الخدامه و الموبايل ..... تجاربكم...

[ذهبيه مرصعه بألماس]

السلام عليكم و رحمة الله وبركاته ...


بنات ... :gr4uu: حدي مو عارفه شلون أتصرف قلت استشير خواتي بالمنتدى...


آنا ابي اعرف تجاربكم من ناحية الخادمه و الموبايل ....

يعني آنا ما أحب الخادمه يكون عندها موبايل ...

و آنا أول ما تدخل الخادمه أقولها ما ابي موبايل ... :eh_s(4):


لكن



كثيييير أطيح عليهم معاهم الموبايل ... :lkmnkl:

و الصراحه آنا ما أفضل الموبايل بيد الخدامه أربع و عشرين ساعه ... و تلهى فيه عن عيالي و عن البيت و عن شغل البيت خصوصا اذا تبادلت مع الخدامات الارقام ...

يعني .. ماراح تكون قايمه بواجباتها على اكمل وجه ...

و آنا بعد ما أنكر ان الخادمه بشر و تحتاج تتطمن على عايلتها و أهلها ... و ما ألومهم غربه و شغل و الله يعينهم ... :eh_s(2):

شرايكم ؟

أخلي عندهم موبايلات و احط قوانين بحيث اظمن فيها انها ما تلهى عن شغلها بالموبايل و تخلي العيال يتعورون او يطيحون أو ما تدري عنهم كلش ...

ولا شنو صراحه أبي تجاربكم من هالناحيه ...

 

[البسمه العذبه]

هلا اختي انا خدامتي جديده وماعندها موبايل بس امي جابت خدامه وفتشوها لقو موبايل وقالت لهم بكل صراحه انا اكم زوجي وبنتي غيره انا ماعندي وماشاءالله اهي مرجعه بس من احسن الخدم الي عند اهلنا

فماشرط انها تكون خربانه ولالاهيه بس بالتلفون

 

[ذهبيه مرصعه بألماس]

مشكوره حبيبتي ...

 

[شيــوخه]

صراحه انا ماايد انه الخدامه يصير عندها موبايل مستتتتحيل تقول لج انا مااكلم احد وجذيه جدامج بس لا صار بلييييل تسهر بتلفون

ولا صار ثاني يوم تقوم مالها خلق لا اعيالج ولا لها خلق نفسج الي همها النووووم

صراحه ماانصحج انج تشترين لها بتكلم اهلها تاخذ موبايلج وخلاص

 

[ساندريلا]

بحكم تجربتي ماانصحج كلششششش
لانه يخرب الخدم ويشيشون بعضهم بعض
وحتى المتزوجات الي عندهم عيال يختربون

 

[كربلائية]

انا خدامتى جكيت عندها تلفون ومحتارة شنو اسوى

 

[فرفشه منعنشه]

ما ااييد وخدامتي عندها وقالتي من اول ما اخذتها من المكتب بس قلتلها مافي موبايل

 

[انا مو هني]

انا اول ما تيي الخداما اعطيها موبايل اقولها احنا اندق عليج وانتي تدقين علينا رنااا عشان الرصيد واذا تبين تكلمين اهلج كيفج اشتري كرت وكلمي لي السنا اليايا

 

[توتي نوتي]

بصراحه خدامة ماما بما أني المسؤوله عنها اعطيها الموبايل كل ويك اند يعني يومين بس


وبعدها آخذه ومرتاحه على كذا

 

[ام العبايه]

لا حبيبتى انتى اذا مو مقتنعه راح تتعبين انا جتنى وحده مسترجعه وعندها موبايل وافقت ..... المهم انا ساكنه بشقه واحب الهدوء وعيالى نفسي ما نحب الازعاج المهم تخيلي انا على النت اجكجك وعيالى يدرسون منتشرين ما تسمعين صوت والطيبه اعلى صوتها تتكلم وتتمشي بالممر عند غرفه زوجى واهو نايم كلمتها ما كو فايده يعنى الوضع ما يسمح ان افرحوا افرحت وان صار موقف عندهم صار بالها مشغول فعلى طول مكتبها اولى فيها ......

 

[ذهبيه مرصعه بألماس]

حبيبتي أم العبايه ...

آنا مستحيل أخليها تتمشى فيه لو بخليها تستعمل تلفون بس المشكله اني ساكنه عند الحموله و كل الخدامات موبايل و ما ابي تجيبه من وراي ابي يكون عندي علم بعد الله العالم لو تجيب الموبايل بدون علمي باجر تجيب شغلات ثانيه غير الموبايل بدون علمي
بنات ابي اعرف سياستكم مع الخدم و الموبايل خلونا نستفيد ...

 

[^kloOot^]

شوفي انا من كثر ماطحت عليهم تعقدت بصراحه

فحطيت قوانييين


اعطيها المبايل

اقولها شوفي اهلج اوكي
تاخذينه معاج بيوت لالالا
تتكلمين احد بالكويت هم لا
ما اجيك عليه على طووووووووووووووول برنت عن المكالمات
اطيح عليج بتلفون 2 اقولج بيباااااااااااااي المكتب على طول
تحترمينى احترمج
هذه سياستى مع الخدم