والله حبيبيتي انا رحت فيها ماليزيا ب2008 قالولي زينه ووايد احسن من الكويتيه ..
جربتها اعطيها 3من 10 ومافكر اعيد هالتجربه مره ثانيه ..استغفر الله الاكل ما ينوكل كلش وهذا مو بس رايي راي الجروب الي كانو معاي وبعدين لووووووعه اذا صادف احد من هالسيلانيين قاعد يمج صج تكرهين نفسج اذكر مساكين الرياييل الكويتين الي كانو علي نفس الطياره مع ان مانعرفهم خلونا احنا الحريم الكويتيات نقعد يم بعض واهم ضحو توزعو عالكراسي يمهم ..وفي معطر ترشه المضيفه بالطياره ريحته ياسمين ووووووووووووويع ..
وبعدين لازم تنزل مطار كولومبو ترانزيت ..اخذي معاج اكل لان عادي تنزلين الفير تلاقين المطعم الوحيد الي موجود مسكر احنا توهقنا مالقينا الا سوبر ماركت صغير يبيع كاكاو وخفايف غصب لحقت علي برينغلز وكلته اليهال مع بيبسي لان ماكلو اكل الطياره وورانا جم ساعه طيران واخذي معاج دولار او عملتهم لان السوبر الماركت والمطعم ماياخذ اي عمله مثل باقي المطارات انا شفت كويتيين صرفو عملتهم عشان يشترون ببسي وماي...
وبالرده حاشنا خووووووووش تاخير من ان المفروض نطير 9الصبح طارت الطياره 1الظهر وطبعا اوقات الترانزيت كلها تغيرت وساعات الترانزيت طالت ومابالغ اذا قلتلج احنا قضينا 24 ساعه كامله مابين طيران وانتظار بالمطار ..هذي تجربتي ولج الاختيار
