الخدم النيباليات

[قناديل الخير]

بنات الله يعافيكم خدامتي بتسافر بعد الرمضان وودي اقدم على نيبالية بس متخوفة منهم ومحتارة بينهم وبين الفلبينيات وبجم فيزة النيباليات و رواتبهم وجم يطولون على ما يوصلون وعندهم المام في اللغة الانجليزية ولا لأ ساعدوني بليييييز:eh_s(2):

 

[ريحة الكويت]

هلا اختي ... النيباليات حيل حيل حيل قرويات وبدائيات لا يعرفون انجليزي ولا شي انا عندي الحين نيبالية اضطريت اطلبها لان ماكو اندونيسيات وسعرها 380 وتوصل بعد 10 ايام

 

[اطياب طيبه.أم عبدالله]

خبري بالنيباليات من اربع سنوات
كانت عندي وحده شحليلها

بس راح تعانين من مشكله التواصل باللغه ترا كلش ميح حتي انقلش مااااكو

وبعدين سالفه الدين تظلين تحسين بالفرق بينج وبينها من ناحبه الدين لأنهم هندوسيات

واذكر اول ما طلبتها ماكو اسبوع الا واصله وكانت شحليلها بس الله يهديها من مسكناها موبايل اختربت لووووول

 

[قناديل الخير]

مشكورة اختى ريحة الكويت وام عبدالله - وين تجاربكم بنات معانا

 

[أغلى حبيبه]

رد : الخدم النيباليات

انا كان عندي نيباليه جامعيه وتعرف حق النت ومسن وهالسوالف

تقول اهيا مقدمه حق شركه بس المكتب يابها لي لاني طالبه وحده تعرف انقليزي وكملت سنتين وراحت

والحين اللي عندي مييييح باللغه

بس بسرعه تفهم وتلقط الحجي والشغل وماشاءالله نظييييفه


واهمممم شي ما عندها السااان وماترادد

 

[قناديل الخير]

يعطيكم العافية بنات منو تعرف اذا طلبتها جم يوم على ما توصل

 

[الغنج والدلال]

اختي ما انصحج بالنيبالية كلش

 

[ناتشوو]

انا عندي نيبالية كفالة مكتب
ومشتغلة قبل هالمرة
بس الحمدلله نظيفة آدمية
مطيعة انا بيتي صغيرون ( نص دور) يعني الشغل شوية
تحويلها كان بـ 500ومعاشها 50
بس بصراحة الخدم حظو نصيب مافي جنسية احسن من الثانية

 

[احلى الاسامي]

نصيحه لاتجيبينهم ماتصلح حق يهال وبارده ولسانهن طويل وروحي للمكاتب تلقين كلهن مسترجعات لو فيهن خير مارجعوهن

 

[جيكره(و)تتغلى25]

والله احترتنا بالخدم