الخريجات تعالو ااناا توني راده من العماده صالة الام تي سي

[الطانيه]

شلونكم بنات بغيت اطمن خريجات الكورس الجاي بعد ماوهقونا مع سالفة حجز المواعيد
اانا توني راده من العماده وسجلوني المواد اللي ابيها
والحمد لله مافي زحمه ولاشي والموظفات ماقصروا ساعدونا وسجلولي المواد اللي ابيها مع ان حالتي مستعصيه
كان ناقصني 3 مواد بس الحمد لله سهالات الفال للباجي

 

[Mojrd E7sas]

زين والله الحمد لله ارتحتي من هم التسجيل..<~الفال للكـل

بس حبيت آسالك عن طريقة التسجيل يعني سجلولكـ عند الدكاتره الي تبينهم ولآ؟

وطيب اذآ الشعب مغلقه عآدي يسجلونكـ؟

وبس موفقه:d

​

 

[الطانيه]

اهلين حبوبه اي حبيبتي سجلوني بالمواد اللي كنت ابيها بس على حسب فيه مواد الموظفه تسألج عند منو تبينها اذا في مجال تسجلج ماتقصر
بس فيه مواد مافي مجال كلش يعني تضطر.. واذا الشعب مغلقه غصبا عنهم يسجلونا لاننا خريجين فـ لازم
والله يوفقكم انتو بعد

 

[دار السكون]

الله يوفقج ان شاء الله
بس بغيت اسألج انتي خريجه كورس صيفي ؟

 

[الطانيه]

اهلين دار السكون اجمعين ياقلبي لا انا خريجه الكورس الثاني

 

[fri2010]

يعني بس حق الخريجين يبطلون لهم المواد المغلقه!!!

واذا في ماده للحين مو حاطين لهم لا اسم دكتور ولا وقت ولا ايام شنو يسوون فيها!؟

وموفقه ان شاء الله

 

[~MaNaR~]

انا توني راده بعد

الحمدلله سجلت بالمادتين اللي ابيهم

صج مواعيدهم مو مظبوطه بس التنظيم كان حلو ولا فيه زحمه