالسوالف من باب الضحك .. يعني يمكن فالبدايه تسمعينها من باب التسليه



وباجر التسليه تتحول الى عاده .. وادمان .. ياخذونج بالاول بقراءة الفنجان



وتالي يتعمقون بأمور ثانيه الله العالم عنها وتدخلين عالم أغبر يخرع ونهايته غضب من الله وضياع لج



فأنتبهوا يابنات ..

 

[Patcholli]

اللي فيها قرين تقدر تقول عنج اشياء بدون ماتقرا فنجانج حتى ..
شوفي اختي انا كنت اعرف وحده نفس زميلتج تقريبا
بس اهي ماكانت مشعوذه ولا كان هالشي بيدها
مادري شلون قصتها بس اللي فهمته انها كانت ملبوسه وهالجن يتدخلون فيها بهالطريقه
حتى وحده اتعرفها اتقول فعلا مره اصفنت وقامت تقول عني اشياء صحيحه
وبعد ساعه جنه المره وحده ثانيه وماتتذكر انها قالت شي وساعات اتطيح عالارض تستنزل واللي فيها يتكلمون مع الموجودين ويقولون نفس هالسوالف
اهي السالفه كلها جن بجن واستعانه فيهم
يعني مامن وراها بركه ولا خير ولا توفيق
بس اللي حبيت اوضحه ان في ناس يكون غصبن عليهم وفي ناس لا اهم يركظون ورا هالشي
فمانقدر نظلم الوحده يمكن اهي ملبوسه وصار هالشي بحياتي غصب وحاولت تتعايش معاه بطريقتها

 

[ضــمــاد]

باتشووو كلامج يخوف



الله الحافظ .. عسى الله يبعدنا عن هالفئه ويحفظنا

 

[Bloom]

لا حول ولا قوه الا بالله خرعتينييييييييي

 

[امـ خــزامـى]

بسم الله الحمدالله انه مو دوام رسمي ولا كان صدق تبهذلتي

الله يهديها ويستر علينا ويحفظنا

 

[M!SS.LOBY]

بنات حرااام لا تذمون الخطابات مو كلهم فيه منهم حريم أكبار ويخافون الله لهم في المجال الخطابه 30 سنه وفي منهم15 سنه بس ما يأخذون فلوس ولا دينار الا بعد الملجه بس وما يشرطون عليج انتى ومدت أيدج حرام لا تشهون سمعتهم
هذي اللي معاج بالدوام نصابه اختي شكو تقرأ فنجال ممنوع والقانون يحاسبها
وبعدين في وايد بنات وشباب تزوجو عن طريق خطابات شغلتهم حلال وجمع رأسين بالحلال ولهم أجر استرو عالبنات وزوجو يتيمات مساكين بالعكس دورهم مهم وايد لا تصدقون هذي وحده نصابه ام فنجال ما تخرب عالباقين وانتو تفهمون الصج من الجذب