الخصيه المعلقه

[كويتيه مول]

السلام عليكم
ولدى عنده خصيه معلقه وقالي دكتور بنعطيه علاج هرموني ونشوف
واذا مانزلت انسوي العمليه وانا خايفه من الاثنين:eh_s(16):
فبنات واللي يعافيكم اللي مرت بهالتجربه تفيدني وتريح بالي اللي يريح بالك يارب
هالسالفه متعبتني حيل وولدي عمره سنه واربع شهور الله يجزاكم خير

 

[ديما الكويت]

السلام عليكم .بدش بالموضوع على طول ..انا ولدت ولدى الله يحفظه من ثاني يوم وقالولي الخصية معلقة من ولدته ونطرنا عليه سنة تنزل ماكو فايدة وسوينا له طهور (ختان) عادي ونطرنا واخر شي رحنا تمينا ندور فيه على اطباء الخاص والعام وكل من يقول نطروا احتمال تنزل بس ماكو فايدة ..رحنا نراجع بالمستوصف وحولنا على مستشفى ابن سينا ابصراحة انا ارتحت وايد للدكاترة اهناك ماشاء الله فاهمين وايد ومتمرسين على هالعمليات سويناها له وطلع بالسلامة بنفس اليوم ماقولج اعصابي انهارت لانه اول عمية لولدي بس لمن تشوفينه طالع من غرفة العمليات ويقولج الطبيب خلاص تم بحمدالله بترتاحين وملاحظة ترا كان معانا ولد شيوخ مسوين له العملية وتعرفت عليهم وقالواللي انه احسن مستشفى ابن سنيا لولدهم وانصحج بلا علاج هرموني وخرابيط انطري على الخصية المعلقة واهي تنزل واذا مانزلت بعد سنة لازم عملية يسويها طبيب مختص بجراحة اطفال اذا تبين خاص ،بس نصيحة روحي لمستشفى اب سينا يسونها له وان شاء الله مايشوف شر وتزوجينه وتفرحين فيه.

 

[كويتيه مول]

هلا اختي جزاج الله خير والله يطمن قلبج يارب
انا كنت ماخذه موعد عند ابن سينا بس خفت من شكل المستشفي وماسويتها
زين شنو وضع الولد بعد العمليه واللي يعافيج ردي علي حدي خايفه ومرتبكه

 

[om mido]

هذي مقابله مع دكتور بابن سبنا
ومتكلم عن كذا موضوع يخص جراحة الاطفال ومنها الخصيه المعلقه




‫سلام يا كويت - جراحة الأطفال‬‎ - YouTube

 

[كويتيه مول]

الله يعطيج العافيه ام ميدو

 

[om mido]

الله يعافيج
واذا عندج اي استفسار زياده عن المقابله هذا زوجي واقدر اساله لج

 

[((غلاي))]

عادي حياتي روحي ابن سينا و مافيه الا العافيه لا علاج هرموني و لاشي
ولد اخوي جذي
و سوولها عمليه بالليزر و مافيه الا العافيه

 

[dal003a]

السلام عليكم حبيبتي ولدي كان في نفس الموضوع وراجعت في بن سينا وكانو يقولونا انه محتاج وقت بس نصيحة لاتعطينا هرمونات موزينة عليه تاثر على نموه وسووها العملية وطلع بنفس لايوم والحمدالله صار الوضع طبيعي جدا مانصحج تعطينا هرمونات كلش موزينة وتابعيه ابن سينا ترى ممتازين وان شااءالله سهالاات ماكو الا العافية

 

[فجر النصر]

لاتخافين عيوني انا سويتها لولدي وعمره سنتين
والله ماحسيت انه سوا شي
انا سويتها عن الدكتور بن يهب في السعودية الله يعطيه العافية
بعد ساعتين من العملية قام ولدي يمشي
توكلي على الله وسويها
بعدين انا الدكتور على طول قرر العملية
مافي اي كلام غيره

 

[الأميرة جوري]

لاتسوين له لا شي تتحسفين يمكن بعدين اذا كبر ماييب عيال من العمليه ...انا اخوي جذي من الصغر ماسوت له شي امي لان ماتاثر عليه والحين ريااااااال تزوج وياب بنت ولد والخصيه علي كلامه معلقه من تعليق ابوي عليه ههههه قال للحين بسقف ههههههههههه

 

[ديما الكويت]

ابشرج ولدي الحمدلله بعد العملية تم شوي دايخ من البنج وعقب عادي مافيه الأه العافية الله يحفظه
بعدين اختي الاميرة جوري انت عندج خبر الخصية المعلقة شنوا ضررها اذا مانزلت ؟؟؟؟؟؟؟؟؟؟؟؟؟؟
تصير ورم مع الوقت وتتحول لورم شين عم زوجي تم عقيم وعمره فوق الخمسين سنة وما فيه عيال وتوه راد من فرنسا شايلين له الخصية اللي تحولت لمرض !!!! الله يحفظنا واعيالنا... لو سمحتي شي ماتعرفينه لا تنصحين فيه
واللي شاكه بكلامي تدش غوغل وتكتب اضرار الخصية المعلقة ؟؟؟؟؟؟؟؟؟؟

 

[كويتيه مول]

الله يجزاكم الف خير ويريح بالكم ياارب
بروح اجدد له موعد العمليه بابن سينا
والله يكتب اللي فيه الخير يارب

 

[فجر النصر]

هلا عيوني كنت اتمنى ارسلك رسالة خاصة بس مشاركتي قليلة مانفع
انا سويت العملية لولدي عند الدكتور سليمان بن يهب استشاري جراحة اطفال
بمستشفى الحرس الوطني بالسعودية
والله ادعي له كل ماشفت ولدي
الله يحفظه خبره وتعامله مره راقي ومع الاطفال كماااااااان
توكلي على الله انا كنت خايفه بس الحمد للله كانت سهله والله تصدقين خرجنا من المستشفى بعد 24 ساعة

 

[كويتيه مول]

يعطيج العافيه اختي فجر ����

 

[امي تاج الفخر]

ياقلبي انا ولدي الكبير من اول ماجبته قالولي خصيه معلقه رحت ابن سينا وهم نفس الكلام ووديته دكتور مازن العيسي دكتور اطفال وقالي انصحج ابدكتور محمود البدر استشاري جراحة اطفال علي مستوي الكويت وسواها لي بالمواساه والحمدالله واللحين ولدي الثاني لماجيت بطهره قالي الدكتور ناايصير اولدج عنده خصيه معلقه يعني نفس السالفه باجر بحطله مرعد عند للبدر وبلش عمليه لانه دكتور سيده لا يلف ولا ايدور

 

[كويتيه مول]

عسي الله يحفظ لج عيالج يارب
ماقصرتي يالغاليه

 

[Queen of Sadnes]

بنات خوفتوني من الموضوع انا ولدي مة اول ماانولد جذي واخذته لوايد دكاتره الكل يقول صبري بتنزل وماانزلت والحين من كم شهر هو الحين عمره ست سنين اشوفها يوم نازله ويوم فوق ورديت خذيته قال الدكتور عادي االعضله مرتخيه مع الوقت تشد ماشجعوا عالعمليه وانا لليلحين افكر واحاتي ليش انها تحرك من مكانها مره فوق ومره تحت

 

[كويتيه مول]

هلا اختي
اذا ولدج تصعد وتنزل يسمونها نطاطيه وصح ماتحتاج لعمليه
لكن المعلقه كله صاعده مانشوفها الا بالسونار نفس حاله ولدي وهذي لازم عمليه